Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Абдулаев, Леча Шарипан воӀ

РУВИКИ чохь изза фамили йолчу кхечу адамех лаьцна йаззамаш бу Абдулаев.

Абдулаев Леча Шарипан воӀ (оьрс. Абдулаев, Леча Шарипович); 1953 шеран 15 февраль, Аманкарагай, Костанайн область) — россин йаздархо а, поэт а, публицист а, гочдархо а, Нохчийн Республикин а, Российн а йаздархойн Союзийн декъашхо а, Нохчийн Республикин а, Российн журналистийн Союзийн декъашхо а, Нохчийн Республикин Халкъан поэт а, Нохчийн пачхьалкхан университетан Сийлахь профессор а, Нохчийн Республикин Сийлахь журналист а[1][2].

Биографи

Вина Кхазакхстан ССР-хь Кустанайн областе Семиозёрни кӀоштахь (хӀинца Аулиекольски кӀошт) Аманкарагайн йуьртахь махках даьхначу шерашкахь[1]. Репрессеш йинчу къаьмнашна реабилитаци йинчул тӀаьхьа, 1957 шарахь цӀа вирзина шен дай баьхначу эвла Котар-Йурта. Байташ йазйан волавелла ишколехь доьшуш волуш. 1970 шарахь чекхйаьккхина ишкол. Амма поэзи леррина лело волавелла иза университетехь, цигахь иза дӀакхийтира «Прометей» къоначу йаздархойн клубехь. уьнан дуьххьара зорбане йаьлла произведени йара «Зеламха», зорбатоьхна 1976 шарахь регионан «Ленинан байракх» газетехь. ТӀаьхьо чекхйаьккхина Нохч-ГӀалгӀайн пачхьалкхан университетан филологин факультет оьрсийн-вайнехан отделенин[3].

Университет чекхйаьккхиxа шен дай баьхначу ишколехь нохчийн меттан а, литературин а хьехархо болх бира, цул тӀаьхьа ТӀехьа-Мартанан кӀоштахь «Ленинан байракх» кӀоштан газетан журналист. Оьрсийн маттахь материалаш йазйа ца лаарна бехке вира национализмехь а, антисоветийн пропагандехь(оьр.)нохч. а, дӀаваьккхира редакцера. Цхьа хан йаьлча балха ийцира Соьлжа-ГӀалин кӀоштан «Ильичан весеташ» газете, цигара а изза бахьна хӀоттийна дӀаваьккхира. ССРС йоьхначул тӀаьхьа коьрта редактор хӀоьттира «Ленинан некъ» газете. Хьалхарчу дийнахь дуьйна меттахӀоттийн «Даймохк» газетан коьрта редактор вара.

Меттигерчу газеташкахь а, журналашкахь а, коллективан гуларшкахь а кест-кеста арайовлура стихаш: «Манящие горизонты» а, «Напевы Родины» а, «Огонь негасимый» а, «Антология чеченской поэзии» а, кхин а. Иштта масех шен байташин гуларш а арахийцира[4].

Цо нохчийн матте гочйина дуьненан а, оьрсийн а литературин классикийн произведенеш (Антуан де Сен-Экзюпери а, Александр Пушкин а, Михаил Лермонтов а, Чеслав Милош а, Антонио Мачадо а, кхин а)[2].

СовгӀаташ

  • Нохчийн Республикин халкъан поэт;
  • Нохчийн пачхьалкхан университетан Сийлахь профессор[5];
  • Нохчийн Республикин Сийлахь журналист;
  • Республикан совгӀат «Дато бухӀа»[2].

Библиографи

  • «Орамаш а, тӀемаш а» (оьрс. «Корни и крылья») (1985);
  • «ШолгӀа тулгӀе» (оьрс. «Вторая волна») (1989);
  • «ГӀенех лаьцна сан гӀенаш» (оьрс. «О снах мои сны») (2002);
  • «Нохчийчоь, сан Нохчийчоь» (оьрс. «Чечня, моя Чечня») (2005);
  • «Иэс а, неӀалташ а» (оьрс. «Память и проклятия») (2009)[3][6].

Билгалдахарш

  1. ↑ 1 2 Абдулаев Леча (нох.). www.daymohk-gazet.ru (2017 шеран 14 март). ТӀекхочу дата: 2026 шеран 18 апрель.
  2. ↑ 1 2 3 Мир не рухнул за тобою, «Литературная газета» – старейшее периодическое издание России.. Дата обращения: 18 апрелехь 2026.
  3. ↑ 1 2 В Доме печати прошел творческий вечер Лечи Абдулаева. www.grozny-inform.ru (2009 шеран 26 март). ТӀекхочу дата: 2026 шеран 18 апрель.
  4. ↑ В библиотеке прошла встреча с Народным поэтом Чеченской Республики Лечи Абдулаевым (2019, 6 июль). Дата обращения: 18 апрелехь 2026.
  5. ↑ Книжная выставка «Жизнь и творчество поэта», приуроченное к 70-летию чеченского писателя Лечи Шариповича Абдуллаева. nasha-shkola.info (2023 шеран 25 февраль). ТӀекхочу дата: 2026 шеран 18 апрель.
  6. ↑ Абдулаев Леча. web.archive.org. ТӀекхочу дата: 2026 шеран 18 апрель.

Литература

  • Чагаева Тамара. Литературно-географический атлас Чеченской Республики. — Нальчик: ООО Тетраграф, 2018. — С. 22—25. — 440 с. — 5000 экз. — ISBN 978-5-00066-153-6.

Категореш