Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Ханбиев, Ӏумар Ӏилманан воӀ

РУВИКИ чохь изза фамили йолчу кхечу адамех лаьцна йаззамаш бу Ханбиев.

Умар Ильманович Ханбиев (Хамбиев) (1955 шеран 10 июль, Бена, Нохч-ГӀалгӀайн Автономин Советийн Социалистийн Республика — 2014 шеран 8 август, Соьлжа-ГӀала) — Нохчийн лор а, пачхьалкхан гӀуллакххо а, медицинан Ӏилманийн кандидат, Нохчийн Республикин могушалла Ӏалашйаран министр, Ичкерин Президентан дозанал арахьара коьрта векал, республикин орцан дарбан цӀийнан коьрта лор, Нохчийн Республикин могашаллин министерствон коьрта хирург. Беной тайпанан векал[1].

Биографи

ДегӀастанан медицинан институт чекхъяьккхина. Институт чекхъяьккхинчул тӀаьхьа цо болх бира Ножай-Юьртарчу юккъерчу кӀоштан больницехь. Цо шен клиникан ординатура чекхъяьккхира Москох Россин могашаллин министраллан коьрта хирургехь Савельевца[2].

Нохчийн хьалхарчу тӀамехь эзарнаш чевнаш хиллачарна операци йира цо[2]. 1997 шарахь Масхадов Аслан Ичкерин президент хаьржинчул тӀаьхьа иза хӀоттийра республикан могашаллин министр, ткъа цуьнан жимах волу ваша Ханбиев Магомед хӀоьттира республикан тӀеман министр[1].

1999-чу шарахь, нохчийн шолгӀа тӀом болабелча, Ханбиевс юха а операцеш ян йолийра чевнаш хиллачарна. 2000-чу шеран январь баттахь Соьлжа-ГӀала чубогӀучу федералан эскарша схьа а лаьцна, Чернокозово СИЗО- чу воьллира иза. Иза цигара кӀелхьарваккхарехь гӀо дина бизнесхочо Сайдуллаев Малика. Маьршаваьккхинчул тӀаьхьа Бакох дӀавахара Ханбиев. 2004-чу шарахь иза хӀоттийра дозанал арахьарчу Ичкерин президентан Инарла векал. 2007 шарахь Ханбиев Итале дӀавахара, цигахь цо политически тховкӀело йийхира, амма цунна иза ца йелира.[1].

ШолгӀачу шарахь Ханбиевн ваша Магомед, цу хенахь Нохчийчоьнан Парламентан депутат хилла волу, Итале веара, иза даймахка юхаверза тешийра[1]. Нохчийчу цӀавирзинчул тӀаьхьа Ханбиев Ӏумар ша винчу юьрта вахара, цигахь меттигерчу дарбан цӀийнехь хирурган болх бира цо. 2009-чу шарахь республикан коьрта хирург хӀоттийра иза. 2011 шарахь дуьйна Республикан орцан медицинан гӀоьнан дарбан цӀийнан коьрта лор[3].

Иэс

undefined

2022 шеран февралехь Ханбиевн цӀе тиллира иза коьрта лор хиллачу Республикин клиникан орцан дарбан цӀийнна[2][4]. Гуьмсехь[5] а, Керлачу Бенахь[6] а урамаш ду цуьнан цӀарах.

  1. ↑ 1 2 3 4 NEWSru.
  2. ↑ 1 2 3 Абалаева.
  3. ↑ Медицинский вестник.
  4. ↑ В Чеченской Республике официально переименованы три больницы. Чечня сегодня (2022 шеран 12 февраль). ТӀекхочу дата: 2022 шеран 6 май.
  5. ↑ улица Умара Ильмановича Ханбиева. Яндекс.карты. ТӀекхочу дата: 2022 шеран 6 май.
  6. ↑ Улица Умара Ильмановича Ханбиева в селе Новый-Беной. на-карте.рф. ТӀекхочу дата: 2022 шеран 6 май.

Категореш