Хасимиков, Салман Алхазуран воӀ
Салма́н Алхазуран воӀ Хасими́ков (оьрс. Хасимиков, Салман Алхазурович; 1953 шеран 5 апрель, Кхазакхийн Советийн Социалистийн Республика — 2025 шеран 28 май, Москох) — советан паргӀат кепар латархо а, 4-за СССР чемпион а, рестлер а, 3-за Европин чемпион а, 4-за Дуьнен чемпион а, Дуьнен Кубок йаьккхинарг (1982) а, IWGP ондачу йозаллин чемпион латарехь а, ССРС Сийлахь спортан говзанча а.
Биографи
Салман вина Кхазакхстанехь 1953 шеран оханан беттан 5-чу дийнахь. 1957 шарахь цуьна хӀусум цӀа йирзина. 16 кхаьчча Дэги Багаев волчахь лата Ӏама волавелла. Цхьа шо даьлча юниорашн йукъахь дуьнен чемпион хилира иза. 1976 шарахь Москох дӀавахара.
Доьуза ССРС-н чемпион хилира иза, кхуза Европин чемпион, доьуза Дуьнен чемпион, Дуьнен Кубок йаьккхира цо. 1976 а, 1980 а шерашкахь Олимпиде вахар ца нисделера цуьна травмаш бахьнехь. 1984 шарахь политика бахьнехь ССРС-н спортхой Лос-Анджелесехь хилла йолу Олимпиаде ца бахара.
Спорт йитунчултехь Япони а вахан, рестлер хилира Салман. 1993 шарахь рестлингехь Дуьнен чемпион хилира иза.
ПаргӀата кепехь тоьлла латархо, 4-зза дуьненан чемпион а, 4-зза ССРС-н чемпион а Хасимиков Салман дӀакхелхина шен 73 шо долуш.
1992-чу шеран март баттахь Хасимиков Салман куьйгалла а деш вовшахтоьхна Ичкерин къоман кхерамзаллин служба. 1993-чу шеран хӀутоссург беттан Дудаев ЖовхӀар даржера вохо гӀортар аьтто ца баьллачул тӀаьхьа Ичкерин президентан омрица дӀайаьккхира НСБ.
Велла 2025 шеран хутоссург беттан 28-чу дийнахь[1] Москвахь[2].
СовгӀаташ
- 1978 шарахь ССРС паргӀат кепехь латаран чемпионат —
; - 1979 шарахь ССРС паргӀат латаран чемпионат —
; - ПаргӀат кепехь латар 1979 шарахь ССРС халкъийн аьхкенан Спартакиадехь — ;
- 1980 шарахь ССРС маьрша латаран чемпионат —
; - 1981 шарахь ССРС паргӀат кепехь латаран чемпионат — ;
- 1982 шарахь ССРС паргӀат кепехь латаран чемпионат — ;
- 1983 шарахь ССРС паргӀат кепехь латаран чемпионат — ;
- 1983 шарахь ССРС халкъийн аьхкенан Спартакиадехь паргӀат кепехь латар — ;
- New Japan Pro-Wrestling
- IWGP чемпион ондачу йозаллехь (1-зза)[3].
Иэс
2018-чу шарахь Соьлжехь (хӀинца Соьлжа-гӀалин дозанехь йу) Ленинан урам цӀе хийцира Хасимиков Салманан урам аьлла[4].
Билгалдахарш
- ↑ Умер четырехкратный чемпион мира по вольной борьбе Хасимиков(оьр.), AiF. Дата обращения: 23 январехь 2026.
- ↑ Умер четырехкратный чемпион мира по вольной борьбе Хасимиков(оьр.), sport-express.ru (28 майхь 2025). Дата обращения: 23 январехь 2026.
- ↑ Royal Duncan & Gary Will. New Japan IWGP International Wrestling Grand Prix Title // Wrestling Title Histories. — 4th. — Archeus Communications, 2006. — P. 372–373. — ISBN 0-9698161-5-4.
- ↑ В столице Чеченской Республики появилась улица имени Салмана Хасимикова | Информационное агентство "Грозный-Информ" (инг.). grozny-inform.ru. ТӀекхочу дата: 2018 шеран 22 август.
Хьажоргаш
- Салман Хасимиков. web.archive.org. ТӀекхочу дата: 2026 шеран 29 апрель.
- Салман Хасимиков — кумир чемпионов. web.archive.org. ТӀекхочу дата: 2026 шеран 29 апрель.
- Салман Хасимиков: Горжусь, что прославлял Родину. www.sovsport.ru. ТӀекхочу дата: 2026 шеран 29 апрель.