Бадалов, Руслан Нурдиевич

Руслан Бадалов 15 шо кхаьчча волавелира лата Ӏама. Цуьнан тренер вара Дэги Багаев. Иза леташ вара 74 кг кхаччалц беза болу латархойн йукъахь. 1973 Киевехь ССРСн Кубок йаьккхира. Цул тӀаьхьа цо кхиамца дакъа лецира дукха йерригсоюзан а, халкъашна йукъара а турнирашкахь.

• ССРС Кубок йаьккхинарг — 1973, 1974, 1976, 1977 шераш;
• Канадин Кубок йаьккхинарг — 1982 шо;
• Юниорашна йукъахь ССРС чемпион — 1974 шо;
• Дуьненан чемпионатан совгӀатхо — 1975 шо;
• ССРС Герзан Ницкъан а, ВМФ а чемпион — 1975—1978 шераш;
• Тбилисин халкъашна йуккъера турниран толамхо — 1975, 1977, 1982 шераш;
• Александр Медведь цӀарах йолу халкъашна йуккъера турниран совгӀатхо а, толамхо а — 1980, 1981 шераш;
• Тегеранехь а (1980 шо), Чехословакехь а (1982 шо), Монголехь а (1983 шо) хилла йолу турнирийн толамхо;
• РСФСР халкъийн Спартакиадан толамхо — 1975 а, 1979 а шераш;
• ССРС халкъийн Спартакиадан совгӀатхо — 1983 шо;
• РСФСР чемпион — 1980 шо;
• ВЦСПС чемпион — 1980 а, 1981 а шераш;
• ССРС чемпион — 1982 шо.

Спорт йитинчул тӀехь Руслан Бадаловс тренер болх бира, ЧИАССР профсоюзийн ВДФСО когаметтаниг а, председатель а, республикин спорткомитетан председатель а.

1999 шарахь тӀом болабелча иза шен доьзалца ГӀалгӀайн Республике дӀавахара. Цо кхоьллира Нохчийн халкъан кӀелхьардаккхаран комитет а, цуьна куьйгалхо а хӀоттира.

• ГӀалгӀайчоьнан физкультуран сийлахь белхахо (2016)^[1];
• Россин Федерацин сийлахь тренер (2021)^[2].

Руслан Бадалован кхоъ жима ваша лата Ӏемира. Цера а оцу гӀулкхехь дика кхиамаш бара.

Русланан ши кӀант а, йоӀ а йу.