Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Дачаев, Ширвани Дачаевич

Дачаев Ширвани Дачаевич (1912 шеран 12 август, Шела, Нохчийн Республика — 1984, Соьлжа-ГӀала) — советан партин а, политикан а гӀуллаккхо[1].

Биографи

Вина 1974-чу шеран хӀутосург беттан 12-чу дийнахь, Шела йуртахь[2][3].

1930 шарахь дуьйна цо къахьегна экономикан а, йукъараллин а, политикан а декъехь. 1930—1973 шерашкахь иза вара Шела кӀоштан пионерийн бюрон председатель, Нохчийн обкоман ВЛКСМ ОРГО куьйгалхо, Нохчийн обкоман ВЛКСМ шолгӀа секретарь, ВКП (б)-н Заводскойн райкоман шолгӀа секретарь, ОРПО-н куьйгалхо, ВКП(б) Нохч-ГӀалгӀайн обкоман шолгӀа секретарь, «Грознефтезаводстрой» компанин куьйгалхочун гӀовс[4].

Йерригсоюзни ВКП(б) декъашхо 1932 шарахь дуьйна[3].

1937-чу шеран эсаран беттан 10-чу дийнахь дуьйна 1939-чу шаре кхаччалц — ВКП(б)-н Нохч-ГӀалгӀайн областан комитетан шолгӀа секретарь волуш вара[3].

Архиван урхаллехь Нохчийн Республикин Правительствон Ӏалашъеш йу Ширвани Дачаевн 1936, 1954, 1973-чу шерийн лични гӀуллакхан документаш[5].

Доккха Даймехкан тӀеман дакъалацархо. ЦӀечу Эскарехь ву 1941-чу шеран мангалан беттан дуьйна. Капитан звани а йолуш, ВНОС-н (Хаваъ хьажар, хаам бар, зӀе) Къилбаседа-Кавказан фронтан Закавказьен ПВО-н 76-чу ша-къаьсттинчу батальонехь гӀуллакх дина. Ротин политрук, батальон партбюрон жопдечу секретарь, дивизин кӀоштан партин балхана инструктор. Кхазакхийн ССР чувитина, артелийн председатель, сельпон председатель, артелин технорук, ЧИ АССР чувало, Соьлжа-ГӀалахь гӀишлошйаран декъехь болх бина[4].

СССР-н 1-чу кхайкхаман Лакхарчу Советан депутат (Къаьмнийн Кхеташонан).

Иза кхелхина 1984-чу шеран хӀутосург баттахь Соьлжа-ГӀалахь.

Билгалдахарш

  1. ↑ Учетно-послужная картотека. ТӀекхочу дата: 2026 шеран 26 август.
  2. ↑ Дачаев Ширвани Дачаевич. Память народа. ТӀекхочу дата: 2026 шеран 26 август.
  3. ↑ 1 2 3 Дачаев Ширвани Дачаевич. Справочник по истории Коммунистической партии и Советского Союза 1898–1991. ТӀекхочу дата: 2026 шеран 26 август.
  4. ↑ 1 2 Филиппов С. Территориальные руководители ВКП(б) в 1934—1939 гг. Справочник. — Москва, РОССПЭН, 2016. — С. 216—217
  5. ↑ Фонды Архивного управления Правительства Чеченской Республики. Архивное управление Правительства Чеченской Республики. ТӀекхочу дата: 2026 шеран 26 август.

Категореш