Литературин-мемориалан А. Айдамировн музей
Литературин-мемориалан А. Айдамировн музей кхоьллина йаздархо винчу юьртахь Мескитехь 2006-чу шарахь нохчийн
литературин классикан иэс дахдан Ӏалашонца. Музей Нохчийн Республикин Къоман музейн филиал йу.
Схьаделлар
2006 шеран 2 ноябрехь хилира А. Айдамировн цӀарах йолу музей деза схьайеллар. Музей схьайоьллуш дакъалоцуш бара: Нохчийчоьнан Парламентан председатель Абдурахманов Дукуваха, парламентан декъашхой, министр коьртехь волчу Нохчийчоьнан культуран министерствон белхахой, Нохчийн Республикин Къоман музейн инарла директор Асталов Ваха шен коллективца, Нажи-Йуьртан кӀоштан администрацин куьйгалхочуьнца А. Хататаевца, кӀоштан дешаран урхаллин белхахошца, дешаран урхаллин куьйгалхочо В. Б. Дециевс а, республикин а, кӀоштан а, йуьртан а динан дайн векалша а[1].
Истори
Айдамиров Абузар вехачу хенахь цхьана инициативан тобано сацам бира йаздархочун «Йеха буьйсанаш» цӀе йолчу трилогина лерина хинйолчу литературни мемориалан музейн бух билла. Амма шен Ӏаламца эхь-бехк долчу Айдамиров Абузара музей кхолларехь болх дӀаболо ца битира, «хӀолламаш дахарехь ца хӀиттабо» бохуш. 2005-чу шарахь Гуьмсе гӀалин администрацин гӀишлон чохь дӀайаьхьира йаздархочун йуьззина произведенеш йовзийтар. Кхузахь йуха а айдира А. Айдамировн музей кхолларан хаттар. Официалехь дӀакхайкхийра, йаздархочун цӀахь музей кхуллур йу аьлла.
.jpg)
.jpg){kind=link}
2005-чу шеран 27-чу майхь кхелхина нохчийн халкъан сийлахь-воккха лардархо, нохчийн литературин титан. А. Айдамиров дӀакхалхарца доьзна Ӏедалан тезетан комисси кхоьллира, цо сацам бира гоьваьллачу йаздархочун иэс дахдаран хьокъехь. Цу сацаман цхьана пунктехь дара музей кхолла йезаш хилар. Айдамирова Машар Абузаровна а, Айдамиров Соли Абуевича а, Жабраилов Руслан Наиповича а, музей кхолларехь болх бан буьйлабелира. Уьш шаьш болх бан буьйлабелира. Инарла директор Асталов В. А. коьртехь волу Нохчийн Республикан культуран министерства а, Нохчийн къоман музей а дӀакхетта.
ТӀеман чаккхе цхьана агӀоно толам баккхарца йа шина а агӀонан гӀелдаларца хуьлу, амма йерриг а конфликт чекхйолу тӀамо йоьхначу йукъаралле культура йухаерзарца. Цул сов, культура машар латторан а, тӀом дӀабирзинчул тӀаьхьа терапин а гӀирсех цхьаъ бу, хӀунда аьлча культуран дуьненехула а, исбаьхьаллин суьртехула а стаг сиха толо тӀеман травмашна, мостагӀчун вастах дӀаволу. А. Айдамировн литературни мемориалан музей схьайеллар бакъдолчунна тӀеман тӀаьхьара терапи а, нохчийн йукъараллин-политически дахарехь йаздархочо Айдамиров Абузара дӀалаьцна доккха дакъа тӀечӀагӀдеш къеггина бакъдерг а хилла дӀахӀоьттира.
Билгалдахарш
- ↑ Литературно-мемориальный музей А.Айдамирова. ТӀекхочу дата: 2017 шеран 13 ноябрь. Архивйина 2017 шеран 13 ноябрехь
Литература
- Асталов В. А., Хамурзаев И. С. Музейная сеть Чеченской Республики в конце XX — начале XXI века. — Махачкала: АЛЕФ, 2014. — 196 с. — ISBN 9785438606161.
Хьажоргаш
- Литературно-мемориальный музей А. Айдамирова. Министерство культуры Чеченской Республики. ТӀекхочу дата: 2014 шеран 15 декабрь. Кху чуьра архивйина оригиналан 2014 шеран 15 декабрехь (ТӀе цакхочу хьажорг)
- Литературно-мемориальный музей А. Айдамирова. ГБУК «Национальный музей Чеченской Республики». ТӀекхочу дата: 2014 шеран 15 декабрь.
- Турко Шудуев. Музей «Долгих ночей». Информационное агентства «Грозный-Информ» (10 апреля 2013). ТӀекхочу дата: 2014 шеран 15 декабрь.
- Дети начальных классов СОШ Мескеты в музее Абузара Айдамирова YouTube чохь