Резников, Алексей Львович

Дуьненчу ваьлла 1931-чу (кхечу хаамашца — 1933) шарахь РСФСР-н Къилбаседа-Кавказан крайхь (хӀинца — Краснодаран край).

Советан Эскарехь(оьр.)нохч. гӀуллакх дина ваьллачул тӀаьхьа, 1955-чу шарахь «Туркменнефть» цхьаьнакхетараллехь буруш тодаран бурутохархочун болх бан волавелла.

Чекхйаьккхина Соьлжа-ГӀалин мехкадаьттан институт, цул тӀаьхьа «Небитдагнефть» мехкадаьттан промыслан урхаллин говзанчин болх бина. Цо куьйгалла а деш бурутохархойн бригадо масех шарахь толаман меттигаш йаьхна Туркменин ССР-н нефтяникашна йукъахь дӀахьочу социалистически къийсадаларшкахь, иштта, урхаллехь хьалхарчарна йукъахь «Коммунистически къинхьегаман коллектив» сийлахь цӀе а йелла.

1960-чу шеран хӀутосург беттан 28-чу дийнахь ССРС-н Лаккхарчу Советан Президиуман Указца балхахь кхиамаш бахарна а, коммунистически къинхьегаман ударникийн бригадийн цӀе йаккхарна лерина долу къийсадаларш вовшахтохарна а Социалистически Къинхьегаман Турпалхочун цӀе йелла^[2].

Болх бина «Лениннефть» мехкадаьттан промыслан урхаллин коьртачу инженеран даржехь. 1968-чу шарахь «Приазовнефть» мехкадаьттан промыслан урхаллин хьаькаман заместитель хӀоттийна.

1973-чу шеран чиллин баттахь Малхбузен Сибире дӀавахана, цигахь Главтюменнефтегазан системехь мехкадаьтта кечдарехула волчу хьаькаман заместитель хӀоттийна. 1973-чу шеран бекарг баттахь «Нижневартовскнефтегаз» производственни цхьаьнакхетараллин (Тюменан областан Ханты-Мансийски къоман гуо) «Мегионнефть» мехкадаьтта а, газ а йаккхаран урхаллин хьаькам хӀоттийна.

1976-чу шеран эсаран баттахь Радужни эвлахь (Ханты-Мансийски къоман гуо) йолчу «Варьёганнефть» мехкадаьтта а, газ а йаккхаран урхаллин коьрте хӀоьтттина. 1977-чу шеран хӀутосург баттахь профсоюзийн органашкахь болх бан дехьаваьлла.

Нижневартовск гӀалин Халкъан депутатийн советан депутат а, 1961-чу КПСС-н XXII-чу гуламан делегат а хаьржина, 1961-1968-чуй шерашкахь Туркменистанан Компартин ЦК-н декъашхо хилла.

Белхаш бина ваьлча шен даймахка Краснодаран край йухавеана. КхидӀа долчу дахаран хьокъехь хаамаш бац. Ленинан орденца а, мидалшца а совгӀаташ дина

• Ленинан Орден (1960);
• Дашо мидал «Серп и Молот» (1960).