Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Ажиев, Анзор Мохьмадан воӀ

РУВИКЕХЬ иштта фамили йолуш нахах лаьцна йаззамаш бу, хьж. Ажиев.

Ажи́ев Анзо́р Мо́хьмадан воӀ (оьрс. Ажиев, Анзор Магомедович; 1990 шеран 20 сентябрь, Соьлжа-ГӀалин кӀошт, Нохч-ГӀалгӀайн Автономин Советийн Социалистийн Республика) — польшин ийна кепара латархо нохчех схьаваьлла волу а, леташ ву эгидехь KSW ахйайн йозаллин барамехь[1]. Къовсамех пенсе а ваьлла, WCA Fight Team тобанан коьрта тренер санна болх беш ву иза[2].

Биографи

Вина 1990 шеран товбецан беттан 20-чу дийнахь Нохч-ГӀалгӀайчуьра Пригородное эвлахь (хӀинца — Шинасуьйра-йукъ)[3]. Ишколехь доьшучу хенахь лела волавелира паргӀата кепара охьатохарх латаре. Нохчийчоьнан кхузза чемпион хилира, кадеташна йукъахь Российн Къилбехан чемпион хилира, Россин чемпионатан борзанан совгӀатхо хилира, 66 кг йозаллин барамехь йезархошна йукъара KSW чемпион, йезархошна йукъахь MMA леташ Польшин чемпион, Бразилин джиу-джитсун(оьр.)нохч. сийна доьхка даьккхина.

Иза кхайкхира ийна кепара латаран говзаллин къовсамашкахь дакъа лаца. Дуьххьара ММА официалан ринг тӀеваьлла Анзор 2011 шеран лахьанан беттан 19-гӀа дийнахь турнирехь «PAMMA — Susz MMA Night 2». Оцу хенахь цуьнан къовсамхо хилира польшин латархо Глебокий Павел (цуьнан иза доьалгӀа латар дара). Суьдхойн цхьа барт болуш толам дӀабелира Ажиевна[1].

Кхин а кхо бутт баьлчи, 2012 шеран чиллин беттахь, Анзор лата аравелира шозлагӀа лата турнирехь «KSW 18 — Unfinished Sympathy», цигахь техникица чӀогӀа хилира шен дуьхьала волчу Германера — Ченгиз Дана, цуьнан кхойтталгӀа латар дара иза. Цул тӀаьхьа толамаш баьхкира: 2012 шеран товбецан беттан 15-гӀа дийнахь иэшийра Рид Пол, ткъа 2013 шеран бекарг беттан 16-гӀа дийнахь иэшийра Свобода Павел.

Хьалхара латар Артур Совиньскица (Польша) хилира 2013 шеран товбецан беттан 28-гӀа дийнахь, иза ца хилча санна лерира, хӀунда аьлча латархоша кортош вовшахтуьйхира. Йуха летира 2014 шеран бекарг беттан 22-гӀа дийнахь «KSW 26 — Materla vs. Silva» турнирехь, амма Анзора ца магийна гола туьйхира, иза йукъараваьккхира, ткъа толам дӀабелира цуьнан оппонентан[4].

Масех бутт баьлчи Анзор летира зиеделлачу ММА латархочух Энрике Хелсонах KSW 28 — Fighters' Den эсаран беттан 4-гӀа дийнахь. Анзора толам баьккхира.

Анзорца лата веза мостагӀ хилира Клебер Койке Эрбст, зиеделла латархо, бразилин джиу-джитсун говзанча. Летира Польшехь KSW 30 — Genesis. Анзор дӀадаьхьира латар шех тешаш, амма цунна йира кхосаберг.

Кхин а масех бутт баьлчи KSW кхайкхийра Ажиевна кхин оппонент. Иза хилира Васо «Психопат» Бакочевич, UFC латархочун Тухугов Зубайрин хилла мостагӀ. Летачу хенахь, латар дӀадаьхьира Польшехь KSW 33, Ажиевс хьалхара шина раундехь факт хилла ловзийра Васо, шен боларехь летийтара иза, кхоалгӀачу раундехь садукъдарца иэшийра мостагӀ.

