Будунов, Будун Хачабекович

Вина 1975 шеран 4 декабрехь Кизилюрт гӀалахь, къоман — жӀайхо.

Йоккха футболе веана ткъйасса шо долуш. Цулла хьалха лийлира лата, дзюдо, баскетболе. Дуьххьарлера клуб — «Арго» Каспийск, кхоалгӀа лигин команда. ШолгӀачу шарахь дехьавелира ХӀинжа-ГӀалара «Анжи», амма хьалхара кхаа шарахь коьртинарг левзира кхоалгӀа лигехь, шолгӀа командехь. 2000 шарахь тобанца цхьаьна хьалавелира лакхарчу дивизионе.

2001 шеран 18 августехь ЦСКА-ца матчехь Ӏоттавелира эскархойн кевнахочунга Перхун Сергейца(оьр.)нохч.. Шинне а футболистан чӀогӀа кортош лазийра. Будунов йисина шеран матчашкахь ца левзира, хье лазийна ца Ӏаш, амма хӀума дага ца догӀуш (цуо дийцарехь, иза меттавеана бедарш хуьйцу чохь, матчехь хилларг дага а ца догӀуш). Перхун 28 августехь велла Москохан нейрохирургин Н. Н. Бурденкон цӀарах институтехь^[2].

ТӀаьхьа левзина Премьер-лигин тобанашкахь: ФК «Москва»(оьр.)нохч., «Томь». 2006 шеран мартехь бегондин бакъонашца дехьаваьлла Соьлжа-ГӀалин «Терк» йукъа^[3]. 2008 шеран январехь сацам бина ловзаран карьера чекхйаккха^[4], майхь хӀоьттира ДегӀастан физикин оьздангаллин а, спортан а министран гӀовс, ткъа августехь ДегӀастан футболан бертан президентан дарж дӀалецира^[5].

2016 шеран 15 ноябрехь хӀоттийра ДегӀастан Хаси-Эвлан кӀоштан куьйгалхочун гӀовс^[6].

2019 шарахь — ДегӀастан Республикин Футболан федерацин председатель^[7].