Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Амаев, Ваха-Хьаьжа Хасин воӀ

Ваха-Хаджи Хасаевич Амаев (оьрс. Амаев, Ваха-Хаджи Хасаевич; 1963 шеран 22 октябрь, Ӏалара, Нохч-ГӀалгӀайн Автономин Советийн Социалистийн Республика) — россин а, нохчийн йаздархо, журналист. Нохчийн маттахь дийцарийн а, повестийн а автор[1].

Биографи

1963-чу шеран эсаран беттан 22-чу дийнахь Нохч-ГӀалгӀайн АССР-н Ӏаларой эвлахь вина.

Ӏаларой эвлара йуккъера ишкол чекхйаьккхина[2].

1985-чу шарахь Нохч-ГӀалгӀайн пачхьалкхан университетан филологин факультетан къоман отделене деша вахана. Университет чекхйаьккхинчул тӀаьхьа школехь нохчийн мотт а, литература а хьийхира. Цул тӀаьхьа Ростов-гӀалин университет чекхйаьккхина. «Даймохк» журналехь болх бина[2][3].

1988-чу шарахь Соьлжа-ГӀалин телевизонан исбаьхьаллин программийн редактор волуш болх бира цо. Цуьнан куьйгаллица «Кто мы? Откуда мы?» а, «А ну-ка, парни!» а передачаш араевлира[2].

Хьалхарчу нохчийн тӀом болабелча Россин доза дехьа велира иза[2].

2022-чу шарна Францехь вехаш вара.

Кхолларалла

Амаевн хьалхара дийцарш Нажи-Йуртан кӀоштан «Коммунизман аз» («Маяк коммунизма») газетехь зорбатоьдура. ТӀаьхьо цуьнан произведенеш зорбатухура республикан «Ленинан некъ» а, «Васт» а газеташкахь, ткъа иштта литературин альманах «Орга» тӀехь а. 1992-чу шарахь арайаьлла Амаевн «Цхьана де» цӀе йолу дийцарийн гулам. Цуьнан дийцарш керлачу авторийн «От подножия гор», «Впереди ещё полночи», «Антология чеченского рассказа», «От подножия гор» гуламашка йукъадахара[2][4].

2012-чу шарахь Амаевн «Чекхйоцуш повесть» антологин «Нохчийн повесть» йккъайахара[2].

Россин йаздархойн союзан декъашхо[3].

2023-чу шарахь Амаевн «Вестники смерти» дийцар зорбатоьду сайта тӀехь арахецна[5].

Хьехархойн гӀуллакх

Нохч-ГӀалгӀайн пачхьалкхан университет чекхйаьккхинчул тӀаьхьа Амаевс ишколашкахь нохчийн мотт а, литература а хьийхира[2].

Критика

Литературхо Минкаилов Эльбруса йаздора[6]:

Нохчийн литературе дахаран бакъдерг деира дезткъалгӀачу шерашхь Амаев Ваха-Хьаьжин, Яшуркаев Султанан а, кхиболчун а кхоллараллаша. Нагахь йаздархочо шен заманал хьалха аьлла меттигаш билгалйаха йезаш хилча, ас хоржур йара... иштта Амаев В.-Хь. «Чекхйаккханза повесть» а.

Литературное творчество

  • Амаев В.-Х. Х. Один день: сборник рассказов. — 1992.;
  • Амаев В.-Х. Х. Неоконченная повесть // Чеченская повесть: антология. — 2012.;
  • Амаев В.-Х. Х. Вестники смерти // Вайнах. — 2022. — № 3.

Билгалдахарш

  1. ↑ Вайнах. № 3. 2022. ГАУ «Издательский дом» (2023 шеран 22 февраль). ТӀекхочу дата: 2026 шеран 9 сентябрь.
  2. ↑ 1 2 3 4 5 6 7 Чагаева Т. А. Литературно-географический атлас Чеченской Республики. — Нальчик: ООО «Тетраграф», 2018. — С. 54–55. — 440 с. — 5000 экз. — ISBN 978-5-00066-153-6.
  3. ↑ 1 2 Вайнах № 3. 2022 (2023, 22 февраль). Дата обращения: 10 сентябрехь 2026.
  4. ↑ Чагаева, 2018, с. 54.
  5. ↑ Дом, Издательский. Ваха-Хаджи Амаев. Вестники смерти - ГАУ «Издательский дом», ГАУ «Издательский дом» (2023, 22 февраль). Дата обращения: 10 сентябрехь 2026.
  6. ↑ dereksiz.

Литература

  • Чагаева Тамара. Литературно-географический атлас Чеченской Республики. — Нальчик: ООО Тетраграф, 2018. — С. 54—55. — 440 с. — 5000 экз. — ISBN 978-5-00066-153-6.

Категореш