Ясаева, Мадина Лечан йоӀ

1988-чу шеран бекарг беттан 5-чу дийнахь Соьлжа-ГӀалахь йина^[2].

2011-чу шарахь Российски керла университет чекхйаьккхина^[3].

2015-2019-чу шерашкахь литературин а, искусствон а, йукъараллин-культурологин журнал «Нана»-н коьрта редактор^[2].

А. А. Кадыровн цӀарах йолчу Нохчийн пачхьалкхан университетан аспирантка, Нохчийн Республикин Ӏилманийн академин прикладни семиотикин декъан лакхара Ӏилманан белхахо^[2].

Меттигерчу зорбанан агӀонашкахь арайевлла цун байташ, «Голос Кавказа» альманахехь, журналашкахь: «Российский Колокол» а, «Лира Кавказа» а, «Нана» а, «Вайнах» а, «Орга» а, иштта «Литературная газета» а^[4]. Поэтан гуламийн цхьа автор йу: «Искры "Прометея"» а, «Молодые писатели Кавказа» (М., 2009) а, «Нохчийн дийцар» (Соьлжа-ГӀала, 2010) а, «Бег от времени» (2012) а, «Синмаршо» (2017) а, «Дебют. Созвездие слов и красок» (Соьлжа-ГӀала, 2020) а, «Камни и цветы» III-гӀа арахецар (2025) кхин а. «Всеотражение» боху поэтически гуламан автор. Ma_Dino литературан псевдоним лелийна^[2].

«Прометей» Нохчийн Республикан къона литератораш вовшахтохаран декъашхо а, Пен-клубан декъашхо а, Россин Федерацин журналистийн а, Нохчийн Республикан Зударийн союзан урхаллин декъашхо а, Россин Йаздархойн союзан декъашхо а, Кавказан Писателийн клубан декъашхо а. Россин а, СНГ-н а къона йаздархойн IX форуман декъашхо^[2].

ЛДПР-н Нохчийн региональни отделенин координатор заместителан оцу балха тӀехь, ЛДПР-ра меттигера урхаллин депутат, ЛДПР-н ЧРО-н Координационни Кхеташонан декъашхо^[5].

Нохчийн Республикин отделенин ООО «РКК» волонтёр а, «Хайра» аьлла долу беркате организацин волонтёр а йу^[2].

2025-чу шарахь Ясаева Мадинас кховдийра цхьана стеган озах а, куц-кепах а лаьцна авторан бакъонаш ларъеш долу низам йукъадаккхар^[6].

Ясаева Мадина корпусни лингвистикин говзанча йу, нохчийн текстийн корпус вовшахтохарехь а, дӀахӀотторехь а болх беш йу^[7].

• Йукъараллин организацешний а, ведомствошний а дипломаш, сийлаллин грамоташ а, баркаллин кехаташ а, цу йукъахь Нохчийн Республикин Правительствойн а, Парламентан а;
• «А. П. Чехов» иэсан мидал (2009), Россин йаздархойн союзан Москван гӀалин организацино а, Гочдархойн союза а;
• Межрегиональни адаман бакъонашна а, маршонашна а «Коалици» олучу боламан агӀор «За беспристрастность» мидал;
• Россин Федерацин йазархойн Союзан куьйга кӀел дӀайаьхьначу «Къоначийн аьзнаш» бохучу къоначу нохчийн прозаикийн конкурсан лауреат (2010);
• Нохчийчохь Россин ЦӀечу жӀаран отделенин гӀуллакхан а, оцу организацин Дуьненайукъарчу ЦӀечу жӀаран Комитетца йолчу йукъаметтиган а лерина журналистийн тоьлла материал къовсучу конкурсехь «Традиционни СМИ» номинацехь толамхо (2015)^[8];
• «А. Сулейманов» иэсан мидал (2024)^[9];
• Нохчийн Республикин правительствон баркаллин кехат (2024)^[10].

• Нана — Лула Изнауровна Жумалаева, россин йаздархо а, поэтесса а, публицист а, гочдархо а, «Нана» журнал кхоьллинарг а, куьйгалхо а^[11].