Гыстаров, Фархад Рауфович
Фархад Рауфович Гыстаров (1994 шеран 21 ноябрь[1], Дон-тӀера-Ростов) — «Чайка» (Песчанокопски) клубан российн футболхо, ахтурсло.
Биографи
Вина 1994 шеран 21 ноябрехь Дон-тӀера-Ростовхь. Къоман — жӀай, цуьнан да-нана схьадаьлла Азербайджанера Белакенан кӀоштара Габагчель эвлара[2].
Пхи шо кхаьчначу хенахь дуьйна меттигерачу СКА футболан ишколе лелаш ву. Хьалхара тренер — Лысяк Александр Александрович. 2010 шарахь, цуьнан 16 шо кхачале кхайкхира СКА команде. Коьрта командехь дебют хилира 2010 шеран 31 августехь ФАЮР командин дуьхьала, цуо хийцира кевнахо матчан 90-гӀа минотехь. 2012/13 шо долалуш СКА финансийн баланаш болуш сацам бира ПФЛ декъахойн йукъара арайала, цул тӀехьа Гыстаровс контракт йаздира ставрополан «Динамоца».[3]. 2016 шарахь цхьаьна шарна йухавеира СКА. 2017 шеран январехь вахара азербайджанийн «Сумгаите», цунна йукъахь 8 матч левзина лакхара лигехь. Оцу шеран аьхка йухавирзира Россеха, цигахь контракт йаздира «Машук-КМВ» клубаца. 2019 - 2020 шерашкахь левзира гуьржийн «Руставехь».
2020 шеран 1 июлехь дуьйна ловзуш ву Дон-тӀера-Ростовра СКА йукъахь, иза ловзуш йара ПФЛ чемпионатехь[4]. 2021 шеран аьхка дуьйна СКАца контракт чекхдаьлча, Фархад дехьавелира Чайка футболан клубе, цигахь ловзуш ву тахна а, командин капитан ву, лигин коьрта ловзархойх цхьаъ ву.
Доьзал
Жимаха волу ваша Расул иштта профессионалан футболхо ву, хӀинца ловзуш ву красноярскан «Енисейхь». Шича Фуад Гейдаров иштта вара футболхо, левзина ПФЛ клубашкахь.
Билгалдахарш
- ↑ 1 2 Farkhad Gystarov // Transfermarkt(бил-боцу.) — 2000.
- ↑ Футболист российского клуба: «Если меня вызовут в „милли“, докажу, что достоин играть за историческую родину». Azerisport.com. ТӀекхочу дата: 2022 шеран 31 октябрь. Архивйина 2022 шеран 31 октябрехь
- ↑ Фархад Гыстаров: «Всегда стараемся радовать болельщиков». Официальный сайт ПФК «Динамо Ставрополь». ТӀекхочу дата: 2017 шеран 1 октябрь. Архивйина 2017 шеран 1 октябрехь
- ↑ Farkhad Gystarov - профиль игрока 20/21. www.transfermarkt.ru. ТӀекхочу дата: 2021 шеран 7 май. Архивйина 2021 шеран 7 майхь
Кхин дӀа темана тӀехь
 |
|---|
| |
|---|---|
| |