Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Хусейнов, Зелимхан Теждин воӀ

Зелимха́н Теждин воӀ Хусе́йнов (оьрс. Хусейнов, Зелимхан Теждиевич; 1981 шеран 13 июль, Хаси-Эвл, ДегӀастанан АССР) — россин а, азербайджанан а паргӀат кепар латархо а, Европин чемпион а, дуьненан чемпионатийн совгӀатхо, шозза дуьненан кубкан чемпионатехь толамхо. Россин кегийрхойн паргӀатчу латарехь гулйина тобанан воккхахволу тренер[1].

Биографи

1981 шеран мангалан беттахь 13-чу дийнахь ДегӀастанан АССР-н Хаси-Эвлахь вина. Локхалла — 174 см. Ден, Хусейнов Теждин а, Умудов Фирдоусин а куьйгаллица тренировкаш йора. «Атаспорт» (Бакох) спортан клубехь летира[2].

Москварчу гуманитарни институт чекхйаьккхина[3].

Спортан жамӀаш

  • 1999 шарахь паргӀат кепар латаран Российн чемпионат — 1;
  • 2000 шарахь паргӀат кепар латаран Российн чемпионат — 2;
  • 2001-чу шарахь Софихь (Болгари) дуьненан чемпионат (Россин гулйина тобанан йукъахь) — 8-гӀа меттиг;
  • 2001-чу шарахь Ташкентехь юниоршна йукъахь дуьненан чемпионат (Россин гулйина тобанан йукъахь)— 3;
  • 2008-чу шарахь ПекинехьдӀайаьхьна Олимпийски ловзарш — 5-гӀа меттиг;
  • 2009-чу шарахь Тегеран-гӀалахь (Иран) Дуьненан кубкан толамхо;
  • 2009-чу шарахь Вильнюс-гӀалахь (Литва) Европин чемпион;
  • 2009-чу шарахь Бакохь (Азербайджан) Деши Гран-при йаккхар;
  • 2009-чу шарахь Хернинг-гӀалахь (Дани) дуьненан чемпионат — 2;
  • 2010-чу шарахь Москвахь (Росси) дуьненан чемпионат — 3;
  • 2010-чу шарахь Ниццехь (Франци) «Анри Деглан» цӀарах хилла 36-гӀа Халкъашна йуккъера турнир тоьлуш[2][4].

Олимпиан ловзаршкахь Хусейновс 1/16 финалехь хьалхарчу къийсамехь оцу Олимпиадин толамхо волчу российски латархочунна Батиров Мавлетна эшийтира. СинкӀелхетаргашна йукъара къийсамашкахь Хусейнос тоьли кубахочунна Кинтана Яндрана а, македонхо Рамазанов Мурадна а, амма иэшо иранхо Мохаммади Морадна а, тӀаьххьара 5-гӀа меттиг а йаьккхира.

Тренеран карьера

2024-чу шарахь Россин кегийрхойн паргӀатчу кепара латарехь гулйина тобанан воккхахволу тренер хаьржина. Хьалха Азербайджанера гулйина тобанехь итт шарал сов болх бира цо[1].

Цуьнан дешархойх ву — Россин чемпионатийн призёран, Дуьненан кубкан а, Межконтинентальни кедан а да Абакаров Зелимхан. Ильясован ИбрагӀиман — тӀеман гӀуллакххойна йукъахь дуьненан чемпион хьалхара тренер а Зелимхан ву.

Билгалдахарш

  1. ↑ 1 2 Новости спортивной борьбы Дагестана » Зелимхан Гусейнов: «Главная задача - подготовить достойную замену лидерам». wrestdag.ru. ТӀекхочу дата: 2026 шеран 23 июль.
  2. ↑ 1 2 Мовлади Абдулаев. Зелимхан Гусейнов. web.archive.org. ТӀекхочу дата: 2026 шеран 29 июль.
  3. ↑ Гусейнов Зелимхан Теждиевич. infosport.ru. ТӀекхочу дата: 2026 шеран 29 июль.
  4. ↑ Huseinov, Zelimkhan (AZE) (инг.). iat.uni-leipzig.de. ТӀекхочу дата: 2016 шеран 12 февраль. Кху чуьра архивйина оригиналан 2016 шеран 15 февралехь

Литература

  • С-А. М. Аслаханов, Х. Х. Хизриев. Физическая культура и спорт Чечни: истоки и современность. — Москва: «Перо», 2015. — С. 209. — 240 с. — ISBN 978-500086-997-0.

Категореш