Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Джабиров, ИбрахӀим

Джаби́ров Ибра́хӀим Хасмагомедович (оьрс. Джабиров, Ибрагим; 1946 шеран 18 февраль, Риддер, Малхбален-Кхазакхстанан область) — российски йаздархо, поэт, журналист, Россин а, Нохчийчоьнан а йаздархойн союзийн декъашхо, Россин журналистийн союзан декъашхо, Нохч-ГӀалгӀайн АССР-н культурин хьакъволу гӀуллакххо, Россин Федерацин культурин хьакъволу гӀуллакххо[1].

Биографи

Дуьненчу ваьлла нохчийн къам махках даьккхинчу хенахь Лениногорскехь (хӀинца Риддер, Казахски область, Казахстан) белхалочун доьзалехь. 1966-чу шарахь Соьлжа-ГӀалин мехкадаьттан техникуман механикин факультет чекхйаьккхина. 1968-чу шарахь хенахл хьалха эскарера мукъаваьлла, цул тӀаьхьа болх бина Нохч-ГӀалгӀайчоьнан мехкадаьттан а, газан а предприятешкахь. 1970-чу шарахь Нохч-ГӀалгӀайн телевиденехь диктор вахана. 1976-чу шарахь тӀаьхьашха чекхйаьккхина Ростовн пачхьалкхан университетан журналистикин факультет.

Кхолларалла

Йазйан волавелла 1970-чу шерийн чаккхенехь. Цуьнан хьалхара белхаш зорбане бевлла шелан кӀоштан газетехь. Цул тӀаьхьа зорбане вала волавелла республикин прессехь а. Хьалхара произведенеш шен махкана а, дайн ламасташна а, Ӏаламан хазаллина а, безамна а лерина йара. ТӀаьххьарчу хенахь исторех лаьцна йазйан волавелла. Цуьнан хӀокху муьран белхаш Алиев Эрис-Ханан («Инарла Алиев» киншка) а, Лермонтов Михаилан «ТӀаьххьарчу дуьхьалоне» роман) а, Чеченский Александран («Луьра гусар» газетера публикаци) а кхолламех боьзна бу.

Джабиров ИбрахӀим Йерригсоюзан а, республикин а къовсамийн лауреат ву, цо ша автор волу 15 документальни фильм йаьккхина. «Партизанаш» исбаьхьаллин фильмехь коьрта роль ловзийна[1].

Библиографи

Коьрта хьост: [2]

нохчийн маттахь

  • Іуьйренан аьзнаш. Коллективный сборник стихов. Грозный, 1976.
  • Къоначеран аьзнаш. Коллективный сборник стихов. Грозный, 1982.
  • Вай хоржу некъ. Стихаш, поэма. Грозный, 1982.
  • Заманан куьзга. Повесть, дийцарш, стихаш. 2018.

оьрсийн маттахь

  • Джабиров Ибрагим. О чём молчат днестровские курганы // Молодёжная смена. — 2010. — № 18 (740) (3 мартехь).
  • Джабиров Ибрагим. Неистовый гусар // Молодёжная смена. — 2010. — № 41 (763) (22 майхь).
  • Джабиров Ибрагим. Неистовый гусар // Молодёжная смена. — 2010. — № 45 (767) (5 июнехь).
  • Джабиров Ибрагим. Неистовый гусар // Молодёжная смена. — 2010. — № 46 (768) (9 июнехь).
  • Родные силуэты. Исторические очерки. Грозный, 2011;
  • Голос из былого. Избранное. Грозный, 2012;
  • Генерал Алиев. Роман. Грозный, 2014;
  • За стеной Кавказа. Роман. Грозный, 2014;
  • Представление на расстоянии. Историко-публицистические очерки. Грозный, 2016;
  • Тропой исторической памяти. Литературные исследования. Грозный, 2016;
  • Джабиров Ибрагим. «Со щитом и на щите. Часть первая. Перед финалом империи». — 2025[3].

Билгалдахарш

  1. ↑ 1 2 Дом, Издательский. Ибрагим Джабиров, ГАУ «Издательский дом» (2022, 16 февраль). Дата обращения: 5 июнехь 2026.
  2. ↑ Чагаева, 2018, с. 155.
  3. ↑ Вышла в свет новая книга И. Джабирова, gazetaargun.ru. Дата обращения: 5 июнехь 2026.

Литература

  • Чагаева Тамара. Литературно-географический атлас Чеченской Республики. — Нальчик: ООО «Тетраграф», 2018. — С. 154—156. — 440 с. — 5000 экз. — ISBN 978-5-00066-153-6.

Категореш