Чеченавто
ПАО «Чеченавто» — российн автомобилаш йеш йолу компани. Лаьтта Нохчийчоьнан Устрада-ГӀалахь. Компани кхоьллина 1960 шарахь, хӀинцалера статус елира 2008 шарахь.
Предприятин истори
Устрада-ГӀалара «Пищемаш» завод яр 1960—1962 шерашкахь[1].
1962—1991 шерашкахь заводехь арахоьцура кхачанан промышленностан гӀирс — сокаш а, чагӀаран а, коньякан а сурсаташ, резервуараш, гӀирс. «Пищемаш» коьрта предприяти яра Малышевн цӀарах йолу Харьковера завод, цо кхачо йора мел оьшу гӀирсаца. Советан пачхьалкх йохарца завод сацийра.
1994—1996 шерашкахь а, 1999—2000 шерашкахь а тӀеман операцеш дӀахьош заводан гӀишлошна цхьана декъехь зен хилира.
2004 шарахь завод юха а болх бан йолийра ГУП «Аргунан завод „Пищемаш“»: цӀарца: юкъаяьккхира профилан настил йеш ши могӀа. Иштта заводо арахеца йолийра хин бӀовнаш, йовхонан котлаш, решеткаш, кевнаш, кхин а металлех йина сурсаташ.
2007 шеран мартехь заводехь меттахӀотторан белхаш болийра, уьш чекхбевлира 2008 шо долалуш.
2008 шеран январехь Нохчийчоьнан Правительствос а, ОАО «АвтоВАЗ» куьйгалло а барт бира, цуьнца догӀуш дара Нохчийчохь машенаш арахецар вовшахтоха «Пищемашан завод» ГУП-хь.
2008 шеран 5 майхь хилира керла производство официалехь схьаеллар. Хьалхара шиъ ВАЗ-21074 машен Пищемашан транспортер тӀера охьайоьссира, цул тӀаьхьа массо а кепара оцу моделан машенаш арахеца йолийра.
2008-чу шарахь предприятин буха тӀехь кхоьллина йиллина акционерийн юкъаралла «Чеченавто». 2010-чу шарахь дӀайолаелира «Чеченавто» леррина автотехникан Федеральни Ӏилманан-производственни центр холдинган компани кхолларан процесс.
2010-гӀа шо чекхдолуш заводехь вовшахтоьхна дуьххьарлера легковой машен «Ворда»[2].
2011 шеран августехь заводехь дӀайолийра Lada Priora арахецар[3].
2017-чу шарахь кхоьллина «Чаборз М-3» а, «Чаборз М6» а баггиш.
СинкӀоме факташ
2008 шарахь планаш йира Пищемашан заводехь «Жигули» автоагрегатийн а, сборкийн а буха тӀехь гулйина APAL-2154 ледара внедорожник арахеца[4].
2024-чу шеран октябрь баттахь Кадыров Рамзана СВО-н хьашташна лерина «Народный фронт «За Россию» боламна 100 тӀеман машен елира. Машенаш вовшахтоьхна Российн автомобилаш йеш йолчу «Чеченавто» предприятехь, промышленностан а, Минпромторган а, Бауманан цӀарахчу Москохан пачхьалкхан технически университетан а гӀоьнца[5].
Билгалдахарш
- ↑ Второе рождение "Пищемаша" | Информационное агентство "Грозный-Информ". www.grozny-inform.ru. ТӀекхочу дата: 2021 шеран 15 ноябрь.
- ↑ В Чечне на автомобильном заводе планируют собирать «телеги» / 2 Декабрь / 2010 год / Новости / СКФО.РУ (Северо-Кавказский федеральный округ). ТӀекхочу дата: 2010 шеран 5 декабрь. Кху чуьра архивйина оригиналан 2020 шеран 25 февралехь
- ↑ Павел Ёлшин. На дороги вышли чеченские Lada Priora. Авто Mail.ru. ТӀекхочу дата: 2021 шеран 15 ноябрь.
- ↑ Внедорожник «Сталкер» и грузовик «Надежда» будут собирать в Чечне. www.autonavigator.ru. ТӀекхочу дата: 2021 шеран 15 ноябрь.
- ↑ Кадыров передал для нужд военной операции 100 «джихад-машин», РБК (2024, 5 октябрь). Дата обращения: 5 октябрехь 2024.