Бакаев, Ӏалихан Хавайшан кӀант
Бака́ев Ӏалиха́н Хава́йшан кӀант (оьрс. Бакаев Алихан Хавайшевич; 1997 шеран 3 октябрь, Девкар-Эвла, Нохчийн Республика) — российн боксёр, спортан дуьненайукъарчу классан говзанча[1], Россин чемпионатан дато совгӀатхо (2017)[2].
Биографи
Боксах латаволавелла 2007-чу шарахь дуьйна. «МИСиС» НИТУ-н дешархо[3].
2008-чу а, 2009-чу а, 2010-чу а, 2011-чу а, 2012-чу а, 2013-чу а шерашкахь «А» а, «Б» а классан Йерригроссин турнирашкахь толамаш баьхна. Боксехула долчу Нохчийн Республикин хьалхейаккхаран къийсадаларшкахь толамаш баьхна (2011-гӀа а, 2013-гӀа а, 2014-гӀа а, 2015-гӀа а шераш), Къилбаседа-Кавказан Федеральни гуонан хьалхейаккхаран финалист а, совгӀатхо а (2011-гӀа а, 2012-гӀа а, 2013-гӀа а, 2014-гӀа а, 2015-гӀа а шераш), 2013-чу шарахь Россин хьалхейаккхаран совгӀатхо а, оццу хенахь Россин вовшахтоьхначу командин декъашхо а.
2016-чу шарахь боксехула йолчу «А» классан «Гран-при Тула» Йерригроссин ХӀӀ-чу турниран толамхо ваьлла, А.-Хь. Кадыровн иэсана леринчу Йерригроссин VIII-чу турниран филанист ваьлла, ткъа, 2017-чу шарахь — ЗМС-н В. П. Агеевн совгӀатийн боксехула йолчу «А» классан Йерригроссин XVII-чу турниран толамхо а, Россин Чемпионатан дато совгӀатхо а. Цул тӀаьхьа, Россин вовшахтоьхначу команди йукъавахийтина, 64 кг йолчу йозаллин тӀегӀа долчу а, 19-22 шераш долчу а тобанна йукъахь иза хьалхара вара.
2018-чу шарахь Раменское гӀалахь дӀайаьхьначу боксехула йолчу Россин кегийрхойн IV-чу аьхкенан Спартакиадин совгӀатхо а, Дебреценехь (Венгри) Иштван Бочкаин иэсана лерина дӀайаьхьначу Дуьненайукъарчу турниран совгӀатхо а, Соьлжа-ГӀалахь А.-Хь. Кадыровн иэсана лерина дӀайаьхьначу дуьненайукъарчу Х-чу турниран толамхо а, Красноармейскехь (Москван область) 19-22-гӀий шераш долчу къоначу спортсменашна йукъахь Россин Йукъерчу Федеральни гуонан хьалхейаккхаран толамхо а ваьлла.
2019-чу шарахь Москван областан чемпион а ваьлла, 2020-чу шарахь Токиохь дӀадаьхьначу Олимпийски ловзаршкахь дакъалаца кандидат вара, делахь а, кечамаш бечу хенахь белш лазор бахьана долуш, Олимпиаде бохуьйтучарна йукъарчу къийсадаларшкахь дакъа ца лацийтина.
Операци а йина, ша товеллачул тӀаьхьа, 2021-чу шарахь корматаллин ринга тӀехь шен хьалхара латар дӀадаьхьна.
Корматаллин рекорд: 4 латар, 4 толам (2 нокаут)[4].
Спортан кхиамаш
- 2017-чу шеран боксехула йолу Россин чемпионат, Соьлжа-ГӀала, 64 кг —
[5][2]. - Нохчийн Республикин хьалхарчу Президентан А-Хь. Кадыровн иэсана лерина боксехула йолу дуьненайукъара Х-гӀа турнир, 69 кг —
. - 2018-чу шеран Россин кегийрхойн аьхкенан IV-гӀа спартакиада, 69 кг[6] —
. - Иштван Бочкаин иэсана лерина Дуьненайукъара турнир, Дебрецен (Венгри) — совгӀатхо;
- 19-22-гӀий шераш долчу къоначу спортсменашна йукъахь Россин Йукъерчу Федеральни гуонан хьалхейаккхар, Красноармейск — ;
- 2019-чу шеран Москван областан боксехула йолу чемпионат — .
Билгалдахарш
- ↑ Приказ о присвоении спортивного звания "Мастер спорта России международного класса". ОСОО «СФМР». ТӀекхочу дата: 2025 шеран 3 октябрь. Архивйина 2019 шеран 4 ноябрехь
- ↑ 1 2 Анкета боксера. Алихан Хавайшиевич Бакаев. rusboxing.ru. ТӀекхочу дата: 2025 шеран 3 октябрь.
- ↑ Боксеры НИТУ «МИСиС» — победители Чемпионата России по боксу. ТӀекхочу дата: 2025 шеран 3 октябрь. Архивйина 2022 шеран 17 августехь
- ↑ Alikhan Bakaev(бил-боцу.). boxrec.com. ТӀекхочу дата: 2025 шеран 3 октябрь.
- ↑ Алихан Бакаев. infosport.ru. ТӀекхочу дата: 2025 шеран 3 октябрь. Архивйина 2019 шеран 4 ноябрехь
- ↑ Результаты финальной части соревнований по боксу IV летней Спартакиады молодёжи России 2018. moskvavringe.ru. ТӀекхочу дата: 2025 шеран 3 октябрь. Архивйина 2019 шеран 4 ноябрехь