Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Якиев Ӏумар Ӏабдулнасиран воӀ

Якиев Ӏумар (вина 1959 шеран 8 мартехь, Айыл Ак-Булак, Базар-Курганан кӀошт, Ошан область, ГӀиргӀазойн ССР, ССРС[1]) — нохчийн журналист, поэт, «Нийсо-ДегӀаста» республикин газетан коьрта редактор [2][3][4]. ДегӀастанан сийлахь культурин белхахо[5][6][7]. Российн журналистийн декъахо[8]. Нохчийн къомах ву[1][9].

Биографи

Вина 1959 шеран 8 мартехь ССРСан ГӀиргӀазойн ССРан Ошан областан, Базар-Курганан кӀоштера Айыл Ак-Булакехь (хӀинца Джалал-Абадан область)[9].

Йуккъера ишкол чекхйаьккхина ДегӀастанан АССРан Хаси-Эвлан кӀошт Эдал-Отарахь[2]. Эскарехь хилла Уралехь а, ГДРехь а. Резерван эпсар.

Студентийн дахар доладелла Эна-Хишкарчу йуьртбахаман техникумехь (НГӀАССР). Кхузахь жигара дакъа лецира гӀишлошйаран тобанашкахь.

Уггаре хаза шераш дӀаделира комсомолан белхан. Ӏилманча-агрономан диплом даьккхира, Воронежан а, Ломан а йуьртбахаман (БуритӀе гӀала) институташкахь дешна.

1990 шарахь чекхйаьккхира Воронежан йуьртбахаман институтан журналистикин факультет[2].

Карьера

Якиев Ӏумаран зорбанехь дуьххьара арайаьлларг йара 1975-чу шарахь Адильотаран йуккъерчу ишколехь Керла шо даздарх лаьцна йазйина ткъе пхиъ могӀа болу статья. Оцу йоццачу зорбано шех а, шен кхоллараллин хьуьнарех а цхьа тешам белира цунна, республикан зорбанан гӀирсашца кхидӀа а цхьаьнаболхбаре дог доуьйтуш. Якиевн кхолларалла зорбатоьхна цу муьрехь арадовлучу тайп-тайпанчу газеташкахь — Хаси-эвлан «Дружба», «Комсомолец Дагестан» газеташкахь, иштта къоман «Ленин елу» («Елдаш») а, «БагӀараб Байрахъ» («ХӀакъикъат») а газеташ тӀехь[10].

Якиев говзанчийн журналистийн могӀаршка хьалавелира. ДегӀастанан Республикин культурин хьакъволу белхало сийлахь цӀе елла цунна, «Дашо аьрзу» конкурсехь толам баьккхира, Нохчийн Республикин куьйгалхо Кадыров Ахьмад-Хьаьжи дагалоцуш хӀора шарахь дӀахьочу Дуьненайукъара журналистикин къовсамехь дуккха а совгӀаташ кхаьчна[10].

Ӏумар Россин журналистийн 10-чу съездан делегат вара (Москва, 2013 шо). Якиевн кхиамаш билгалбаьхна республикин куьйгалло а, ДегӀастанан Республикин Журналистийн союзо а. У. Якиевн шен поэзин ши книга арайаьлла: «Поэтом себя называть не спешу» а, «Не вправе молчать, как мехди»[11].

1990-гӀа шераш дуьйлалуш иза хаьржира Хасавюртан кӀоштан гуламан депутат[11].

Билгалдахарш

  1. ↑ 1 2 Умар Якиев. ИА "Чеченинфо" (2019 шеран 18 июль). ТӀекхочу дата: 2019 шеран 20 июль.
  2. ↑ 1 2 3 Ежемесячный литературно-художественный журнал «Вайнах», 2011, с. 96.
  3. ↑ В Грозном отметили 90-летие республикинской газеты «Даймохк». Пресс-служба Главы и Правительства Чеченской Республики (2014 шеран 22 апрель). ТӀекхочу дата: 2019 шеран 18 июль.
  4. ↑ В Хасавюртовском районе прошли Дни чеченского языка. РИА «Дагестан» (29 мая 2017). ТӀекхочу дата: 2019 шеран 18 июль.
  5. ↑ «Нийсо-Дагестан» – всегда в ногу со временем. Марина Дибирова (04.12.18). ТӀекхочу дата: 2019 шеран 18 июль.
  6. ↑ Культура дагестанских чеченцев. Дилйара Даудова (2018 шеран 24 ноябрь). ТӀекхочу дата: 2019 шеран 18 июль.
  7. ↑ Известный поэт и журналист, верный совести и делу = Г.Гайдаров (№ 1, 2015 от 7 Июля 2015 г). ТӀекхочу дата: 2019 шеран 18 июль.
  8. ↑ Дню Чеченской Республики посвятили заседание в Доме дружбы в Махачкале = РИА «Дагестан» (11 сентября 2015). ТӀекхочу дата: 2019 шеран 18 июль.
  9. ↑ 1 2 В оскудевшей душе не может быть места добру… (2015 шеран 30 декабрь). ТӀекхочу дата: 2019 шеран 18 июль.
  10. ↑ 1 2 ДагПравда. «Нийсо-Дагестан» – всегда в ногу со временем - Dagpravda.ru (ru-RU), Dagpravda.ru (2018, 4 декабрь). Дата обращения: 12 ноябрехь 2025.
  11. ↑ 1 2 Народы Дагестана(бил-боцу.). Народы Дагестана. ТӀекхочу дата: 2025 шеран 12 ноябрь.

Литература

Категореш