Лабазанов, Чингиз Сулейманан воӀ
Лабазанов Чингиз Сулейманан воӀ (оьрс. Чинги́з Сулейма́нович Лабаза́нов; 1991 шеран 18 апрель, Мартыновкан кӀошт, Ростован область) — россин греко-риман кепар латархо а, Российн чемпион а, 2015 шеран Европан ловзарийн борзан совгӀатхо а, Европан чемпионатан детин совгӀатхо (2017 шо) а, 2014 шарахь дуьненан чемпион, Российн Сийлахь спортан говзанча а.
Биографи
Вина 1991 шеран оханан беттан 18-чу дийнахь Большой Мартыновкахь Ростовн областехь. Цуьнан да Лабазанов Сулейман паргӀатчу кепехь латаран тренер ву. Дуьххьарлера тренерш бара А. Б. Дугучиев а, А. М. Чубаров а.
2007 шарахь иза деша вахара Ростоверчу олимпан резерван ишколе, иза чекхъйаьккхира 2010 шарахь[1].
2010-чу шарахь шен воккхахволчу вешица ИбрахӀимца цхьаьна иза Петарбухе кхайкхира тренеро Мамбетов Рустема[2].
2014-чу шеран асаран баттахь Москван областан Раменски гӀалахь греко-римски латаран Российн чемпион хилира Лабазанов. 71 кила йозаллин классан финалехь цо эшийра Денисов Юрий.
2014 шеран товбецан беттан толам баьккхира Ташкентехь (Узбекистан) хиллачу дуьненан чемпионатехь. Финалехь эшийра турко Юнус Озел 3:1 гайтамца[3].
2019-чу шеран оханан беттан 11-чу дийнахь цхьана шарна болх сацийна цо, тесташ йан йиш хиларан низамаш дохийна аьлла (допинган тесташ дӀайахар)[4].
2021-чу шарахь Ростов-гӀалахь хиллачу Российн чемпионатехь толам баьккхира цо 72 кийла йозаллин классехь, финалехь Зайцев Станислав эшош[5]. Цул хьалха иза ловзуш вацара сезонехь, букъ лазар бахьана долуш.
Толамаш а, совгӀаташ а
- Российн юниорийн чемпионатехь 2-гӀа меттиг (2011 шо);
- Кегийрхойн дуьненан чемпионатехь толамхо (2011 шо);
- 2014 шарахь Российн греко-римски латаран чемпионат;
- 2015 шарахь Российн греко-римски латаран чемпионат;
- 2016 шарахь Российн греко-римски латаран чемпионат;
- Поддубный Иван Гран-при лауреат (2014 а, 2016 а, 2017 а);
- 2019 шарахь Российн греко-римски латаран чемпионат;
- 2021 шарахь Российн греко-римски латаран чемпионат (72 кг кхаччалц)[5].
СовгӀаташ
- Мидал «Нохчийн Республикина диначу гӀуллакхашна» (2021)[6].
Доьзал
Воккхаха волу ваша, Лабазанов ИбраьхӀим, греко-римски латарехь Россин чемпион а, Россин дуьненайукъарчу классан спортан мастер а ву.
Билгалдахарш
- ↑ Чингиз Лабазанов: Анатолий Рощин сказал мне: «Не зазнавайся!», Чингиз Лабазанов: Анатолий Рощин сказал мне: «Не зазнавайся!» www.wrestrus.ru (2014 шеран 24 сентябрь). ТӀекхочу дата: 2026 шеран 29 апрель.
- ↑ Олег Морозов. Ибрагим Лабазанов: «На новый цикл я иду ещё мощнее. Скажу своим соперникам: не расслабляться» (2016, 26 ноябрь). Дата обращения: 29 апрелехь 2026.
- ↑ Россиянин Чингиз Лабазанов завоевал титул чемпиона мира по греко-римской борьбе, ИТАР-ТАСС (2014, 14 сентябрь). Дата обращения: 25 декабрехь 2025.
- ↑ Чемпион мира по борьбе Чингиз Лабазанов дисквалифицирован на год за пропуск допинг-тестов. Sport24 (2019 шеран 30 апрель). ТӀекхочу дата: 2026 шеран 29 апрель.
- ↑ 1 2 Чингиз Лабазанов — чемпион России-2021. ТӀекхочу дата: 2026 шеран 29 апрель.
- ↑ Медаль «За заслуги перед Чеченской Республикой». ru-nagrady-by.web.app. ТӀекхочу дата: 2026 шеран 18 август.
Хьажоргаш
- Мовлади Абдулаев. Чингиз Лабазанов. wsport.su. Энциклопедия чеченского спорта (2013 шеран 12 апрель). ТӀекхочу дата: 2026 шеран 29 апрель.
- Лабазанов, Чингиз Сулейманович. infosport.ru. ТӀекхочу дата: 2026 шеран 29 апрель.