Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Исаев Ӏела Абубакаран воӀ

Исаев Абубакаран воӀ Ӏела (оьрс. Эли Абубакарович Исаев; 1964 шеран 31 декабрь, Соьлжа-ГӀала) — Россин пачхьалкхан гӀуллакххо а, экономикан Ӏилманийн доктор а, Федералан хазнан куьйгалхочун хьалхара гӀовс[1][2], Россин Федерацин Правительствехь йолчу Финансийн университетан кафедран куьйгалхо[3]. Иза ву цхьа могӀа Ӏилманан белхийн, йаззаман, монографийн автор. 2024-чу шеран бекарг беттан 5-чу дийнахь Россин Федерацин Президентан Указца Исаев Ӏелина йелира «Даймахкана хьалха дина гӀуллакхаш дарна» IV-чу даржан орден[4] .

Биографи

Вина 1964-чу шеран гӀуран беттан 31-чу дийнахь Нохч-ГӀалгӀайн АССР-н Соьлжа-гӀалахь. 1985-чу шарера 1987-чу шаре кхаччалц Советан эскарехь(оьр.)нохч. гӀуллакх дина цо.

1989 шарахь чекхйаьккхина Харьковски инженерно-строительни институт а, 2004 шарахь — Россин Федерацин правительствол тӀехь лаьтта Финансийн академи а, 2007 шарахь — Россин Федерацин президентегара Пачхьалкхан гӀуллакхан Россин академи[2]. 2011 шарахь докторан диссертаци къовсийна темица: «Россин Федерацин регионан финансийн система модернизаци йар а, уьш кхиорехь потенциал дӀайеллар а».

1989—1994 шерашкахь цо шен белхан некъ дӀаболийра мебель а, дечиг а кечдечу заводан директоран заместитель санна.

1994—1996 шерашкахь «Чеченснаб» компанин коьрта инженер болх бина цо.

1996—1998 шерашкахь Дуьненайукъара инженерийн академин керла технологийн центран директор вара иза. 2000—2001 шерашкахь «Чеченглавснаб» ЗАО-н коьрта директор хилира.

2001—2002 шерашкахь Нохчийн Республикин Правительствон Комитетехь заместитель болх бина цо.

2003 шеран кхолламан беттан иза хӀоттийра Нохчийчоьнан финансийн министран дарже. 2003 шеран лахьанан беттан дуьйна иза хӀоьттира Нохчийн Республикан премьер-министран хьалхара заместитель а, финансийн министр а. 2003 шеран гуран баттера 2-чу дийнахь 2004 шеран бекарг батте 17-чу дийнахь кхаччалц Нохчийн Республикан Правительствон председателан декхарш кхочушдеш вара[5].

2004-чу шеран оханан беттан 29-чу дийнахь дуьйна иза хилира Нохчийчоьнан финансийн министр.

2004-чу шеран хӀутоссург баттахь дуьйна Нохчийчоьнан вице-премьеран а, финансийн министран а даржашкахь болх бина цо. Нохчийн Республикехь кризис йерзор бахьана долуш дайначу хӀусамех а, бахамех а компенсаци йалар доьхуш бахархойн дехарш талла Россин Правительствос кхоьллинчу комиссин председатель хӀоттийра иза. 2004 шеран эсаран баттахь, Алханов Алу Нохчийчоьнан президент хаьржинчул тӀаьхьа, иза йуха а вице-премьер а, финансийн министр а хӀоттийра.

2007 шеран оханан баттера 2008 шеран гӀуран батте кхаччалц Нохчийчоьнан финансийн министран даржехь лаьттира, ткъа 2008 шеран гӀуран баттера 2012 шеран товбецан батте кхаччалц Нохчийчоьнан Правительствон председателан заместитель — Нохчийн Республикан финансийн министран даржехь лаьттира[6].

2012-чу шеран товбецан баттера 2016-чу шеран асаран батте кхаччалц цо болх бира Финансийн а, бюджетан а Ӏуналла дечу Федеральни сервисан куьйгалхочун гӀовсан даржехь.

2016-чу шеран асаран баттера 2025-чу шеран гӀуран батте кхаччалц иза вара Федералан хазнин куьйгалхочун гӀовсан даржехь.

