Ачичаев, Ахьмад Адаман воӀ
| Ахмад Адамович Ачичаев | ||
|---|---|---|
 | ||
| Шех лаьцна | ||
| Стен-боьршалла | стаг | |
| Пачхьалкх |
 ССРС →  Росси |
|
| Говзалла | Йеза атлетика | |
| Клуб | Эскаран Центран спортан клуб | |
| Вина терахь | 1961 шеран 1 июнь (63 шо) | |
| Вина меттиг | Гермачиг, Шелан кӀошт, Нохч-ГӀалгӀайн АССР, РСФСР, ССРС | |
| Тренер | ||
| Йозалла | 100 кг кхаччалц | |
|
СовгӀаташ а, мидалш а
|
||
 Арахьара суьрташ
| |
|---|---|
|
Ахмад Ачичаев |
|
|
Тренер Ахмад Ачичаев с ученицей Надеждой Перелыгиной |
|
|
Ахмад Ачичаев с публицистом Муслимом Гапуевым |
Ачича́ев Ахьма́д Ада́ман воӀ (штангист, рекордхо, дуьненайукъара классан ССРС спортан говзанча, йеза атлетикин Российн жимахойн гулйина командин лакхара тренер, Жимах волу ваша а, цуьнан дешархо а Ачичаев Ӏеламан.
Биографи
Вина 1961 шеран 1 июнехь Гермачигахь Шелан кӀоштара Нохч-ГӀалгӀайн АССР.
Ишколехь дешна ваьлча вахара шен ваша Днепродзержинске. Вешийн куьйгакӀелахь тренировкаш йан волавелира. 1983 шарахь чекхйаьккхира Приднепровски пачхьалкхан физикин оьзданагаллин а, спортан а академин олимпийн а, говзаллин а спортан факультет.
1981 шеран мартехь Львовехь хиллачу ДоттагӀаллин кедехь 100 кг кхаччалц йозаллин категорехь цо йиъ дуьненан рекорд хӀоттийра кегийрхошна йукъахь: цӀена а, дерг а 218 а, 220 а кг, йерриг а 390 а, 392,5 а кг. 1981 шеран апрелехь 395 кг жамӀца цо толам баьккхира Ульяновскехь кегийрхошна йукъахь ССРС чемпионатехь. Дуьненан а, Европин а кегийрхойн чемпионатехь Итали гӀалахь Линьяна хилира детин мидалхо - жимма хьалха хиллачу лазаро новкъарло йира цунна толам баккха.
1982 шарахь Минскехь цо йаьккхира хьалхара меттиг шозза ойбуш 400 кг хьала а айбина (175 + 225), ССРС халкъашна йуккъера классан спортан говзанчан норматив кхочуш а йина. 1985 шарахь Волгоградехь иза хилира ССРС чемпион 390 кг хьала а айбина (175 + 215). 1986 шарахь Советийн эскаран а, ХӀордан-тӀеман флотан а чемпионатехь Львовехь цо 110 кг йозаллин категорехь толам баьккхира шозза айбина 432,5 кг (192,5 + 240).
Спорт йитинчул тӀехь иза тренеран болх бан волавелира. 1992 шарахь цо чекхйаьккхира Москохан физкультурин пачхьалкхан академин физоьздангаллин факультет.
ССРС йохначул тӀехьа цуо тренеран болх битира. Цо болх бора шофёр а, гӀишлошйархо а, и. к. д. Москохан цхьана клубехь тренер болх бан волавелира иза. Кеста цуьнан цхьа дешархо Надежда Перелыгина Российн чемпион хилира. ТӀаккха Ачичаев Российн гулйина тобан гӀо дан кхайкха буьйлабелира. Перелыгина масийттаза Российн чемпионатийн толамхо а, совгӀатхо а хилира.
2012 шеран декабрехь иза хӀоттира Российн гулйина жимахойн тобан коьрта тренер.
СовгӀаташ
- «Российн говзбертан 100 шо» (2009 шо)[1];
Доьзал
Зуда а, ши кӀант а ву - Давуд а, Ильяс а.