Дадаев, Ӏусман Ӏусманан воӀ
Дада́ев Ӏусма́н Ӏусманан воӀ (оьрс. Дадаев, Усман Османович; 1968, СемаӀашка, Нохч-ГӀалгӀайн Автономин Советийн Социалистийн Республика) — советан а, российн а, пелхьун а, Нохчийн Республикин халкъан артист (2009)[1] а, Республика ГӀалгӀайчоьнан сийлахь артист а.
Биографи
Вина 1968 шарахь Нохч-ГӀалгӀайнчура ТӀехьа-Мартанан кӀоштара СемаӀашкахь. Жима волуш дуьйна пелхьун волуш хазахеташ вара. Тховн йистошца а, диттийн лакхенашца а лелаш лаьцна иза кест-кеста. Дас варе дира иза оцу жигараллех ларвала, амма оцу гӀуллакхо ца сацийра Ӏусман. 11 шо долуш цунна гира бакъболчу пелхьунийн спектакль, оцу хӀумано къастийра цуьнан хинйолу говзалла харжар. Дас тӀеийцира цуьнан харжам.
Ишколехь доьшуш волуш, урамашкахь пелхьун волуш, йуьртарчу самукъадаккхаран барамашкахь шен хьуьнара гойтуш, шен йуьртахошна йукъахь мах хадийра цуьнан. Цунна тӀе тидам бахийтира гӀараваьллачу пелхьуно Виситаев Адама. Дадаев кхайкхира Соьлжа-ГӀалара цирке. 1989 шарахь, Советийн эскаре кхайкхира, гӀуллакх чекхдаьккхинчул тӀаьхьа иза деша вахара Румянцев Михаилан цӀарах Циркан а, эстрадан а пачхьалкхан ишколе. 1993 шарахь цо чекхйаьккхира физоьздангаллин а, акробатикин а дакъа, муш тӀехула леларан говзалла а йолуш. Колледж чекхйаьккхинчул тӀаьхьа цо болх бира Москохахь «Шапито» циркехь.
Дукха боцучу пелхьунех цхьаъ ву, охьа ца кхетийта хьокха лелош болчарех, страховка а ца лелайо. Цуьнан трюкех цхьаъ йу коьрта тӀехь гали а долуш, когаш дихкина а волуш муш тӀехула лелар[2].
Студент волуш, 1990-гӀа шераш долалуш, Дадаев хилла французийн «Ирс» кинокомедехь коьрта турпалан дублёр-каскадёр.
Коьртачу турпалхочунна страховка а йоцуш, Ӏаламат кхераме трюкаш йан йиш йолуш каскадер оьшура. Цу муш йуккъе охьа а воьжна, цу тӀехь карча а керчина, 8 метр локхаллера бутафорин йоккха тоьпан тӀе охьавожа везаш вара. Цхьаьннан а аьтто ца баьлла и болх бан. Кхерам тӀех боккха бара. Цундела со хилира кинош чохь коьртачу актерна каскадерийн дубль, и кхераме трюкаш йеш.
Махьмуд Эсамбаев 1993 шарахь Дадаевн режиссёран хелхар кечдира муш тӀехь. ХӀинца болх беш ву «Вайнах» ансамблехь, цига цуьнга кхайкхира Дикалу Музакаев.
Доьзал
Цуьнан зуда а, йиъ йоӀ а, кӀант а ву. Йоккхаха йолу йоӀ Хьава цхьаьна хенахь цуьнца лоьмар гойтуш хилла[3].
Билгалдахарш
- ↑ Указ Президента Чеченской Республики от 26.11.2009 № 370. web.archive.org. ТӀекхочу дата: 2022 шеран 11 август. Архивйина 2022 шеран 11 августехь
- ↑ Не просто ходит по канату, а танцует. web.archive.org. ТӀекхочу дата: 2014 шеран 27 май. Архивйина 2014 шеран 28 майхь
- ↑ Малика Абалаева. Парящий между небом и землей. ТӀекхочу дата: 2014 шеран 27 май. Архивйина 2014 шеран 28 майхь
Литература
- Бетуганов Ауес Абуевич. Знаменитые люди Кавказа: [сборник]. — Республиканский полиграфкомбинат, 2010. — 772 с. — ISBN 5999600820.
Хьажоргаш
- Малика Абалаева. Парящий между небом и землей. www.grozny-inform.ru. ТӀекхочу дата: 2026 шеран 21 апрель.