Гакаев, Джабраил Жоколан воӀ
Джабра́ил Жоколан воӀ Гака́ев (оьрс. Гакаев, Джабраил Жоколаевич; 1942, Соьлжа-ГӀала — 2005) — советан а, россин а историк-кавказйовзархо. Нохчийн Республикин Ӏилманийн Академин президент, историн Ӏилманийн доктор а, профессор а, Н. Н. Миклухо-Маклай цӀарах йолу Этнологин а, антропологин а институтан Ӏилманийн белхало а.
Биографи
Иза винера Соьлжа-ГӀалахь 1942 шарахь. Иза Ӏинера Кхазакхстанехь Чимкентехь. 1957 шарахь иза шен доьзалца цӀавирзира.
1966 шарахь цо чекхйаьккхира Нохчийн пачхьалкхан хьехархойн институтан историн факультет. ТӀаккха иза ДегӀастанан пачхьалкхан университетан аспирантуре деша вахара. 1970 шарахь цо кандидатан диссертаци чекхйаьккхира.
1966—1996 шерашкахь иза вара Нохч-ГӀалгӀайн пачхьалкхан университетан политикин историн а, политологин а кафедран белхало. 1989 шарахь цо чекхйаьккхира докторан диссертаци. 1992 шарахь иза вара Нохч-ГӀалгӀайн республикин академи кхуллуш дакъалоцуш. Иза хаьржира академик а, хьалхара вице-президент а.
6 монографин а, 150 сов Ӏилманий йаззаман а автор.
Йукъараллин болх
Иза вара «Российн къаьмнийн ассамблейн» Советан декъашхо, «Къилбаседа Кавказехь машарбаран миссин» кхоллархойх цхьаъ. 1995 шо дуьйна иза вара «Нохчийн культурин а, йукъараллин а Москохь йолу организацийн координационни советан» куьйгалхо.
Гакаев кхайкхинера Къилбаседа Кавказехь долчу хьалан эксперт ву аьлла Женеве ООН адамийн бакъонашан комисси гуламе а, Российн Пачхьалкхан думан а, Европин Советан парламентан ассамблейн а белхан тобанан гуламашка а.
СовгӀаташ
- Нохч-ГӀалгӀайн АССР Ӏилманийн Сийлахь гӀуллакххо.
Библиографи
- Гакаев Д. Очерки политической истории Чечни (XX век): в двух частях. — Издательство Хкц, 1997. — 473 с.
- Гакаев Д., Яндаров Д. Чечня: от конфликта к стабильности. — Институт этнологии и антропологии РАН, 2001. — 277 с.