Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Плотянский, Пётр Трофимович

Пётр Трофимович Плотянский (1912 шеран 30 январь, Стражгород — 1997 шеран 2 февраль, Нальчик) — гӀашсалти, капитан, Сийлахь-Боккха Даймехкан тӀеман декъашхо, Советски Союзан Турпалхо.

Биографи

Вина 1912 шеран 30 январехь Стражгород юртахь (хӀинца Украинин Винницки областан Тепликски кӀоштехь). ВорхӀ класс чекхйаьккхинчул тӀехь иза вара Соьлжа-ГӀалахь Ӏаш а, болх беш а. 1935—1937 шерашкахь иза вара ЦӀен Эскарехь. ЦӀа вирзинчул тӀаьхь иза вара Георгиевскехь болх беш а, Ӏаш а. 1940 шарахь Плотянский йуха а дӀакхакхира ЦӀен Эскаре. Цо дакъа лецира советско-фински тӀамехь. 1941 шарахь цо чекхйаьккхира Ростовн артиллерин училище. ТӀом болабелча иза фронтехь вара. ТӀамтӀехь цунна кхузза чевнаш йинера[1].

1943 шеран апрель кхачале лакхара лейтенант Плотянский вара Къилбаседан Кавказан фронтан 18-гӀа армин 107-гӀа къастина кхиссархойн бригадан талламхойн ротан куьйгалхо. Иза шен майраллица билгалвелира Малая земля схьайоккхуш хилла тӀамтӀехь. 1943 шеран 16 апрелехь талламхойн тобанан коьртехь цо кхиамца чекхйаьккхира тӀемца таллам, 3 дзот схьа а йоккхуш, йийсархо схьа а лоцуш, кхоъ мостагӀийн тӀелатар йуха а тухуш. 1943 шеран 17 апрелехь Мысхако юртан уллехь Плотянский шен рота мостагӀна дуьхьала тӀелатан хьалагӀаттийра. Салтиш немцойн доккха зен а деш йухатуьйхуьра[1].

1943 шеран 25 октябрехь СССР Лакхара Советан Президиуман омраца лакхара лейтенантан Плотянскийн йелира Советски Союзан Турпалан цӀе[1].

1948 шарахь Плотянскийс чекхйаьккхира Ленинградан эпсарийн лакахара артиллерин школа. Цу шарахь капитанан даржехь иза тӀаьхьалоне веккхира. Иза вара Красноярскехь а, Норильскехь а, Нальчикехь а Ӏаш а, болх беш а. Иза велира 1977 шеран августехь. Плотянский дӀавоьллина Нальчикан ширан кашнешкахь[1].

Билгалдахарш

  1. ↑ 1 2 3 4 Hero of the Soviet Union medal.png Плотянский, Пётр Трофимович. Cайт «Пачхьалкхан турпалхой».

Литература

  • Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.
  • Воробьёв В. П., Ефимов Н. В. Герои Советского Союза: справ. — СПб., 2010.

Хьажоргаш

Категореш