Хакишева, Санухат Адсаламовна
Сануха́т Адсала́мовна Ха́кишева (1965 шеран 14 май, Алхан-Кала, Соьлжа-ГӀалин кӀошт, Нохч-ГӀалгӀайн АССР, РСФСР, СССР) — нохчийн театран а, кинон а актриса, Нохчийн Республикин Халкъан актриса.
Биографи
Йина 1965-чу шеран май беттан 14-чу дийнахь Нохч-ГӀалгӀайн Ӏалхан-ГӀалахь. Цо дешна Соьлжа-ГӀаларчу культпросветучилищехь а, Нохчийн пачхьалкхан университетехь а, актерски отделенехь.
1983 шарахь цо шен актрсин карьера йолийра Х. Нурадиловн цӀарахчу Нохч-ГӀалгӀайн драматически театрехь, дуккха а коьрта ролаш кхочушйеш.
2001-чу шарахь цунна йелла Нохчийн Республикин Сийлахь артистка, 2008-чу шарахь — Нохчийчоьнан халкъан артистка, 2022-чу шарахь Нохчийн Республикин культурин Сийлахь белхахо[1]
2009-чу шарахь дуьйна Нохчийн кегийрхойн «Серло» театрехь болх беш йу, коьрта ролаш ловзош ю «Денисольт», «Марчо эца вахнарг», «Ша тӀехь йина гӀала», «Берсех а, Жовхарах а лаьцна туьйра», спектаклашкахь. 2020-чу шарера 2023-чу шаре кхаччалц цо кхидӀа а гайтира шина а театрехь, постановкашкахь а, гастролашкахь а дакъалоцуш. 2023-чу шеран 30-чу июнехь цо дакъалецира Нурадилов Хампашин цӀарахчу нохчийн драматически театран 92-гӀа сезон дӀакъовларан церемонехь[2][3].
Фильмографи
- Мёртвое поле (2006)
- Приказано забыть (2014)
Хьажоргаш
- Санухат Хакишева. Чеченский государственный молодёжный театр «Серло». ТӀекхочу дата: 2014 шеран 13 декабрь.
- Санухат Хакишева. Министерство культуры Чеченской Республики (30 сентября 2008). ТӀекхочу дата: 2014 шеран 13 декабрь.
- ↑ Указ Главы Чеченской Республики от 18 июля 2022 года № 136
- ↑ Труппа. Молодежный театр «Серло» — Чеченский государственный академический театр им.Х.Нурадилова(бил-боцу.). www.teatrnuradilova.ru. ТӀекхочу дата: 2025 шеран 6 ноябрь.
- ↑ В Чеченском театре состоялось торжественное закрытие 92-го театрального сезона! — Чеченский государственный академический театр им.Х.Нурадилова(бил-боцу.). www.teatrnuradilova.ru. ТӀекхочу дата: 2025 шеран 6 ноябрь.