Вараев, Шарип Магомедович
Шари́п Магоме́дович Вара́ев (1969 шеран 13 август, Соьлжа-ГӀала) — россин дзюдоист, СНГ чемпион (1992 шо), Дуьненан Кубок йаьккхинарг (1990 шо), тобанийн зачётехь Европин чемпион (1991 шо), Европин чемпионатан борзан совгӀатхо (1992 шо), 1992 шарахь Барселонехь хилла Олимпан ловзарийн декъашхо, ССРС халкъашна йуккъера даржан спортан говзанча.
Биография
Вина 1969 шеран 13 августехь. Цуьнан тренер вара Феликс Куцель.
- Дуьненан Кубок йаьккхинарг (1990 шо, Потсдам, Германи);
- Тобанийн зачётехь Европин чемпион (1991 шо, Хертогенбос, Нидерландаш);
- Европин чемпионата борзан совгӀатхо (1992 шо, Париж, Франци).
- Олимпиадан декъашхо (1992 шо, Барселона, 7-гӀа меттиг)
Барселонерчу Олимпиадехь, 1989 шарахь дуьненан чемпион хиллачу Къилбаседа Корейн Ким Бёнг-джуца репешан матчехь, Шарип хьалха вара «юко» гайтамца. Латар дӀадахьа йисина масех секунд бен йоцуш, арбитро цунна «кейкоку» (пенальти йира, цуьнан жамӀехь дуьхьалончана «ваза-ари» баллаш хилира). Эххар а Вараев ворхӀалгӀачу меттехь чекхвелира.
Доьзалла
- Да — Мохьмад;
- Нана — Амнат;
- Ваша — вевзаш волу дзюдоист Башир Вараев.