Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Халмурзаев, Хасан Магометович

Хасан Магометович Халмурзаев (гӀалгӀ. Халмарзанаькъан Мухьмада Хьасан; 1993 шеран 9 октябрь, Несара, ГIалгIайчоь) — Россин дзюдоист, 81 кг-га кхаччалц йолчу категорехь 2016-чу шеран Олимпийн ловзарийн чемпион а, 2016-чу шеран Европин чемпион а, 2011-чу шеран юниорашна йукъахь Европин чемпион а, 2014-чу шеран Россин чемпион а, 2010-чу шарахь Сингапурехь хиллачу хьалхарчу кегийрхойн Олимпийн ловзарийн совгӀатхо а, 2015-чу шеран аьхкенан Универсиадан чемпион. Россин сийлахь спортан говзанча. Халмурзаев Хусейнан шала ваша.

Хасан ГӀалгӀайчоьнан Къоман гӀуллакхийн министерствон (МЧКъГӀ) ППСП-н къаьстина батальонехь болх беш ву. Иза полицин сержант ву[2].

Биографи

Вина ГӀалгӀайчоьнан Несарехь 1993 шеран эсаран беттан 9-чу дийнахь. Меттигерчу йуккъерачу ишколехь кхоалгӀачу классе доьшуш спортехь лела волавелира[3]. Иштта спортца уьйр йолуш ву цуьнан шала вина ваша Хусейн а, шолгӀа ваша Ахмет а. Церан спорте болу безамна йуьхьанца Ӏаткъам бира церан дас, иза кхелхира 2008 шарахь. Церан нанас кхидӀа а цхьаъ кхиийра бераш[4].

Спортан кхиамаш

  • Йерригроссин спартакиада 2022 — 1;
  • Дзюдон дуьненан чемпионат 2017 — 3;
  • 2017 шеран турнир «Йоккха шлем» — 1;
  • Турнир «Мастерс-2017» — 1;
  • 2016 шеран аьхкенан Олимпиада — 1;
  • 2016 шеран дзюдо Европин чемпионат — 1;
  • 2015 шеран аьхкенан Универсиада — 1;
  • 2014 шеран дзюдон Российн чемпионат — 1;
  • Турнир «Мастерс-2017» — 1;
  • 2016 шеран Европин Кубкан этап (Словаки) — 1[5];
  • 2013 шеран Европин Кубкан этап (Оренбург) — 1;
  • 2013 шеран Европин Кубкан этап (Словени) — 1[6];
  • 2013 шеран кегирхойн дзюдон Российн хьалхаралла (Тюмень) — 1[7];
  • 2013 шарахь Россин юниорийн дзюдон первенство (Красноярск) — 1[8];
  • 2011 шеран кегирхойн Европин хьалхаралла — 1;
  • 2010 шеран кегирхойн аьхкенан Олимпиада — 2.

СовгӀаташ

  • Сийлаллин орден(оьр.)нохч. (2020-чу шеран эсаран беттан 14-чу дийнахь) — физически культурин а, спортан а кхиорехь а, жигаралла йуккъараллин гӀуллакхашкахь а долчу хьакъахь[9];
  • ДоттагӀаллин орден (2016-чу шеран хьаьттан беттан 25-чу дийнахь) — Рио-де-Жанейрохь (Бразили) 2016 шарахь хиллачу XXXI Олимпиадан ловзаршкахь лакхара спортан кхиамаш бахарна, толам бан чӀогӀа лаам а, доьналла а гайтарна[10];
  • «ГӀуллакхехь доьналла хиларна» мидал (ЧГӀМ)[2];
  • Российн Президентан сийлаллин грамота — «физически культурин а, спортан а декъехь къегина хьакъашна, дукха шарашца тешаме къахьегарна» (2025-чу шеран эсаран беттан 15-чу дийнахь)[11].

Доьзал

Иза зуда йалийна ву. Цуьнан зудай цӀе Залина йу. Той хилира Насыр-Коьртахь 2017-чу шеран товбецан беттан 17-чу дийнахь.

Билгалдахараш

  1. ↑ JudoInside.com (инг.) — 2002.
  2. ↑ 1 2 В МВД России наградят олимпийского чемпиона – сержанта полиции Хасана Халмурзаева. ТӀекхочу дата: 2026 шеран 25 май.
  3. ↑ Патиев, 2023, с. 672.
  4. ↑ Мама олимпийского чемпиона Хасана Халмурзаева рассказала Metro о сыне. metronews.ru. «Metro. Санкт-Петербург» (2016 шеран 10 август). ТӀекхочу дата: 2026 шеран 25 май.
  5. ↑ Результаты Кубка Европы 2016 Словакия. www.judo.ru. ТӀекхочу дата: 2026 шеран 25 май.
  6. ↑ Результаты Кубка Европы 2013 Словения. ТӀекхочу дата: 2026 шеран 25 май.
  7. ↑ Первенство России, Тюмень. www.judo.ru. ТӀекхочу дата: 2026 шеран 25 май.
  8. ↑ Первенство России по дзюдо, Красноярск. ТӀекхочу дата: 2026 шеран 25 май.
  9. ↑ Указ Президента Российской Федерации от 12.10.2020 № 617 ∙ Официальное опубликование правовых актов ∙ Официальный интернет-портал правовой информации. publication.pravo.gov.ru. ТӀекхочу дата: 2026 шеран 25 май.
  10. ↑ Указ Президента Российской Федерации от 25.08.2016 № 429 «О награждении государственными наградами Российской Федерации». ТӀекхочу дата: 2026 шеран 25 май.
  11. ↑ Путин наградил дзюдоиста Халмурзаева почетной грамотой, TACC. Дата обращения: 25 майхь 2026.

Хьажоргаш

Кхин дӀа темана тӀехь

Категореш