Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Вараев, Башир Магомедан воӀ

РУВИКИ чохь изза фамили йолчу кхечу адамех лаьцна йаззамаш бу Вараев.

Баши́р Магоме́дович Вара́ев (оьрс. Вараев, Башир Магомедович; 1964 шеран 23 февраль, Соьлжа-ГӀала) — советан дзюдоист а, 4-за ССРС чемпион (1986—1989 шерашкахь) а, 4-за Европин чемпион (1987—1990 шерашкахь) а, Дуьненан кубок йаьккхинарг а, Олимпиадан борзан совгатхо Сеулехь а, ССРC спортан сийлахь мастер а.

Биографи

Вина 1964 шеран чиллин беттан 23-гӀа дийнахь. Гоьваьллачу тренеран Куцель Феликсан куьйгаллица дзюдо Ӏамийна цо.

1983 шарахь дуьненан чемпионатехь Башир Вараевс кегийчу нахана йукъахь йаьккхира дато мидал 71 кг кхаччалц йолу йозаллин категорехь. 1986 шо дуьйна иза халкъашна йуккъера турнирашкахь толамаш баккха волавелира.

1985 шарахь ССРС чемпионатехь дети мидал йаьккхира цо. 1986—1989 шерашкахь диъза рогӀехь пачхьалкхан чемпион хилира.

1987 шо дуьйна 1990 шо кхаччалц 4-за Европин чемпион хилира иза. 1987 шарахь цо йаьккхира дуьненан чемпионатан дато мидал. 1988 шарахь Олимпиадехь цо йаьккхира борзан мидал[1] (иза цо толам баьккхина латар дӀадолалуш 10 секунд йаьлча цӀена кхоссаран жамӀехь). 1990 шарахь иза хилира Дика Ӏалашон ловзарийн чемпион. 1989 а, 1991 шерашкахь иза хилира дуьненан чемпионатан борзан совгӀатхо.

1986 шарера 1991 шаре кхаччалц ССРC гулйина тобанан декъашхо вара 1991 шарахь профессионалан спортах дӀавахара.

Дуьххьарлера кхечу пачхьалкхан дзюдоист японхоша Кодоканан дзюдон институтан цӀеран зал чу ваьккхина[2][3].

Спортан жамӀаш

  • Венгрин Кубок (1986 шо, Будапешт);
  • Мацумэн Кубок (1986, Вена, Австри);
  • Мацутаро Шорикин Кубок (1989, Токио, Япони);
  • Чехин Кубок (Прага).

ССРС-н чемпионаташ

  • 1985 шарахь ССРС дзюдон чемпионат — 2;
  • 1986 шарахь ССРС дзюдон чемпионат — 1;
  • 1987 шарахь ССРС дзюдон чемпионат — 1;
  • 1988 шарахь ССРС дзюдон чемпионат — 1;
  • 1989 шарахь ССРС дзюдон чемпионат — 1.

Доьзал

  • Да — Магомед;
  • Нана — Амнат;
  • Ваша — Шарип — СНГ-н чемпион а, дуьненан чемпион а, Европан тобанийн чемпион а, Европан чемпионатан бронзан мидалхо а.

СовгӀаташ

  • «Даймахкана хьалха дина гӀуллакхашна» орденан мидал, 2-гӀа даржан (2022 шеран эсаран бутт 12-гӀа де) — физкультура кхиорехь а, махкахь спорт йаржорехь а дакъалацарна[4].

Билгалдахарш

  1. ↑ Первые олимпийцы. web.archive.org. ТӀекхочу дата: 2026 шеран 21 апрель.
  2. ↑ Башир Вараев: «Я всегда был фанатом дзюдо, и оно никогда не уйдёт из моего сердца». www.judo.ru. ТӀекхочу дата: 2026 шеран 21 апрель.
  3. ↑ Региональный Общественный Фонд - Вараев Башир Магомедович. web.archive.org. ТӀекхочу дата: 2026 шеран 21 апрель.
  4. ↑ Указ Президента Российской Федерации от 12.10.2022 № 732 "О награждении государственными наградами Российской Федерации". www.publication.pravo.gov.ru. ТӀекхочу дата: 2026 шеран 21 апрель.

Категореш