Алимсултанов, Имампаша Вахарбин воӀ
| Алимсултанов, Имам Алимсултанов Имампаша Вахарбин воӏ | |
|---|---|
 | |
| Коьрта хаам | |
| Вина терахь | 1957 шеран 22 июнь |
| Вина меттиг | ГӀиргӀазойн ССР, ССРС |
| Кхелхина терахь | 1996 шеран 10 ноябрь (39 шо) |
| Кхелхина меттиг | Одесса, Украина |
| Пачхьалкх |
 ССРС→ |
| Жанраш | Авторан эшар |
| СовгӀаташ |
 |
Алимсултанов Имампаша Вахарбин воӀ; (1957 шеран 22 июнехь ГӀиргӀазойнчоь, ССРС – 1996 шеран 10 ноябрехь, Одесса, Украина) — нохчийн поэт, бард, эшараш-балладийн автор-лакхархо.
Биографи
Алимсултанов Имам — нохчо, зӀогой тайпанан векал[1]. Вина 1957 шарахь ГӀиргӀазойн ССР, шо долуш даймахка валийна. Ишкол чекхйаьккхина Соьлжа-ГӀалахь. Дешна Ростовра политехникин институтехь. Говзаллица — инженер-мелиоратор ву.
Музыка лакха волавелла 1980-гӀа шераш йуккъе дагӀча, Ӏамийна иллеш — нохчийн фольклоран ламаста жанр, церан коьрта жанр — музыкин речитативаш, легендаш, дийцарш, турпалех лаьцна тӀехьара кхо мерз болу пондар а локхуш. Ткъа Имама кхо мерз болу пондаран меттана иллеш олура гитарица. Халкъан а, шена а тексташ йоцуш, цуо йазйора эшарш Ярычев Ӏумаран а, Гешаев Мусан а, бевзаш болу нохчийн поэтийн. Дуьххьара Имама дӀайаздина иллеш — кассетан магнитоальбомаш йу — уьш йукъайевлла 1990-гӀа шераш долалуш. Цуьнан эшарш вукха гӀараваьлла нохчийн бардан Муцураев Тимурал алсама улле йалийна йу ламаста нохчийн музыкин. Уггаре гӀарайаьлла йу нохчийн маттара эшарш альбомера «ГӀазотан байракх»: «ДегӀаста», «ГӀазот», «Генара Даймохк», «Нохчийн Республика Ичкерин шатлакхан илли».
Хьалхара нохчийн тӀом болалуш, Имам Алимсултанов нохчийн эскархошка къамел дира, тӀаккха, Дудаев Джовхаран дехарца, лазийнарш Туркойчу эцна вахара. Истмалехь цуо дуккха а концерташ йелира, лазийначарна дарба дан ахча гулдира. Нохчийчу йухавирзича, цуьнан гӀоьнца, закъалтана лаьцна хилла Кировоградера 25 украинхойн гӀишлошйархо дӀахецна. Закъалтхой дӀахецначул тӀаьхьа, шен исбаьхьаллин тобанера кхаа накъостаца Москохара, Одессехула Истмале йухавеъча, Одесса гӀалин мэро Эдуард Гурвиц театран зал йелира Имамна лерина, цигахь цо кхиамца дӀайаьхьира шен пхи концерт[2].
Валар
Одессехь 1996 шеран 10 ноябрехь (кхечу хаамашца 8 ноябрехь[3]) суьйрана иллиалархо а, цуьнан тоба а сецначу цӀа чу, иккхира ца вевза кхо стаг, иза гинчеран дешнашца — милицин духар доьхна (кхечу хаамашца тӀемлойн духар), Имаман а, цуьнан шина накъостана а герз тоьхна, цхьаъ дийна висина, иза ванни чоьн чохь хилла. Иза хьан дина хӀинци а хууш дац.
Иэс
Алимсултанов Имам дӀавоьллина Бони-Эвлахь, (ДегӀаста)[4], иштта хӀоттийра мемориалан у.[5].
Литература
- Муса Гешаев. Знаменитые чеченцы. — Грозный: Седа, 1999. — Т. 1. — С. 494—521. — 644 с. — 2000 экз.
Хьажа кхин а
Билгалдахарш
- ↑ ЧЕЧНЯ. Чеченский тейп Зогой. checheninfo.ru (2021 шеран 29 август). ТӀекхочу дата: 2021 шеран 2 сентябрь. Архивйина 2021 шеран 2 сентябрехь
- ↑ Шутова Т. А. Их души тают над горами? // Грозненский рабочий. — Гр., 1997. — 31 январехь.
- ↑ Убийство чеченцев в Одессе Архиван копи 2006 шеран 20 майхь дуьйна Интернетан архив#Проекташ, газета «Слово». Одесса. N 46(210), ноябрь 22, 1996
- ↑ Новолакское шоссе на Имама Алимсултанова Решение Президиума № 14-4-2 от 06.12.1996 г.
- ↑ Имам Алимсултанов «Украина, спасибо тебе!» — YouTube
Хьажоргаш
 | |
|---|---|
| Библиографин каталогашкахь |
|
