Курчалойн исламан институт

1988-чу шарахь динан гӀуллакххочо, совдегархочо, мецената Ахматов Насуха-Хьаьжас Къилбаседа Кавказан хьалхара «Къилбаседа Кавказан хьуьжар» схьайоьллу, луучеран аьтто болу ислам динан арканаш Ӏамон. Иштта, ша дӀадолийнарг кхочушдарехь гӀо дар дийхира цо Кадыров Ахьмад-Хьаьже. Цу хенахь А-Хь. Кадыров говзанча а, Ӏилманча-Ӏеламстаг а вара. Цо чекхйаьккхинера Бухарара «Мир-Араб» хьуьжар а, Ташкентера исламан институт а. Цкъа хьалха, институт иза йиллинчу Ахматов Насуха-Хьаьжин цӀарах йара.

1991-чу шеран оханан беттан 29-чу дийнахь хьуьжарх динан лаккхарчу дешаран хьукмат – Курчалойн исламан институт йина. 2004-чу шарахь Нохчийн Республикин хьалхара Президент Кадыров Ахьмад-Хьаьжа кхелхинчул тӀаьхьа, А-Хь. Кадыровн цӀарах йолу Курчалойн исламан институт аьлла, цӀе хийцина.

2007-чу шарахь, Нохчийн Республикин Президентан Кадыров Рамзанан дӀадолорца исламан лаккхарчу дешаран хьукматехь тойаран белхаш дӀабаьхьна. Керла гӀишлош йина: административни а, дешаран а гӀишлош, 220 стагана лерина йукъарӀойла, кхача бааран чоь, спортзал^[1].

Ша болх бечу хенахь институто имаман-Ӏеламстаган, Ӏаьрбийн меттан хьехархочун говзаллаш кара а йерзош, 627 студент арахецна. 2018-чу шарахь институтехь доьшуш 332 студент вара^[2]. Институтан республикехула 13 филиал йу^[3].

• Хьумайдан кӀант Тагаев Султан – Нохчийн Республикин Правительствон председателан заместитель, Нохчийн Республикин финансийн министр^[4].
• Ӏабдул-Межидан кӀант Мутушев Ӏабдурахьим – Кунта-Хьаьжин цӀарах йолчу Россин исламан университетан ректор.