Цул тӀаьхьа цхьа ши бутт баьлча KSW телеканало дӀакхайкхийра Ажиевн керла дуьхьалонча: Марцин «Польшин зомби» Вжосек, UFC-н латархо хилла волу, дукха хан йоццуш промоушенца барт бина волу. Шен Ӏаморан лагерехь Анзоран когана хала чевнаш хилира, цундела хӀутоссург буттан беттан 27-чу дийнахь Гданьскехь KSW 35 стадионехь хила лерина хилла латар йукъахдаккха дезна.

2017-чу шеран оханан беттан 7-чу дийнахь KSW 38-хь хилира Камил Селваца титулан къийсам, Ажиев толамца аравелира пелаган йозаллин дивизионехь[5].

2017 шеран эсаран беттан 22-гӀа дийнахь хила безара къовсам Ирландин махкахь Дублинехь KSW 40 (къовсамхо — Антун Рачич), амма йуургах дӀовш хилла Ажиевн латар дӀатеттира.

Къовсамех пенсе а ваьлла, WCA Fight Team тобанан коьрта тренер санна болх беш ву иза[2].

Латаран статистика

Толам 2017 шеран 7 апрелехь KSW 38 — Live in Studio Камил Селва Польшин байракх 3 5:00 Массо реза волуш сацам[6]
Толам 2015 шеран 28 ноябрехь KSW 33 — Materla vs. Khalidov Васо Бакочевич Польшин байракх 3 2:38 Кхосаберг
Иэшам 2015 шеран 21 февралехь KSW 30 — Genesis Клебер Койке Эрбст Японин байракх 1 3:16 Кхосаберг
Толам 2014 шеран 4 октябрехь KSW 28 — Fighters' Den Хелсон Энрике Анголан байракх 3 5:00 Массо реза волуш сацам
Иэшам 2014 шеран 22 мартехь KSW 26 — Materla vs. Silva Артур Совиньский Польшин байракх 1 3:07 Дисквалификацица (ца магийна гола тохар)
ЖамӀ доцуш 2013 шеран 28 сентябрехь KSW 24 — Clash of the Giants Артур Совиньский Польшин байракх 1 1:54 ЖамӀ доцуш (ца хууш кортош кхетна)
Толам 2013 шеран 16 мартехь KSW 22 — Pride Time Павел Свобода Чехин байракх 1 2:06 Нокаутца (тохарца)
Толам 2012 шеран 15 сентябрехь KSW 20 — Fighting Symphony Пол Рид Шотландин байракх 3 5:00 Массо реза волуш сацам
Толам 2012 шеран 25 февралехь KSW 18 — Unfinished Sympathy Ченгиз Дана Германин байракх 2 5:00 Массо реза волуш сацам
Толам 2011 шеран 19 ноябрехь PAMMA — Susz MMA Night 2 Павел Глебокий Польшин байракх 2 5:00 Массо реза волуш сацам

Билгалдахарш

  1. ↑ 1 2 Анзор Ажиев. biographe.ru. ТӀекхочу дата: 2026 шеран 7 июль.
  2. ↑ 1 2 Anzor Azhiev – Wiek, Waga, Wzrost, Walki, Trener (польяк.). MMA PL (2026 шеран 11 февраль). ТӀекхочу дата: 2026 шеран 7 июль.
  3. ↑ Мовлади Абдулаев. Анзор Ажиев. web.archive.org. ТӀекхочу дата: 2026 шеран 7 июль.
  4. ↑ Биография Анзор Ажиев. Земля Воинов - Спортивная и повседневная одежда. ТӀекхочу дата: 2026 шеран 7 июль.
  5. ↑ Ресурсный центр в сфере национальных отношений Дом творчества Переделкино Мастерские творческого письма CWS Книжный фестиваль "Красная площадь" Каннский кинофестиваль Анзор Ажиев - Камил Селва. vkvideo.ru. ТӀекхочу дата: 2026 шеран 7 июль.
  6. ↑ Анзор Ажиев / Anzor Azhiev (инг.). web.archive.org. ТӀекхочу дата: 2026 шеран 7 июль.

Литература

  • С-А. М. Аслаханов, Х. Х. Хизриев. Физическая культура и спорт Чечни: истоки и современность. — Москва: «Перо», 2015. — С. 79—80. — 240 с. — ISBN 978-500086-997-0.

Кхин дӀа темана тӀехь

Категореш