Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Махмудов, Элинак Махмудан воІ

Махмудов Элинак Махмудан воӀ (оьрс. Элинак Махмудович Махмудов; 1918 шеран 11 ноябрь, Тевзана, Веданан кlошт — 1999 шеран 29 октябрь, Тевзана, Нохчийн Республика) — советан сержант а, талламхо а, Сийлахь-Боккхачу Даймехкан тӀеман ветеран. Цунна йелла ЦӀен Седан орден а, Даймехкан тӀеман шолгӀачу даржан орден а, мидалш «Ленинград ларъйарна» а, «Кёнигсберг схьайаккхарна» а, «1941—1945 шерашкахь Германина тӀехь толам баккхарна» а, кхин а[1].

Биографи

Вина 1918 шеран лахьанан беттан 11-чу дийнахь Веданан кӀоштан Тевзана йуртахь[1].

1939 шеран лахьанан беттан иза жигара эскарехь гӀуллакх дан кхайкхира Кожукскин кӀоштан тӀеман комиссариатехь[1]. Сийлахь-Боккхачу Даймехкан тӀамо ЦӀечу эскаран могӀаршкахь карийра иза. 1942 шарахь дуьйна 3-гӀа Белоруссин фронтан 11-гӀа гвардин эскарехь 23-гӀа къаьстина тӀеман-танкашна дуьхьал бригадан шакъаьстина тӀеман-танканашна дуьхьал йолчу тоьпан полкийн декъашхо санна фронтан могӀанехь разведчик вара[2].

1941—1942 шерашкахь Ленинградан фронтехь тӀом бина, Ленинград ларъйарехь дакъалаьцна.

1942—1943 шерашкахь — Карельскин фронтехь. 1943—1944 шерашкахь — 1-чу Украинин фронтехь[3].

1943 шеран гӀуран беттан 24-чу дийнахь 1944 шеран кхолламан беттан 14-чу кхаччалц 23-гӀа къаьстина тӀеман бригада 13-гӀа эскаран декъехь дакъалецира Житомир-Бердичевн операцехь, Коростен гӀала мукъайаккхарехь, Ровно агӀорхьа дӀайахара. 1944 шеран кхолламан беттан чекхболуш дуьйна бригада 38-гӀа эскаран йукъа а йаьккхина, Винница гӀалин малхбалехьа йолчу кӀошта дехьайаьккхира, цигахь, кхин йолчу ЦӀен Эскаран дакъошца цхьаьна, цара йухатоьхна мостагӀчун баккхийчу ницкъаша деш долу контрнаступкаш. Къаьсттина 266-гӀа тӀеман полко, гергарчу хьесапехь 1944 шеран чиллин беттан 7-чу дийнахь, тӀеийцира тӀом Винницан областян Чагов йуьртан кӀоштахь.

1944—1945 шерашкахь — 3-гӀа Белоруссин фронт а, Прибалтикан фронт а, 1-гӀа Балтикан фронт а. Дакъалецира Кёнигсберг а, Лейнсберг а, Гданьск а, Страсбург а мукъайахарехь[1][2].

Малхбален Пруссехь толам баккхар даздина[2]. Велла 1999 шеран эсаран беттан 29-чу дийнахь, Тевзана йуьртахь, цигахь дӀавоьллина[2].

СовгӀаташ

  • ЦӀен Седан орден(оьр.)нохч. (1945 шо, чиллин беттаг 17 де)[4];
  • Даймехкан тӀеман ӀӀ-чу даржан орден (1945 шо, хӀутоссург беттан 11-гӀа де)[5];
  • «Ленинград ларъйарна» мидал;
  • «Кёнигсберг схьайаккхарна» мидал (1945 шо, асаран беттан 9-гӀа де)[5];
  • «1941—1945 шерашкахь Сийлахь-Боккха Даймехкан тӀамехь Германина тӀехь толам баккхарна» мидал (1945 шо, хӀутоссург беттан 9-гӀа де)[5];
  • Дуккха а юбилейн мидалш;
  • Баркаллин кехаташ ду .

Иэс

Иза винчу Тевзан йуьртахь урам а, аллей а йу Махмудов Элинакан цӀарах[6][7].

Билгалдахарш

  1. ↑ 1 2 3 4 Махмудов Элинак Махмудович. Память народа 1941-1945. ТӀекхочу дата: 2026 шеран 13 май.
  2. ↑ 1 2 3 4 Махмудов Элинак Махмудович. Бессмертный полк (2020 шеран 30 апрель). ТӀекхочу дата: 2026 шеран 13 май.
  3. ↑ Боевой путь 23 отдельной истребительно-противотанковой бригады. www.polk.ru. ТӀекхочу дата: 2026 шеран 13 май.
  4. ↑ Махмудов Элинак Махмудович. Память народа 1941-1945. ТӀекхочу дата: 2026 шеран 14 май.
  5. ↑ 1 2 3 Махмудов Элинак Махмудович. Память народа 1941-1945. ТӀекхочу дата: 2026 шеран 14 май.
  6. ↑ Улица Э.Махмудова в селе Тевзане. mapdata.ru. ТӀекхочу дата: 2026 шеран 14 май.
  7. ↑ Переулок Э. Махмудова в селе Тевзане. www.mapdata.ru. ТӀекхочу дата: 2026 шеран 14 май.

Литература

  • Чеченцы в борьбе с фашизмом. Великая Отечественная война 1941—1945 / М. М. Мурдалов. — «Издательские решения», 2022. — 490 с. — ISBN 978-5-00-559552-2.

Категореш