Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Умарова, Лиза Сулиманан йоӀ

РУВИКИ чохь изза фамили йолчу кхечу адамех лаьцна йаззамаш бу Умаров.


Ли́за Сулима́нан йоӀ Ума́рова (оьрс. Умарова, Лиза Сулимовна; 1965 шеран 12 март, Алма-Ата) — российн йиш лакхархо а, иллин автор а. ГӀалгӀайчоьнан Республикин сийлахь артистка (2007)[1][2].

Биографи

Йина а, кхиина а Кхазакхстанехь йу. Лиза Умаровас чекхъйаьккхина Ярославскан театралан институт драматически театран актрисан говзаллица[2].

Дуьххьарлера нохчийн тӀом баллалц Соьлжа-ГӀалахь оьздангаллин цӀийнан директор йолуш болх бира. 1999-чу шарахь дуьйна Москох дехьайаьлла йаха хиира[3].

Лиза Умарова иллеш ала а, йаздан а йолаелира ШолгӀа нохчийн тӀом болчу хенахь книгаш йахьа Нохчийчу йогӀучу хенахь.

2002-чу шарахь байташ йаздан йолайелира, 2004-чу шарахь дуьххьарлера альбом арайаьлла[2].

Лиза Умарован дуьххьарлера йаздарш Нохчийчохь «пиратски» кепехь бен ца даржара, амма чӀогӀа гӀарадевлла дара: «Слепой гармонист», «Вставай, Россия», «Молитва о мире» а, кхиерш а[4][5].

«Новая газета» тӀехь Анна Политковскаян «Нохчийн Любэ» статья арайаьллачул тӀаьхьа гӀарайаллера[2].

2006-чу шарахь Сахаровн маёвкехь дакъалецира, Польшехь концерташ йелира[6].

2007-чу шарахь Лиза Умаровас Наурски кӀоштан Чернокозовохь йолчу № 2-чу йолу таIзаран колонехь концерт йелира[7].

2009-чу шарахь Нохчийчу йухайирзира, амма экономикин бахьанашца а, шен воккхаха волу ваша тоьпаш тоьхна вийначул тӀаьхьа а, йуха а Москох дехьайала дийзира цуьнан.

2012-чу шарахь Финлянде гастролашка йаханчу хенахь, цигахь политически тховкӀело йийхира.

2016-чу шеран бекарг баттахь Хельсинки гӀалахь STOA оьздангаллин центрехь португалин режиссёро Луиш Рапозу да Круза хӀоттийна иллиалархочун «Маршо» цӀе йолу моноспектакль гайтира.

Националисташа хьийзор

Москох дехьайаьллачул тӀаьхьа Лиза Умарова националисташа хьийзош йара, цунна а, цуьнан берашна а кхерамаш тийсира[8]. 2005-чу шеран товбецан беттан 5-чу дийнахь Москох Лизина а, цуьнан кӀантана а тӀелатар дира. Суьдо бехке бира тӀелатар дина студент-националисташ къоман цабезам а, мостагӀалла а даржорна[9].

Политически тховкӀело

2012-чу шарахь Финлянде музыкальни фестивале йаханчу Лиза Умаровас шен берашца цхьаьна оцу пачхьалкхан меттигехь политически тховкӀело йийхира. Лизас прессехь элира, цига кхаьчначул тӀаьхьа дуьххьара шен маршо карийра аьлла.

Дуьххьара ца деллахь а, тӀаьхьо цунна а, цуьнан берашна а тховкӀело йелира. Оцу хьокъехь дийцира «Дождь» телеканал тӀехь эмигранташах лаьцна болчу фильмехь.

СовгӀаташ

Доьзал

Кхо бер ду: кӀант Мурад (1990 ш. в.), ши йоI — Малика а, Лейла а (1994 а, 1996 а ш. б.)[10].

Билгалдахарш

  1. ↑ 1 2 Указ Президента РИ О присвоении почетного звания «Заслуженный артист Республики Ингушетия» Умаровой Л.С. www.ingushetia.ru. ТӀекхочу дата: 2026 шеран 20 май.
  2. ↑ 1 2 3 4 Зайнаб Ахмедрахимова. Л. Умарова. Сильная женщина. web.archive.org. ТӀекхочу дата: 2026 шеран 20 май.
  3. ↑ Персональный сайт певицы Лизы Умаровой. web.archive.org. ТӀекхочу дата: 2026 шеран 20 май.
  4. ↑ Певица Лиза Умарова с концертной программой в исправительной колонии. www.grozny-inform.ru (2007 шеран 17 июль). ТӀекхочу дата: 2026 шеран 20 май.
  5. ↑ Лиза Умарова. muzjam.org. ТӀекхочу дата: 2026 шеран 20 май.
  6. ↑ Лиза Умарова: «Надеюсь вернуться домой». www.grozny-inform.ru. ТӀекхочу дата: 2026 шеран 20 май.
  7. ↑ Певица Лиза Умарова с концертной программой в исправительной колонии. grozny-inform.ru (2007 шеран 17 июль). ТӀекхочу дата: 2026 шеран 20 май.
  8. ↑ Правда.Ру, Редакция. Лиза Умарова не успела признать себя потерпевшей, Правда.Ру (2005, 18 сентябрь). Дата обращения: 20 майхь 2026.
  9. ↑ Напавшим на чеченскую певицу студентам вынесен приговор, URA.RU (2006, 15 июнь). Дата обращения: 20 майхь 2026.
  10. ↑ Персональный сайт певицы Лизы Умаровой. web.archive.org. ТӀекхочу дата: 2026 шеран 20 май.

Категореш