Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Ахмедов, Тарлан Муса охӀли

РУВИКИ чохь изза фамили йолчу кхечу адамех лаьцна йаззамаш бу Ахмедов.

Ахме́дов Тарла́н Муса́ охӀли (оьрс. Ахме́дов Тарла́н Муса́ оглы, азерб. Əhmədov Tərlan Musa oğlu; 1971 шеран 17 ноябрь, Ширван) — советийн а, азербайджанан а[3] футболист, тренер. Турслочуьнан а, тӀелатархочуьнан а позицехь левзина.

Биографи

Левзина азербайджанийн клубашкахь «Термист» (Бакох)(оьр.)нохч., «Нефтчи» (Бакох), «Туран» (Товуз), «Карабах» (Агдам), «Шафа» (Бакох).

90-гӀа шерашкахь левзина российн клубашкахь «Терк» (Соьлжа-ГӀала), «Анжи» (ХӀинжа-ГӀала).

2000 шарахь дехьаваьлла воронежан «Факел» йукъа, цигахь ловзуш вара цуьнан махкахо Гурбанов Къурбан(оьр.)нохч.. Амма керла клубехь гӀуллакхаш дӀа ца дахара, шо доьдуш долуш Ахмедовс йитира и клуб[4].

2000/01 шо «Нефтчи» йукъахь даьккхира. 2001 шеран 18 октябрехь «Нефтчин» йукъара дӀаваьккхира коьрта тренерца Туев Казбекаца дов даларна. Дукха хан йалале «Шафа» клубехь ловза волавелира.

2002/03 шарахь шен даймахкахь ловза аьтто ца хиларна, цо тӀеийцира ГӀажарийчоьнан премьер-лигин «Эстеглалан» кхайкхам. 2003 шарахь иза дехьавелира Луцкера «Волынь» клубе, цигахь цу шарахь Украинин премьер-лигехь 22 матчехь левзира. Ахмедовн керлачу клубехь тобанхой бара цуьнан махкахой Гулиев Камал а, Исмаилов Фаррукх а.

2004 шарахь, «Волынца» контракт чекхйаьлча, Азербайджане цӀа вирзира, «Карабах-Азерсун» йукъа.

2004—2006 шерашкахь левзина «Карван» (Евлах) йукъахь[5]. Азербайджанан чемпионатехь совгӀатан меттигаш йаха шозза гӀо дина.

2006—2009 шерашкахь левзина азербайджанан премьер-лигехь «Олимпик-Шувалан» йукъахь, командин капитан вара.

2008 шарахь, ловзуш а волуш, «В» категорин тренеран лицензи йаьккхина.

2009 шарахь сацам бира футболистан карьера чекхйаккха, тренерийн гӀуллакх дан[6].

2009 шеран июнехь дуьйна болх бина «Хазар-Ленкорань» клубан коьрта тренеран Мирджавадов Агасалиман гӀоьнча. 2009/10 шо чекхдаьлча йитина клуб доьзал бахьнехь.

2011 шарахь дуьйна — «Нефтчи» (Бакох) клубехь коьрта тренеран гӀоьнча вара[7].

2014 шеран 17 мартехь хӀоттийра АЗАЛ клубан коьрта тренер[8]. Цуо дитира и дарж 2017 шеран 24 майхь клуб Премьер-лигехь ловзучара сецча[9].

2017 шеран 11 сентябрехь коьрте хӀоьттина бакохара «Нефтчин». Цуьнан куьйгаллехь командо чекхдаьккхира 2017/2018 шо кхоалгӀа меттигехь, чемпионатан борзанан мидалш йехира. 2018 шеран 31 майхь клубо кхайкхийра, тренераца контракт кхин дӀа а йийр йу аьлла[10].

2018 шеран 30 октябрехь коьрта тренер хилира «Кешля» клубан[11]. 2019/20 шарахь, хенал хьалха чекхдаьккхина долчу COVID-19 пандеми бахьна долуш, команда борзанан мидалшка кхачийра. Клубера дӀавахара 2020 шеран августехь[11].

Шина шарахь мукъа Ӏийна, 2022 шеран 4 сентябрехь, «Кяпаз» клубан коьрта тренер хӀоттийра. 2022/23 шо чекхдаларца, 2023 шеран июнехь, контракт дӀайаьлла йитира гянджин клуб[12].

