Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Оздарбиев, Майради Висмурадан воӀ

РУВИКИ чохь изза фамили йолчу кхечу адамех лаьцна йаззамаш бу Оздарбиев.

Оздарбиев, Майради Висмурадан воӀ (оьрс. Майради Висмурадович Оздарбиев; 1943 шеран 18 октябрь, Зандакъ, Нохч-ГӀалгӀайн Автономин Советийн Социалистийн Республика — 2003, Нохчийн Республика) — cоветан Ӏилманча а, экономикин Ӏилманийн кандидат а, профессор а. Нохчийн Республикан Ичкерин дешаран министр (1996 —1998). Нохчийн пачхьалкхан университетан экономикан а, производствон урхаллин а (тӀаьхьа – Пачхьалкхан а, муниципальни а урхаллин) кафедран куьйгалхо[1].

Биографи

Иза вина 1943 шеран эсаран беттан 18-чу дийнахь Зандакъ йуртахь (хӀинца Нохчийн Республикан Нажи-Йуртан кӀоштахь йу). Цхьа шо кхаьчна бер долуш иза шен доьзалца цхьаьна Нохч-ГӀалгӀайн Республикера Кхазакхийн ССР-е дӀавигира[2].

Махках ваьккхинчуьра цӀавеъча, Нажи-Йурт йуртарчу йуккъерчу ишколе деша вахара иза, иза чекхъйаьккхира 1962-чу шарахь[2].

1964—1965 шерашкахь Советан эскарехь гӀуллакх дина[2]. Цул тӀаьхьа Ломоносовн цӀарах МПУ-н экономикан декъе деша хӀоьттира, иза чекхъйаьккхира 1970-чу шарахь[2].

Иза кхелхина 2003-чу шарахь Соьлжа-ГӀалахь[2].

Ӏилманан а, хьехаран а гӀуллакхаш

1975 шарахь цо ларйира экономикан Ӏилманийн кандидатан диссертаци «Аграрни промышленни цхьаьнакхетар къинхьегаман меттахӀотторан хьелаш тодаран фактор санна» цӀе йолчу темина[3]. Йеххачу хенахь цо болх бира МПУ экономикин факультетехь, проректоран заместителан даржехь а волуш[2].

1990-чу шарахь дуьйна Нохчийн пачхьалкхан университетехь болх беш ву, цигахь цо кхоьллина финансийн-экономикан факультет[4]. 1992 шарахь дуьйна Нохчийн пачхьалкхан университетехь экономикан а, производствон урхаллин а кафедран (тӀаьхьа пачхьалкхан а, муниципальни а урхаллин кафедра) хьалхара куьйгалхо вара[5].

1992 шарахь иза хаьржира Нохчийн Республикин Ӏилманийн Академин декъашхо-корреспондент[2].

Ӏилманан белхаш

50 сов Ӏилманан белхан автор, шайна йукъахь экономикан а, урхаллин а хаттаршна лерина монографеш а, статьяш а йолуш.

Политикан жигаралла

Хьалхара нохчийн тӀом чекхбаларца иза хӀоьттира ша-шех дӀакхайкхийна Нохчийн Республикан Ичкерин дешаран министран даржехь. Оцу даржехь болх бира цо 1998 шо кхаччалц[2][6].

Доьзал

Да — Висмурат. ОздарбиевгӀеран доьзал зандакъой тайпанах схьабевлла бу.

Билгалдахарш

  1. ↑ Оздарбиев Майради Висмурадович - Биография. www.labyrinth.ru. ТӀекхочу дата: 2026 шеран 5 май.
  2. ↑ 1 2 3 4 5 6 7 8 Чеченский учёный Оздарбиев Майради Висмурадович. checheninfo.ru (2020 шеран 7 август). ТӀекхочу дата: 2026 шеран 5 май.
  3. ↑ Оздарбиев М.В. Аграрно-промышленные объединения как фактор совершенствования условий воспроизводства рабочей силы. Национальная электронная библиотека. ТӀекхочу дата: 2026 шеран 5 май.
  4. ↑ Чеченский государственный университет. www.chesu.ru. ТӀекхочу дата: 2026 шеран 5 май.
  5. ↑ Чеченский государственный университет — Кафедра государственного и муниципального управления. www.chesu.ru. ТӀекхочу дата: 2026 шеран 5 май.
  6. ↑ Тимур Музаев. Чеченский кризис--99: политическое противостояние в Ичкерии: расстановка сил, хроника, факты. Стр. 96. — ISBN 585-895-085-X

Категореш