Шадиев, Юсуп Ӏалаутдинан воӀ

Вина Алма-Атахь. Доккхах долу бер, цуьнан ши ваша а, ши йиша а йара. ПхоьалгӀачу классехь дуьйна хоккейх ловзуш вара иза, «Автомобилист» хоккейн ишколехь Ӏамош вара. ГӀалин чемпионатехь аэропортан тобанехь ловзуш вара иза бэндех а, футболех а. Ишколан къовсамашкахь къовсалуш вара иза конькишца леларца а, когсалазашца а, баскетболца а, боксца а. Аэропортан футболан ишколехь цо тренировкаш йора Бекпосынов Ӏумербекаца. Тренер Владимир Котляров(оьр.)нохч. волуш ЦСКА тобанехь ловзуш вара иза. 1972 шарахь иза кхайкхира Кайрате, шен дебют йира ССРС чемпионатехь 1973 шеран 12 августехь цӀахь «Карпатица» хиллачу матчехь, ловзаран ах хан чекхйаьлча лазийна капитан Байшаков хийцира. 1976 шарахь иза ловзуш вара Соьлжа-ГӀалин «Теркехь», цул тӀаьхьа йухавеара Кайрате, цигахь даьккхира рогӀера исс шо. 1985 шарахь тренерца Остроушко Леонидца дов хилар бахьана долуш, команда йита йийзира, ши шо даьккхира «Теркехь», ловзархо-тренер хилира 1987 шарахь. 1988 шо даьккхира шолгӀа лигин Талды-Курганера «Жетысу» командехь, цул тӀаьхьа левзира гӀалин хьалхейаккхарехь «Женис» йукъахь. 1991-чу шарахь «Терке» йухавеара иза. 1993 шарахь хьалхарчу лигехь 9 матч ловзийна, тӀемаш болабалар бахьана долуш цӀа веара иза. Цо таксист болх бира, цул тӀаьхьа 2008-гӀа шо кхаччалц, геологин талламийн компанехь. ТӀаьхьо Кхазакхстанан футболан федерацин тренер-селекционер болх бан волавелира иза.

Кхо доьзалхо. Воккхаха волу кӀант Ӏалихан футболист хилла, карьера чекхйаьккхина ког лазор бахьнехь; йоӀ Малика; кӀант Гирихан.