Киндаров, Заур Баронан воӀ
Заур Заур Баронан воӀ Киндаров (оьрс. Киндаров, Заур Баронович; 1964 шеран 14 август, Соьлжа-ГӀала — 2021 шеран 17 январь, Соьлжа-ГӀала) — советан а, российн а, нейрохирург а, сийлахь лор а, Нохчийн пачхьалкхан университетан проректор а, медицинин Ӏилманийн доктор (2014 шо) а, Соьлжа—ГӀалин сийлахь вахархо (2014 шо) а.
Биографи
Лоьран Киндаров Баронан доьзалехь вина. 1981-чу шарахь чекхйаьккхина Соьлж-гӀалара № 41 йолу ишкол, 1987-чу шарахь чекхйаьккхина ДегӀастанан пачхьалкхан медицинин институт, говзалла «йукъара медицина» а йолуш. 1988-чу шарахь Нохч-ГӀалгӀайн республикин дарбанан цӀийнехь нейрохирургин декъехь болх бан волавелира иза. 1988-1989 шерашкахь эскарехь гӀуллакх дина цо. 1990-чу шарахь дуьйна Нохчийн Республикин дарбанан цӀийнехь нейрохирургин декъехь лор-ординатор вара иза.
1995-чу шарахь Нохчийчохь тӀемаш болабалар бахьана долуш ДегӀаста ваха дийзира цуьнан, цигахь ДегӀастан республикин дарбан цӀийнан нейрохирургин декъехь ординаторан болх бан волавелира иза. ТӀом чекхбаьллачул тӀаьхьа Нохчийчу йухавеара иза, тайп-тайпанчу медицинин учрежденешкахь болх бира цо. 2000 шарахь Москохахь Российн медицинин Ӏилманийн Бурденко Николайн цӀарах академин нейрохирургин Ӏилманан-талламан институтан аспирантуре деша вахара.
2004 шарахь цо шен кандидатан диссертаци лардира «Диагностика внутримедуллярных опухолей с целью разработки лечения тактики» цӀе йолчу темина. 2007—2011 шерашкахь иза вара Нохчийн пачхьалкхан университетан медицинин факультетан декан; 2011-чу шарахь дуьйна шен дахаран тӀаьххьарчу деношка кхаччалц университетан проректоран даржехь болх бира цо. 2012 шарахь иза хилира орцан хьелийн а, анестезиологин а, реанимацин а кафедрин доцент.
2014-чу шарахь цунна йелла медицинин Ӏилманийн докторан дарж. Цуьнан диссертацин тема йу «Федерацин хӀоттаман субъектехь нейрохирургин гӀо-накъосталла вовшахтохар тодаран Ӏилманан бух». 2016-чу шарахь иза хилира Оьрсийчоьнан коьрта талламийн фондан правленин декъашхо.
Иэс
- 2021-чу шеран асаран беттан 30-чу дийнахь Соьлж-ГӀалин Думан сацамца НПУ-н 3-чу корпусана уллехь йолчу Соьлжа-ГӀалин Ахьмадан кӀоштан керлачу урамна Киндаров Зауран цӀе тиллина[1][2];
- С. Ш. Лорсановн урамехь 6 цӀе йолчу гӀишлонан пенах мемориалан у хӀоттийна. 2011-чу шарера 2021-чу шаре кхаччалц ваьхначу Соьлжа-ГӀалахь[3];
- 2021-чу шарахь «Точка кипения-Грозный» коворкинг-центрехь Киндаров Зауран иэсан суьйре дӀайаьхьира[4].
Билгалдахарш
- ↑ Улица имени Заура Бароновича Киндарова, г Грозный. ФИАС онлайн. ТӀекхочу дата: 2026 шеран 5 апрель.
- ↑ Решение №60 О наименовании улицы З.Б. Киндарова. Грозненская городская Дума (2021 шеран 30 июнь). ТӀекхочу дата: 2026 шеран 5 апрель.
- ↑ Решение №167 Об установлении мемориальной доски Киндарову. Грозненская городская Дума (2023 шеран 6 апрель). ТӀекхочу дата: 2026 шеран 5 апрель.
- ↑ Чеченский государственный университет имени А.А. Кадырова. www.chesu.ru. ТӀекхочу дата: 2026 шеран 28 август.
Хьажоргаш
- Заур Баронович Киндаров врач педагог и человек
- Ушёл из жизни первый проректор ЧГУ Заур Киндаров. Грозный-информ (2021 шеран 17 январь). ТӀекхочу дата: 2022 шеран 20 январь. Архивйина 2022 шеран 20 январехь