Закриев, Салман Соипан воӀ

Вина 1967-чу шеран гӀуран беттахь 2-чу дийнахь Нохч-ГӀалгӀайн АССР-н Шелан кӀоштан Ӏаларой-Эвлахь^[1].

1986—1988 шерашкахь Советан Эскарехь гӀуллакх дина цо. 1993-чу шарахь чекхйаьккхина Нохчийн пачхьалкхан университетан экономикин факультет, ткъа 2009-чу шарахь — ХӀинжа-ГӀалан финансийн а, бакъонан а институт «Юриспруденци» говзаллица^[2].

1988-чу шарахь, Нохчийн университет чекхйаьккхинчул тӀаьхьа, Нохчийчуьрчу гӀишлошйаран предприятешкахь болх бина цо. Цул тӀаьхьа республикерчу ницкъаллин структурашка балха дехьавелира иза, Соьлжа-ГӀаларчу некъаш Ӏалашдечу предприятехь линейни механикан болх бира. 2002—2005 шерашкахь Нохчийчуьрчу чоьхьарчу гӀуллакхийн министраллан системехь болх бина цо^[1].

2005 шеран лахьанан беттахь 27-чу дийнахь дуьйна — Нохчийн Республикин хьалхарчу кхайкхаман Парламентан Халкъан гуламан депутат Курчалойн харжамийн гуонера. 2006-чу шеран кхолламан баттахь Халкъан Гуламан Председателан когаметта хӀоьттира иза. Иштта цо куьйгалла дира ГӀишлошйаран а, хӀусамийн а, коммунальни хьашташ кхочушдаран а комитетан а, компенсацеш дӀайаларна тӀехь терго латторан а, Нохчийн Республикин социальни сфера йарна а, меттахӀотторна тӀехь терго латторан а ханна лерина йолчу комиссешна а.

2008 шеран эсаран беттахь 12-чу дийнахь иза хаьржира шолгӀачу кхайкхаман Республикан Парламентан депутат, ткъа эсаран беттахь 30-чу дийнахь иза хаьржира Парламентан(оьр.)нохч.председателан хьалхара заместитель.

2013-чу шеран товбецан беттан 8-чу дийнахь Нохчийн Республикан кхоалгӀачу кхайкхаман парламентан депутат хаьржира иза. 2013 шеран товбецан беттан 26-чу дийнахь иза хаьржира кхоалгӀачу кхайкхаман Парламентан Председателан хьалхара заместитель^[3].

2015-чу шеран асаран беттан 29-чу дийнахь дуьйна мангалан беттан 3-чу дийне кхаччалц, Абдурахманов Дукхваха веллачул тӀаьхьа, Парламентан председателан даржехь лаьттира иза.

2016-чу шеран товбецан беттан 18-чу дийнахь парламентан 4-чу кхайкхаман депутат хаьржира иза. 2016 шеран эсаран беттан 4-чу дийнахь инаугурацин сессехь иза хаьржира 4-чу кхайкхаман парламентан председателан хьалхара гӀовс.

2021-чу шеран товбецан беттан 19-чу дийнахь иза хаьржина пхоьалгӀачу кхайкхаман парламентан депутат. 2021-чу шеран эсаран беттан 4-чу дийнахь инаугурацин сессехь иза хаьржира пхоьалгӀачу кхайкхаман парламентан председателан хьалхара гӀовс.

2026-чу шарахь а кхидӀа а дӀахьо цо республикерчу бахархошца цхьаьнакхетарш.

«Цхьааллин Росси» фракцин декъашхо^[1].

• Шеран стаг (2006 шо) — республика меттахӀотторехь а, сагӀадоьхучу гӀуллакхийн гӀуллакхехь дакъалацарна а;
• Кадыровн орден;
• «Нохчийн Республикехь парламентаризм кхиорна» орден;
• «Нохчийн Республикина хьалха дина гӀуллакхашна» мидал;
• «ТӀеман вежаралла бахьана долуш» дагалецаман мидал;
• «ТӀеман цхьаьнаболхбар чӀагӀдарна» мидал;
• Нохчийн Республикин Куьйгалхочун баркаллин кехаташ;
• Нохчийн Республикин Парламентан Халкъан Гуламан Сийлаллин грамота;
• Нохчийн Республикин Парламентан Сийлаллин грамота;
• Россин Федерацин Федеральни Гуламан Пачхьалкхан Думан Председателан Б. В. Грызловн баркалла «Россин Федерацин законодательство а, Россин Федерацехь парламентаризм а кхиорехь боккха дакъа лацарна»;
• Россин Федерацин ЦК-н председателан В. Э. Чуров Баркаллин кехат;
• Нохчийн Республикин Парламентера баркалла;
• «Нохчийн Республикан хьакъволу гӀишлошйархо» (2009);
• «Нохчийн Республикан сийлахь вахархо» (2010);
• Юбилейн мидал «Нохчийн Республикин Хьалхара Президент Кадыров Ахьмад-Хьаьжин 60 шо кхачар»^[4].

2023-чу шарахь иза йукъаваьккхина Ӏамеркан Цхьаьнатоьхначу Штатийн санкцеш дӀакъовларан тептаре^[5].

Зуда йалийна ву. КӀант — Ясин Закриев «Данон Росси» АО компанин инарла директор^[5].