Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Апанасов, Астемир Валерьевич

РУВИКИ чохь изза фамили йолчу кхечу адамех лаьцна йаззамаш бу Апанасов.

Апанасов Астемир Валерьевич (1989 шеран 21 сентябрь, ГӀебартойн-Балкхаройчоь) – россин йишлакхархо, музыкант, композитор, театран а, кинон а актер, Адыгейчоьнан хьакъдолу артист, ГӀебартойн-Балкхаройн Республикин хьакъдолу артист, Кхарачой-Чергазийн Республикин хьакъдолу артист, Ерригроссийн къовсаман "Сийна олхазар" гран-при, телевизионан къовсаман "Ӏуьйренан седа" финалехь а, суперфиналехь а толам(2003 шо), «Европин сатуьйсила» дуьненайукъара къовсаман толамхо, Дуьненайукъара театран фестивалан лауреат Fringe Эдинбург гӀалахь (Шотланди), «9 ТулгӀе» хьалхара йукъаракавказан этномузыкин телеканалан IV ХӀорашеран совгӀатан лауреат, «Европин сатуьйсила» Дуьненайукъара къовсаман I а, II а совгӀатан лауреат.

Биографи

Вина 1989 шерн 21 сентябрехь Нальчик гӀалахь ГӀебартойн-Балкхаройн АССР. 2006 шарахь деша хӀоьттина РАТИ-ГИТИСе театран институте Эстрадин говзаллин факультете. Ӏамийна профессоран, Российн халкъан артистан Гаркалин Валерийн куьйгаллица.[1] Лепсан пароди YouTube чохь чекхйаьккхина ГИТИС 2010 шарахь.

Веха Москохахь.

Хобби: Суьрташ, видеомонтаж, гитара, Ӏад хьокху пондар, пианино, вилсапет, футбол, степ.

Кхолламаллин гӀуллакх

Сценин тӀаьхь ву 6 шо кхаьчначу хенахь дуьйна, 8 - 14 шо долуш йелла 2000 сов концерт Къилбаседа Кавказехь, Москохахь, Петарбухехь. Концертийн программехь йара тайп-тайпана дуьненан меттанашкара эшарш - оьрсийн, италихойн (Робертино Лореттин репертуарера), французийн, Ӏарбийн, цийн, ингалсан, испанхойн, гӀумкийн, балкхаройн, нохчийн, абазойн, шен ненан маттахь - адыгийн .

Дакъалаьцна кхоллараллин проекташкахь цхьаьна Безруков Сергейца, Разуваев Максимца, Панков Владимирца, Стас Наминца, Михальчик Юлийца, Гоман Алексейца. Телевиденин "Йоккха башхалла" программин декъашхо. Чаплин Чарлин роль Бродвейн «Чаплин» мюзиклехь, режиссер Уоррен Карлайл вара.

ХӀинца болх беш ву Безруков Сергейн Губернин театрехь, Щукин Андрейн театран пхьолан пхьолгӀа, театрехь «Дийна ву», до жигара гастролан гӀуллакх.

«Coffeetime» тобанца цхьаьна болх беш ву. Эшар лакхар IV Дуьненайукъара музыкин «ТЕРЕМ КРОССОВЕР» турнирехь хилира «Coffeetime» тобанан чӀогӀа аьтту болуш. Вокалан тобано йаьккхира хьалхара меттиг а, Гран При а Петарбухехь. Толам баьккхира Йерригроссийн телевизионан Керла седа къовсаман хьовсархоша кхаж тасаран жамӀехь.

Карарчу хенахь соло-карьера йеш, дерриг а дуьнентӀехь гастролашкахь ву (Америка, Франци, Австри, Цийчоь, Бельги, Росси).

Music Box Gold телеканалан онлайн-кхажтасаран жамӀашна тӀе а тевжаш, 2020-чу шарахь «Кавказан дашо аз» цӀе йолу совгӀат делира цунна.

Доьзал

Да — Апанасов Валерий, композитор, поэт.

Нана — Апанасова-Темзокова Лиди (ГӀБР Къоман Банкан коьрта экономист)

Йиша — Апанасова Альбина (Румехь Медицинин Университетан студентка йу, марехь йу, кхо бер ду).

Ваша — Апанасов Ӏелам (бизнесмен, чекхйаьккхина Италин туризман а, экскурсийн а институт, квалификаци эцна Москохахь туризман а, экскурсийн а университетехь, зуда а, цхьа кӀант а ву).

Эшарш

  • «Нохчийчоь»
  • «Адыгийн гӀиллакх ду иштта»
  • «Сан ГӀебарта»
  • «Хьо Са безам бу»

Театрера белхаш

  • Мюзикл «Кхо мушкетёр», реж. С.Красноперец — Д’Артаньян, гвардихо, мушкетёр.[2]
  • Мюзикл «Месаш», реж. Бо Кроуэлл (АЦШ), Стас Намин — Клод, безаман тайпа.
  • С.Мрожек «Серенада», реж. Валерий Гаркалин — Доьзалан корта.
  • «БӀаьстенан сонешкахь», реж. М.Разуваев, А.Давыдов, Г.Ауэрбах.
  • «Жима боозбуунча» реж. П.Гайдученко а, О.Лопухов — къиг.
  • «Above the clear blue sky», реж. А.Рубинштейн (Ингалсчоь, Эдинбург гӀ.).
  • «Битломани», реж. Стас Намин.
  • «Белоснежка а, ворхӀ буйдолаг а», реж. А.Давыдов — ПӀераска-буйдолаг, паччахь-аьзнин хьехамча.
  • «Алиса тамашийна махкахь», реж. И.Замотаев, А.Прокуратов.
  • «Бременан музыканты» — забарча.
  • В.Войнович «Салти Чонкин Иван», реж. Андрей Россинский, дакъалоцуш Владимир Войнович.
  • А.Островский «Лайн-аьзни», реж. Владимир Панков.
  • Б. Васильев «Селхана тӀом бара» реж. РФ хь. а М.Разуваев — Саша Стамескин.
  • А. С. Пушкин «Ун долчу хенара той» реж. РФ хь.а. М.Разуваев.
  • Бродвейн мюзикл "Чаплин" роль – Чаплинан, режиссер Уоррен Карлайл

Кинохь а, телевизионехь а суьрташ дахар

  • «Коьрта сцена 2» (2015 шо) «Coffee Time Band» тобанна йукъахь.
  • «Йоккха башхалла»
  • «Комедиантан хӀусам»
  • «Дахаран аса» 2009 шо.
  • Телеканал «Хьалхара ловзаран» — телехьалхелелорг.

СовгӀаташ

  • Адыгейн Республикин сийлахь артист;
  • ГӀебартойн-Балкхаройн Республикин сийлахь артист;
  • Кхарачой-Чергазийн Республикин сийлахь артист;
  • Нохчийн Республикин Халкъан артист (2022)[3].

Билгалдахарш

  1. ↑ Россия для всех. ТӀекхочу дата: 2016 шеран 4 февраль. Архивйина 2016 шеран 5 февралехь
  2. ↑ Чеховед Архивйина 2017-01-10 — Wayback Machine
  3. ↑ «У хорошей музыки нет национальности»: Астемиру Апанасову присвоено звание Народного артиста ЧР. www.chechnyatoday.com (2022 шеран 29 июнь). ТӀекхочу дата: 2026 шеран 18 сентябрь.

Категореш