Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Гешаев, Муса Баутдинан воӀ

Муса Баутдинович Гешаев (оьрс. Гешаев, Муса Баутдинович; 1940 шеран 20 август, Соьлжа-ГӀала — 2014 шеран 7 март, Москох) — советан а, россин а йаздархо а, поэт а, литературин критик а, культурин гӀуллакххо а, Нохч-ГӀалгӀайн АССР Сийлахь исбаьхьаллин гӀуллакххо, Нохчийн Республикин Ӏилманийн Академин академик, Российн йаздархойн бертан декъашхо.

Биографи

Муса Гешаев вина Соьлжа-ГӀалахь 1940 шеран хьаьттан беттан 20-чу дийнахь. 1944 шеран чиллин беттан 23-чу дийнахь нохчий цӀера бехира. Цуьнан жималла чекхъели Кхазакхстанан Жамбилан областехь.

1965 шарахь цо чекхйаьккхира Театран, музыкин, кинематографин Ленинградски пачхьалкхан институт. Иза чекхйаьккхича иза Соьлжа-ГӀала схьавеара. Иза дӀахӀоттинера Нохч-ГӀалгӀайн АССР Культурин министерствон коьрта инспектор. 1967—1978 шерашкахь иза вара «Вайнах» цӀе йолу Нохч-ГӀалгӀайн пачхьалкхан хелхаран ансамблин куьйгалхо. Цуьнан куьйгаллица ансамбльс баккхи кхиамаш бира. Цу хенахь иза йара СССР хелхарийн ансамбльшна йуккъехь тоьллачарех цхьаъ.

1979 шарахь иза хӀоттира республикин филармонин директоран когаметтаниг. 1986—1993 шерашкахь иза вара «Эстрада» цӀе йолу пачхьалкхан объединенин директор.

1980-гӀа шераш чекхдолуш дуьйна волавелира книгаш а, байташ а йаздан. Дукха цуьнан байташах эшараш хилира. Цуьнан эшараш кест-кеста локхуш йу концерташкахь а, радиохь а, телевиденехь а. И эшараш локхуш бу гӀарбоьвла нохчийн а, российн эшархой[1].

1990-2000 шерашкахь Гешаев вехаш вара Москохь, цигахь 2005-чу шарахь арайаьлла «Знаменитые чеченцы» цӀе йолчу книгин шолгӀа том[2].

Иза дӀакхелхина Москох 2014-чу шарахь бекарг беттан 7-чу дийнахь.

СовгӀаташ

  • 2005 шеран товбецан беттан 9-чу дийнахь ГӀалгӀайчоьнан Президента Зязиков Мурата «Дикачу гӀуллакхашна» орден йелла цунна;
  • 2006 шарахь цунна йелира Франц Кафкин цӀарах дашо мидал[3];
  • Нохч-ГӀалгӀайн АССР-н исбаьхьаллин сийлахь гӀуллакххо;
  • 2007-чу шарахь Парижехь хиллачу поэзин къовсамехь дашо мидал йелира цунна.

Иэс

2010 шеран хьаьттан бетттан 11-чу дийнахь Соьлжа-ГӀалин Думан №165 йолчу сацамца Соьлжа-ГӀалин Ленинан кӀоштан С. Висаитовн урам (Алхан-Чурт пос.) хийцира Гешаев Мусан Баутдиновичан урам аьлла[4][5].

Библиографи

  • Муса Гешаев. Исследования по славянскому языкознанию. — Москва: Наука, 1971. — ISBN 9785990016491.
  • Муса Гешаев. Очередь за счастьем. — Грозный: Чечено-Ингушское книжное издательство, 1989.
  • Муса Гешаев. Ожерелье желаний. — Москва, 1996.
  • Муса Гешаев. Опрокинулось небо. — Грозный-Москва: Седа, 1998.
  • Муса Гешаев. Крылья. — Грозный-Москва: Седа, 1999.
  • Муса Гешаев. Знаменитые чеченцы. — Грозный: Седа, 1999. — Vol. 3.
  • Муса Гешаев. Кресало. — Москва, 2001.
  • Муса Гешаев. Знаменитые ингуши. — Грозный, 2003.
  • Муса Гешаев. Чеченский след на русском снегу. — Грозный, 2003.
  • Муса Гешаев. Баллада о джихаде. — Грозный, 2003.
  • Муса Гешаев. Антология чеченской поэзии. — Грозный, 2003.
  • Муса Гешаев. Мотивы для кухни и детской. Вышиваем крестом. — Москва: Мир книги, 2006. — P. 240. — ISBN 5486008910.
  • Муса Гешаев. Подарки к праздникам. Вышиваем крестом. — Москва: Мир книги, 2006. — P. 240. — ISBN 548600690Х.
  • Муса Гешаев. Фантазёр. — 2007. — P. 352. — 5000 экз. — ISBN 978-5-9900164-7-7.
  • Муса Гешаев. Меч милосердия. — Молодая гвардия, 2007. — P. 256. — 1000 экз. — ISBN 978-5-235-03094-7.
  • Муса Гешаев. Калейдоскоп. — 2009. — P. 38. — 5000 экз. — ISBN 978-5-9900164-5-3.
  • Муса Гешаев. Сказка про кошачий обед. — 2009. — P. 32. — 10 000 экз. — ISBN 978-5-9900164-9-1.
  • Муса Гешаев. Махмуд Эсамбаев. Танец над бездной. — 2009. — P. 612. — 3000 экз. — ISBN 978-5-9900-1646-0.

Литература

  • Батукаев Магомед. Верность долгу // Вести республики. — 2007. — № 163(637). — С. 3.
  • Туракаев Хасан. Поэма о друге // Молодёжная смена. — 2007. — № 84.

Билгалдахарш

  1. ↑ Муса Гешаев Архивйина 2014-03-10 — Wayback Machine
  2. ↑ Муса Баутдинович Гешаев. web.archive.org. ТӀекхочу дата: 2026 шеран 31 март.
  3. ↑ Список лауреатов награждённых «Золотой медалью имени Франца Кафки». ТӀекхочу дата: 2026 шеран 31 март. Архивйина 2016 шеран 4 мартехь
  4. ↑ Улица Гешаева, Грозный. bestmaps.ru. ТӀекхочу дата: 2026 шеран 31 март. Архивйина 2021 шеран 18 сентябрехь
  5. ↑ Решение № 59 Об утверждении Реестра улиц города Грозного (PDF). Грозненская городская Дума. ТӀекхочу дата: 2026 шеран 31 март.

Хьажоргаш

Категореш