Нухь
Ну́хь (Ӏаьр. نوح) — исламан беза болчу пхиъ пайхамарех а, элчанех а хьалхара цхьаъ ву, АллахӀа нахана ваийтина дуьххьара элча а ву.
Биографи
Дала беркат дина Адаман тӀаьхьенах, цунах хилла дуккха а божарий а, зударий а. ДӀасайаьржина Адаман тӀаьхье, алсам хилла иза. Ткъа, Адам вуха а веана, цунна шен бераш гича, цунна доьвзар дацара уьш. Цуьнга аьлча: ХӀара хьан тӀаьхье йу, хӀай Адам! — иза цецвер вара чӀогӀа. Цо эр дара: Сийлахь-цӀена ву АллахI! ХӀорш массо а сан бераш ду? ХӀара йерриг а сан тӀаьхье ю? Адаман тӀаьхьенан дуккха а йарташ хилла, цара дуккха а цӀенош дина. Цара латта охуш хилла, ялта дуьйш хилла, уьш бехаш хилла. Адамаш шайн де Адаман дин тӀехь хилла, АллахӀана Ӏибадат деш, Цуьнца хӀумма а накъост а ца луьйцуш! Адамаш цхьа уммат хилла, шайн да Адам а волуш, шайн Дела АллахI а волуш.
Нохь жима волчу хенахь дуьйна, нийсачу новкъахь а волуш, АллахӀана мутӀахь вара. Цуьнан шовзткъе-итт шо долчу хенахь, АллахӀа иза пайхамар хаьржира, ширканаш болчу метте вахийтина цо иза. Нохьас деле кхайкхира цаьрца, ширкана дин Ӏад дитарца. Иштта цуьнан кӀант Йам а вара галваьлла. Дала омр дина хиллера цуьнга хӀорда-кема де аьлла.
