Джамалдинов, Алихан Алимшейхан воӀ

Вина 1946 шеран хӀутоссург беттан 10-чу дийнахь депортацехь ГӀиргӀазойн ССР Бирлик эвлахь. Къомана нохчи ву. 1964 шарахь Пхьарчхошкахь ишкол чекхйаьккхира. 1969 шарахь Нохч-ГӀалгӀайн пачхьалкхан педагогин институт чекхйаьккхира^[1].

1965-чу шарахь Багаев Дэги куьйгалла а деш, паргӀат кепара латарехь Ӏамо волавелира иза. Цо толам баьккхира Дуьненайукъара турнирехь пхоьазза дуьненан чемпионан Алиев Ӏалин совгӀаташца (1967). 1968-чу шарахь ССРС-н тӀеман ницкъийн чемпион хилира. 1970-чу шарахь РСФСР-н чемпион хилла волу дуьххьарлера нохчий. Дуккха а Йерригроссин а, Йерригсоюзан а турнирашкахь толам баьккхира цо^[2].

Хаси-Эвлахь латаран ишкола кхоьллина а, дукха хенахь дуьйна цуьнан директор хилла а. Джамалдинов Алиханан инициативаца Хаси-Эвлахь схьайиллина «Спартак» Берийн а, кегийрхойн а спортан ишкола 1978 шарахь^[3]. Цо кечвина 200 сов СССР а, Россин а спортан мастер, итт ССРС а, Россин а Сийлахь тренер. Цуьнан дуккха а дешархой бу лаккхара спортан а, пачхьалкхан а цӀераш йаьхна^[1]. ТӀеман вовшахлатар олимпан резерван ишколин куьйгалхо вара Джамалдинов Алихан^[4][5].

• Майрбек Юсупов — шозза ССРС-н чемпион а, Россин сийлахь тренер;
• Салимхан Джамалдинов — ССРС-н чемпионатан совгӀатхо а, Россин Сийлахь тренер а (жимах волу ваша);
• Сайтиев, Бувайсар Хамидович — 3-за олимпиадийн чемпион, 6-за дуьненан чемпион, 6-за Европин чемпион, 4-за Российн чемпион, Дика Ӏалашойн ловзарийн толамхо, Российн Сийлахь спортан говзанча;
• Сайтиев, Адам Хамидович — 3-за Россин чемпион, 3-за Европин чемпион, шозза дуьненан чемпион, олимпиадан чемпион, Российн Сийлахь спортан говзанча^[6].

• ССРС-н спортан говзанча(оьр.)нохч. ;
• ССРС-н къаьмнийн доттагӀаллин орденан кавалер^[5];
• ДССР-н культуран хьакъволу белхахо^[7];
• РСФСР хьакъволу тренер (1977)^[1].

• Пачхьалкхан долахь йолчу Хаси-Эвлахь йолчу йукъардешаран «Спортан интернат» цӀе йолчу учрежденина Джамалдинов Алиханан цӀе тиллина 2021-чу шарахь^[7][8].