Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Хацыгов, Хаважи Ахмедан воӀ

Хава́жи Ахмедан воӀ Хацы́гов (1977 шеран 17 апрель, Соьлжа-ГӀала, РСФСР[d]) — Белоруссийн нохчийн боксёр а, 2002-чу шеран йезархошна йукъахь Европин чемпион, 2004-чу а, 2008-чу а шерашкара аьхкенан Олимпийски ловзарийн декъашхо, 2005-чу а, 2006-чу а шерашкахь Дуьненан Кубок баьккхинар а.

Биографи

1977-чу шеран оханан беттан 17-чу дийнахь Соьлжа-ГӀалахь вина[1].

1999-чу шарахь Белоруссе дӀавахана, Могилевера олимпийн резерван училище деша хӀоьттира. Везан категори — 54 кг. Тренер — Александр Котляров. Белоруссехь Александр Котляров волчехь а, Семён Соркин волчехь а кечам беш (Ӏамалуш), къоман гулйинчу командин йукъахь лата волавелира[2][3][1].

2010-чу шарахь дуьйна говзанчийн боксехь латаш ву[1].

Спортан карьера

2002-чу шеран боксан Европин чемпионат

  • финалан 1/8: очкошца желточо Артур Микаелянна тӀехь толам баккхар;
  • финалан 1/4: очкошца азербайджанхочунна Агаси Мамедовна тӀехь толам баккхар;
  • ахфинал: очкошца румынхочунна Вальдемар Кучерянна тӀехь толам баккхар;
  • финал: очкошца россихочунна Геннадий Ковалёвнна тӀехь толам баккхар.

2004-чу шеран боксан Европин чемпионат

  • финалан 1/16: грекхочунна Янис Монокандилосна дуьхьал очкошца толам баккхар;
  • финалан 1/8: румынхочуьнца Вальдемар Кучерянуца хиллачу латарехь очкошца эшар.

2004-чу шеран аьхкенан Олимпийн ловзарш

Афинашкахь хиллачу Олимпиадехь Хацыговс финалан 1/32-гӀачу декъехь пуэрторикахо Хуан Мануэль Лопес эшийра, амма рогӀерачу гуонехь иза ийшира Таиландан векална — оцу ловзарийн тӀаьхьо детин совгӀатхо хиллачу Ворапой Петчкумна, цуьнца цхьаьна мидалш къовсарера дӀа а велира.

2006-чу шеран боксан Европин чемпионат

Финалан 1/16-хь чемпионатан детин совгӀатхо хиллачу болгархочуьнга Детелин Далаклиевга эшар.

2008-чу шеран аьхкенан Олимпийн ловзарш

Пекинехь хиллачу Олимпиадехь дуьххьарлерчу латарехь, финалан 1/32-гӀачу декъехь, Хацыгов молдаванхочуьнга Вячеслав Гожанга ийшира, кхин дӀа долчу къийсамех дӀа а велира.

Говзаллин карьера

2010-чу шарахь говзаллин ринге дехьавелира. 28 латар дӀавахьира, царах 11-нна тӀехь толам баьккхира. 2013-чу шеран бекарг беттан 30-чу дийнахь WBF версица дуьненан чемпионан йукъадаьлла титул къовсуш хиллачу латарехь Тимур Ахундовна ийшира. 2015-чу шарахь Евгений Павкоца(оьр.)нохч. хиллачу латарехь йоьалгӀачу раундехь хан йалале ийшира.

Билгалдахарш

  1. ↑ 1 2 3 Мовлади Абдулаев. Хаважи Хацыгов. web.archive.org. ТӀекхочу дата: 2026 шеран 20 июль.
  2. ↑ Двадцать лет спустя, www.sb.by (2002, 25 июль). Дата обращения: 20 июлехь 2026.
  3. ↑ Хацыгов хочет быть похожим на Цзю, www.sb.by (2003, 18 январь). Дата обращения: 20 июлехь 2026.

Литература

  • С-А. М. Аслаханов, Х. Х. Хизриев. Физическая культура и спорт Чечни: истоки и современность. — Москва: «Перо», 2015. — С. 206. — 240 с. — ISBN 978-500086-997-0.

Хьажоргаш

Категореш