Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Алханов, Шемал Мовлин воӀ

РУВИКИ чохь изза фамили йолчу кхечу адамех лаьцна йаззамаш бу Алханов.

Алха́нов Ше́мал Мо́влин во́Ӏ (оьрс. Алханов, Шамиль Маулаевич)1972 шеран 2 июнь, Шуьйта, Нохч-ГӀалгӀайн Автономин Советийн Социалистийн Республика) — Российн театран а, кинон а актёр а, Нохчийн Республикин халкъан артист а, Нохчийн Республикин халкъан артист а[1].

Биографи

Вина 1972 шеран асаран беттан 2-гӀа дийнахь. Нохчийн пачхьалкхан университетан филологин факультетан актёрийн отделени Соьлжа-ГӀалахь чекхйаьккхина.

1990-чу шарахь иза актёран даржехь тӀеийцира Х. Нурадиловн цӀарах йолчу пачхьалкхан драмин театрехь, цигахь карарчу хенахь болх беш ву иза.

1995—1997 шерашкахь республикин территори тӀехь конституцин къепе хӀоттош дакъалаьцна, тӀеман гӀуллакхийн ветеран ву[1].

1997 шарахь иза йуха а актёран болх бан веара Х. Нурадиловн цӀарах йолчу театре[1].

2012-чу шарахь дуьйна М. Ю. Лермонтовн цӀарахчу Пачхьалкхан оьрсийн драматически театран актёр вара. Амма цул тӀаьхьа шен хьомечу Нохчийн пачхьалкхан драмин театре йухавирзира[2].

2014 шарахь Москвахь исбаьхьаллин а, культурин а, туризман а белхалой йуха кечбаран академехь Ӏамор чекхдаьккхира[3].

Актёран говзалле шовкъ кхоллайелира цуьнан ден вешин кӀант бахьана долуш, иза гӀараваьлла Российн театран а, кинон а актёр Гайтукаев Ахьъяд ву (Нохч-ГӀалгӀайн АССР-н халкъан артист а, РСФСР-н К. С. Станиславскийн цӀарах йолчу пачхьалкхан совгӀатан лауреат а), иза дуккха а шерашкахь Нохчийчохь коьртачу актёрех вара[3].

«Сан ден ваша жима волуш тхоьга хьошалгӀа веъча, урамехь мел волучунна вевзара иза, воккхавеш цуьнга хьоьжура, тӀехбовлуш болчара сан ден ваша вуй и аьлла сайга хаьттича, ас даима а дозалла деш жоп лора: „ХӀаъ“. Иза баккъалла а похӀма долу акктер вара, цу хенахь цуьнан дахар театрна лерина дара. Цунна ца лаьара шен кхоллам кхечу кепара дӀаберза.…», — бохуш дуьйцу Алханов Шамила[3].

Театрехь ловзийнарг

Актуальни спектаклш:

  • «Лаьмнел лекха» («Выше гор») — Къайсар;
  • «Нохчийн маттахь, нохчийн махкахь» («В родном краю, на родном языке») — поэт Ямлихан Хасбулатов;
  • «Нохчийн махкахь, нохчийн маттахь» 2-гӀа дакъа («В родном краю, на родном языке») — Лаврентий Берия;
  • «Къонахчун дош» («Слово мужчины») — спецназовец;
  • «Заза даькхинчу бешахь к1айн ц1а» («Белый дом в цветущем саду») — жимахволу кӀант;
  • «Къематан де хьоттича» («Когда рушится мир») — салти;
  • «Ночной переполох»;
  • «Ворда хаьрцича — некъ карийна» («Арба перевернулась — дорога нашлась») — Йовель;
  • «Пётр Захаров — Дада-йуртара нохчо» — Ермоловн щича;
  • «Хамелеон» — чиновник;
  • «В горы за тобой» — Гурбанский.

Архиван спектаклш:

  • «Дела воцург накъост воцуш» («Один лишь Бог») — телеграфист а, салти а;
  • «Зайт Шихмирза» — хьаша;
  • «Махкана сов боьвла к1ентий» — йаздархо;
  • «Кровавая свадьба» — мар;
  • «Храбрый Кикила» — визирь;
  • «Рыцари Кавказа» — генерал;
  • «Ревизор» — почтмейстер;
  • «Шейх поневоле» — Мубарак;
  • «Дорогая сноха» — Магомед;
  • «Спасти камер-юнкера Пушкина» — М. Питулинан роль;
  • «Брак по расчёту» — Андрей Нюнин;
  • «Звезда Кавказа» — Рахиман.
undefined

Фильмографи

  • «Обарг» — мини-сериал, производство ООО «Старт Студио», режиссёр Иван Шурховецкий, 2022 шо[4];
  • «Толстой на Кавказе», бакъдолчунна тӀера фильм, роль офицера царской армии;
  • «Твой выбор» — исбаьхьаллин фильм, роль — Шрам, режиссёр В. Карев;
  • «Виктор» — йуьззина метраж йолу исбаьхьаллин фильм (Франци-Росси), режиссёр — Филиппе Мартинес[4];
  • «Решение о ликвидации», «Мосфильман» производство, режиссёр Александр Аравин, 2018 шо[4];
  • «Мужская работа» — сериал, Студи 2В производство, режиссёр Тигран Кеосаян, 2001 шо[4].

СовгӀаташ

  • Нохчийн Республикин сийлахь артист (2017)[5];
  • Нохчийн Республикин халкъан артист (2021)[6];
  • Нохчийн Республикин культурин министерствон «Лаккхара кхиамаш бахарна» сийлаллин мидал (2025)[7].

Билгалдахарш

  1. ↑ 1 2 3 Шамиль Алханов. www.kino-teatr.ru (2022 шеран 8 сентябрь). ТӀекхочу дата: 2026 шеран 10 апрель.
  2. ↑ Алханов Шамиль Маулаевич. Информационное агентство «Рустим» (2018 шеран 9 июнь). ТӀекхочу дата: 2026 шеран 10 апрель.
  3. ↑ 1 2 3 Алханов Шамиль. Чеченский государственный драматический театр им. Х.Нурадилова. ТӀекхочу дата: 2026 шеран 10 апрель.
  4. ↑ 1 2 3 4 Шамиль Алханов. www.kinopoisk.ru. ТӀекхочу дата: 2026 шеран 10 апрель.
  5. ↑ Деятели культуры Чеченской Республики отмечены почётными наградами. «Чеченская Республика Сегодня» (2021 шеран 25 март). ТӀекхочу дата: 2026 шеран 10 апрель.
  6. ↑ Указ Главы Чеченской Республики от 25.03.2021 № 48 О награждении наградами Чеченской Республики. www.chechnya-gov.ru. ТӀекхочу дата: 2026 шеран 10 апрель.
  7. ↑ Награждение. vk.com. ТӀекхочу дата: 2026 шеран 10 апрель.

Категореш