Азербайджанан гулйина команда

1992 - 2005 шерашкахь левзина Азербайджанан къоман командехь, йерриг а цунна йукъахь левзина 75 матч. Дебют йира гулйина командин уггаре хьалхарчу матчехь, Гуьржийчоьнан гулйина командин дуьхьала, 1992 шеран 19 сентябрехь Гурджаанехь.

ТӀаьххьара гулйина командехь левзира 2005 шеран 7 сентябрехь Бакохахь дуьненан чемпионатан харжаман матчехь Австрин командица.

Масийттаза хӀоттийра гулйина командин капитан.

Кхиамаш

Долара

  • Азербайджанан ССР сийлаллин диплом: 1991
  • «Азербайджанан тоьлла футболист» 1999 («Футбол+» газетан версица[13]).

Командин

Чемпионатехь

  • Азербайджанан чемпионатан детин совгӀатхо: 1993/94 («Карабахан» йукъахь), 2005/06 («Карванан») йукъахь, 2007/08 («Олимпикан» йукъахь)
  • Азербайджанан чемпионатан борзанан мидалхо: 1992 (Туранан декъашхо санна), 1998/1999, 1999/2000 (Нефтчин декъашхой санна), 2004/05 (Карванан декъашхой санна)

Кедехь

  • Азербайджанан Кедан толамхо: 1993 («Карабах» йукъахь), 1999 («Нефтчи» йукъахь).

Гулйина командехь

  • Европин чемпион 1990 ССРС жимахойн гулйина командехь (U-18)

Тренеран

Ассистент волуш

  • Азербайджанан чемпион (2): 2011/12, 2012/13 («Нефтчи(оьр.)нохч.» йукъахь)
  • Азербайджанан Кедан толамхо: 2013 («Нефтчи» йукъахь)

Коьрта тренер волуш

  • Азербайджанан чемпионатан борзанан совгӀатхо (2): 2017/18 ("Нефтчи" юкъахь), 2018/2019 ("Кешла" йукъахь)

Билгалдахарш

  1. ↑ Tarlan Akhmedov // Transfermarkt(бил-боцу.) — 2000.
  2. ↑ Tarlan Ahmadov // FBref.com(бил-боцу.)
  3. ↑ Ахмедов Тарлан Муса оглы. teams.by. ТӀекхочу дата: 2026 шеран 5 январь.
  4. ↑ «Факел» и его легионеры. ТӀекхочу дата: 2026 шеран 5 январь. Архивйина 2013 шеран 2 декабрехь
  5. ↑ Тарлан Ахмедов: от футболиста к тренеру — путь к славе азербайджанского футбола. peoples.ru. ТӀекхочу дата: 2026 шеран 5 январь.
  6. ↑ Millimizin daha bir sabiq üzvü futbolçu karyerasını başa vurdu. oxu.az. ТӀекхочу дата: 2026 шеран 5 январь.
  7. ↑ Беюкага Гаджиев возглавил "Нефтчи" после отставки Сулейманова. championat.asia. ТӀекхочу дата: 2026 шеран 5 январь.
  8. ↑ Tərlan Əhmədov baş məşqçi vəzifəsindən istefaya göndərilib. report.az (2014 шеран 17 март). ТӀекхочу дата: 2026 шеран 5 январь.
  9. ↑ Tərlan Əhmədov baş məşqçi vəzifəsindən istefaya göndərilib. report.az (2017 шеран 24 май). ТӀекхочу дата: 2026 шеран 5 январь.
  10. ↑ Neftchi Baku. Transfermarkt. ТӀекхочу дата: 2026 шеран 5 январь.
  11. ↑ 1 2 Premyer Liqasi 19/20. Transfermarkt. ТӀекхочу дата: 2026 шеран 5 январь.
  12. ↑ «Кяпаз» расстался с Тарланом Ахмедовым. report.az (2023 шеран 2 июнь). ТӀекхочу дата: 2026 шеран 5 январь.
  13. ↑ "Futbol+" qəzetinin yaranmasından 20 il ötür. report.az. ТӀекхочу дата: 2026 шеран 5 январь.

Хьажоргаш

Кхин дӀа темана тӀехь

Категореш