2020-чу шеран гӀуран баттера 1-чу дийнахь дуьйна Россин Федерацин Правительствехь йолчу Финансийн университетехь финансийн контролан а, хазнан а департаментан куьйгалхо ву иза[3].

2025-чу шеран гӀуран беттан 1-чу дийнахь Россин Федерацин Правительствон омрица иза хӀоттийра Федералан хазнан куьйгалхочун хьалхара гӀовс[2].

СовгӀаташ

  • Цунна йелла Невский Александран орден а, Сийлаллин орден а, ДоттагӀаллин орден а, ткъа иштта «Даймахкана хьалха дика гӀуллакхаш дарна» орденан 2-гӀа даржан йолу мидал;
  • Россин Федерацин Президентан Путин Владимиран омрица Исаев Ӏелина йелира «Даймахкана хьалха дина гӀуллакхаш дарна» IV-чу даржан орден (2024)[4];
  • Дай-нанойн сийлаллин орден (2016);
  • Иштта, РФ-н Президентан Баркаллин грамота а, РФ-н Правительствон Баркалла а, РФ-н финансийн министран Баркалла а, «Финансийн белхан отличник» билгало а, РФ-н ЦК-н Сийлаллин грамота а йелла цунна[7];
  • «Москохана гӀуллакх дарна» сийлаллин билгало (2025)[8];
  • «Нохчийн Республикана хьалха дина гӀуллакхашна» мидал (2005)[5];
  • Кадыровн орден (2006)[5];
  • Россин Федерацин сийлахь экономист.

Доьзал

Исаев Ӏелин да-нана Йизан а, Абубакар а махках даьхна. Цуьнан да Исаев Абубакар махках ваккхале меттигерчу ишколехь хьехархо вара. ЦӀавеанчул тӀаьхьа Нохч-ГӀалгӀайн АССР-н Советски кӀоштанан социальни Ӏалашъйаран отделан заведующи а, тӀаьхьо XX-гӀа партсъездан колхозан председатель а, Советски районан некъаш дахкаран отделан заведующи а волуш болх бира цо[9].

Ӏелин ваша Исаев Хьусейн 2003-чу шеран асаран баттера 2004-чу шеран хӀутоссург батте кхаччалц Нохчийчоьнан Пачхьалкхан Кхеташонан куьйгалхо вара, Кадыров Ахмат-Хьаьжин хьехамча а вара[10].

Зуда йалийна ву. Цуьнан зуда йу Фатима Магомед-Эминан йоӀ Исаева. Исс бер ду церан. 2016-чу шарахь цу шинна йелира «Дай-нанойн сийлаллин» орден.

Билгалдахарш

  1. ↑ Поздравляем Исаева Эли Абубакаровича с назначением на должность первого заместителя руководителя. Финансовый университет (2025 шеран 1 декабрь). ТӀекхочу дата: 2026 шеран 25 май.
  2. ↑ 1 2 3 Заместитель руководителя Федерального казначейства. web.archive.org. ТӀекхочу дата: 2026 шеран 25 май.
  3. ↑ 1 2 Кафедра «Финансовый контроль и казначейское дело». Финансовый университет. ТӀекхочу дата: 2026 шеран 25 май.
  4. ↑ 1 2 Путин наградил Эли Исаева орденом «За заслуги перед Отечеством» IV степени. Грозный-информ (2024 шеран 5 февраль). ТӀекхочу дата: 2026 шеран 25 май.
  5. ↑ 1 2 3 Исаев Эли Абубакарович. TAdviser. ТӀекхочу дата: 2026 шеран 25 май.
  6. ↑ Исаев Эли Абубакарович. Roscongress. ТӀекхочу дата: 2026 шеран 25 май.
  7. ↑ Исаев Эли Абубакарович. web.archive.org. ТӀекхочу дата: 2026 шеран 25 май.
  8. ↑ Эли Исаев награжден знаком отличия «За заслуги перед Москвой». MSK News (2025 шеран 30 октябрь). ТӀекхочу дата: 2026 шеран 25 май.
  9. ↑ Хусейн Исаев(оьр.), Шатой - красивое горное чеченское село (12 августехь 2011). Дата обращения: 25 майхь 2026.
  10. ↑ Р. Кадыров поздравил Э. Исаева с наградой (2024 шеран 5 февраль). ТӀекхочу дата: 2026 шеран 25 май.

Категореш