Бадалов, Руслан Нурдиевич
 Бадалов, Руслан Нурдиевич | |||
|---|---|---|---|
| Шех лаьцна | |||
| Стен-боьршалла | божарийн | ||
| Пачхьалкх |
 ССРС →  Росси |
||
| Говзалла | паргӀата кепара латар | ||
| Клуб | Спартак | ||
| Вина терахь | 1955 шеран 23 сентябрь (68 шо) | ||
| Вина меттиг | Берлиновка, Красноармейскан кӀошт, Кокчетаван область, Кхазакхстан | ||
| Спортан карьера | 1970-1983 | ||
| Тренераш | Багаев, Дэги Имранович | ||
| Йозалла | 74 кг | ||
| Спортан цӀерш |
|
||
Русла́н Нурди́евич Бада́лов (Красноармейскан кӀошт, Кокчетаван область, Кхазакхстан) — нохчийн паргӀата кепар латархо, масийттуза ССРС Кубок йаьккхинарг, ССРСн чемпион (1982 шо), Канадин Кубок йаьккхинарг (1982 шо), дуьненан чемпионатан совгӀатхо (1975 шо), ССРС спортан халкъашан йукъара классан говзанча.
Руслан Бадалов вина 1955 шеран 23 сентябрехь Кхазакхстанан Красноармейскан кӀоштан Берлиновка юртахь. Цо чекхйаьккхира Нохчийн пачхьалкхан университетан физкультуран факультет а, Ростовн халкъан бахаман институт а.
Спорт
Руслан Бадалов 15 шо кхаьчча волавелира лата Ӏама. Цуьнан тренер вара Дэги Багаев. Иза леташ вара 74 кг кхаччалц беза болу латархойн йукъахь. 1973 Киевехь ССРСн Кубок йаьккхира. Цул тӀаьхьа цо кхиамца дакъа лецира дукха йерригсоюзан а, халкъашна йукъара а турнирашкахь.
- ССРС Кубок йаьккхинарг — 1973, 1974, 1976, 1977 шераш;
- Канадин Кубок йаьккхинарг — 1982 шо;
- Юниорашна йукъахь ССРС чемпион — 1974 шо;
- Дуьненан чемпионатан совгӀатхо — 1975 шо;
- ССРС Герзан Ницкъан а, ВМФ а чемпион — 1975—1978 шераш;
- Тбилисин халкъашна йуккъера турниран толамхо — 1975, 1977, 1982 шераш;
- Александр Медведь цӀарах йолу халкъашна йуккъера турниран совгӀатхо а, толамхо а — 1980, 1981 шераш;
- Чехословакехь а (1982 шо), Монголехь а (1983 шо) хилла йолу турнирийн толамхо;
- РСФСР халкъийн Спартакиадан толамхо — 1975 а, 1979 а шераш;
- ССРС халкъийн Спартакиадан совгӀатхо — 1983 шо;
- РСФСР чемпион — 1980 шо;
- ВЦСПС чемпион — 1980 а, 1981 а шераш;
- ССРС чемпион — 1982 шо.
Болх а, йукъараллин гӀуллакх а
Спорт йитинчул тӀехь Руслан Бадаловс тренер болх бира, ЧИАССР профсоюзийн ВДФСО когаметтаниг а, председатель а, республикин спорткомитетан председатель а.
1999 шарахь тӀом болабелча иза шен доьзалца ГӀалгӀайн Республике дӀавахара. Цо кхоьллира Нохчийн халкъан кӀелхьардаккхаран комитет а, цуьна куьйгалхо а хӀоттира.
Доьзалла
Руслан Бадалован кхоъ жима ваша лата Ӏемира. Цера а оцу гӀулкхехь дика кхиамаш бара.
Русланан ши кӀант а, йоӀ а йу.