Исмаилов, Муслим Мусан воІ

Вина 1979 шеран гӀуран беттан 17-чу дийнахь Соьлжа-ГӀалахь. 1996 шарахь чекхйаьккхина № 10 йолу йуккъера ишкол^[2].

2002 шеран эсаран беттахь дуьйна чоьхьара гӀуллакхийн меженашкахь вара. Масийттаза дакъа лаьцна башха операцешкахь законехь йоцу герзашца болу кхолламашна дуьхьала.

2005 шеран бекарг беттан 23-чу дийнахь оперативан хаам беира, Соьлжа-ГӀалин кӀоштарчу БердкӀелахь цхьана доларчу цӀа чохь къайлаваьлла Тасуев Ӏальви, иза бехке вора бӀе сов стаг виеран, царна йукъахь милицин белхалой а, салтий а^[3].

Цу хӀусамехь зударий а, бераш а хиларна, царна йукъара зе хин берш дӀа а бохуш, дӀайахьа лерина йара операци. Штурм йолайалале Исмаиловс кхерамечу зонера арабаьхна зударий а, бераш а. Амма зуламхочо тидам бина иза. Царна тӀе герз а тоьхна, кегийчу берех цхьаъ закъалтана лаьцна цо. Исмаиловс цунна тӀе а вахана, тидам шена тӀеберзийра. Масех минотехь лаьттира иза зуламхочо герзаш деттарна кӀел. Штурмовикийн тобанан аьтто баьлла бер мукъадаккха. Тасуевна тӀе гранатомёт(оьр.)нохч. герз диттира. Цуьнца хилла гранаташ а иккхина, вийна тӀемало.

2006 шеран хӀутоссург беттан 31-чу дийнахь ГӀажарийн-Йуртахь «эмир» Т. Асламбеков дӀавоккхуш полкан белхалошна а, тӀемалойшна вовшахтохаршна а йукъахь тӀом иккхира. Оцу тӀамехь чӀогӀа чов йира милиционеран. Исмаиловн гира чов йина накъост, иза вара детта герз кӀелахь. Герз бухара чов йина милиционер аравоккхуш, шеца иза дӀакъовлуш, Исмаилов валаран чов йира. Операцин жамӀехь берриг зуламхой хӀаллак бира^[2].

• Россин Федерацин Турпалхо (веллачул тӀаьхьа) — хьаькаман декхар кхочушдарехь гайтинчу доьналлина а, турпалаллана а (мангалан беттан 17-чу дийнахь, 2007)^[4].

• 2022-чу шарахь «Цхьааллин Росси» федералан партин «Керла ишкол» проектан гурашкахь Соьлжа-ГӀаларчу 10-чу йуккъерчу ишколехь схьайиллина Исмаилов Муслиман цӀарах йолу «Турпалхочун парта»^[5][6].