Алимсултанов, Имампаша Вахарбин воӀ

Алимсултанов Имам — нохчо, зӀогой тайпанан векал^[2]. Вина асаран беттан 22-чу дийнахь1957 шарахь ГӀиргӀазойн ССР (кхечу хьостанашца — оханан беттан 22-чу дийнахь 1957 шеран)^[3], шо долуш даймахка валийна. Ишкол чекхйаьккхина Соьлжа-ГӀалахь. Дешна Ростовра политехникин институтехь. Говзаллица — инженер-мелиоратор ву.

Музыка лакха волавелла 1980-гӀа шераш йуккъе дагӀча, Ӏамийна иллеш — нохчийн фольклоран ламаста жанр, церан коьрта жанр — музыкин речитативаш, легендаш, дийцарш, турпалех лаьцна тӀехьара кхо мерз болу пондар а локхуш. Ткъа Имама кхо мерз болу пондаран меттана иллеш олура гитарица. Халкъан а, шена а тексташ йоцуш, цуо йазйора эшарш Ярычев Ӏумаран а, Гешаев Мусан а, бевзаш болу нохчийн поэтийн. Дуьххьара Имама дӀайаздина иллеш — кассетан магнитоальбомаш йу — уьш йукъайевлла 1990-гӀа шераш долалуш. Уггаре гӀарайаьлла йу нохчийн маттара эшарш альбомера «ГӀазотан байракх»: «ДегӀаста» а, «ГӀазот» а, «Генара Даймохк» а, «Нохчийн Республика Ичкерин шатлакхан илли» а.

Хьалхара нохчийн тӀом болалуш, Имам Алимсултанов нохчийн экскархойн хьалха эшар лекхира, тӀаккха, Дудаев Джовхаран дехарца, лазийнарш Туркойчу эцна вахара. Истмалехь цуо дуккха а концерташ йелира, лазийначарна дарба дан ахча гулдира. Нохчийчу йухавирзича, цуьнан гӀоьнца, закъалтана лаьцна хилла Кировоградера 25 украинхойн гӀишлошйархо дӀахецна. Закъалтхой дӀахецначул тӀаьхьа, шен исбаьхьаллин тобанера кхаа накъостаца Москохара, Одессехула Истмале йухавеъча, Одесса гӀалин мэро Эдуард Гурвиц театран зал йелира Имамна лерина, цигахь цо кхиамца дӀайаьхьира шен пхи концерт^[4].

Одессехь 1996 шеран лахьанан беттан 10-чу дийнахь (кхечу хаамашца лахьанан беттан 8-чу дийнахь^[5]) суьйрана иллиалархо а, цуьнан тоба а сецначу цӀа чу, иккхира ца вевза кхо стаг, иза гинчеран дешнашца — милицин духар доьхна (кхечу хаамашца тӀемлойн духар), Имаман а, цуьнан шина накъостана а герз тоьхна, цхьаъ дийна висина, иза ванни чоьн чохь хилла. Иза хьан дина хӀинци а хууш дац.

Алимсултанов Имам дӀавоьллина Бони-Эвлахь (ДегӀаста). 1996-чу шеран гӀуран беттан 6-чу дийнахь Хаси-Эвлахь гӀалахь меттигерчу Ӏедалан сацамца Новолакское шоссен цхьана декъан цӀе хийцира Имаман Алимсултановн урам аьлла, цигахь цуьнан сий деш мемориалан тептар хӀоттийра^[6].

Одессехь Алимсултанов вийначу гӀишлонна тӀехь а хӀоттийна мемориалан у.