Баскетбол

Баскетбо́л (инг. basket — тускар, ball — буьрка) — буьркаца спортан ловзар. Баскетболехь ловзуш ши команда хуьлу. ХӀора командан Ӏалашо йу буьрка дуьхьалболчера тускаран чукхоссар а, шайн тускар Ӏалашдар а^[1]. Тускар ду 3,05 метр лекха хӀоттина (10 фут). ХӀора командера майданан тӀехь хуьлу пхип стаг. Командехь 12 стаг хуьлу. Ловзуш берш ма-луу хийца йиш ю. Генара (3 очко луш долу сизал дехьара) буьрка чукхоьссича 3 очко ло. Оцу сизал сехьара чукхоьссича 2 очко ло. ГӀудан кхоссар чукхоьссича 1 очко ло. Баскетболан майда йу 28 метр йеха а, 15 метр шуьйра а. Баскетбол йу дуьненахь гӀарйаьлла спортан тайп^[2].

Баскетбол йу Олимпан ловзарийн программе йукъайогӀуш 1936 шо дуьйна. И ловзар кхоьллинарг, Джеймс Нейсмит оцу Олимпиадехь хьаша вара. Божарийн йуккъехь баскетболткЖМан дуьненан чемпионаташ йолаелира 1950 шарахь, зударашна йуккъера чемпионаташ — 1953 шарахь, Европин чемпионаташ — 1935 шарахь.