Тумхаджиев, Абубакар Бухарун воӀ

А. Б. Тумхаджиевс шен къинхьегаман некъ дӀаболийна некъан белхахо волуш. Кхиаран муьрашкахула чекх а ваьлла, 2006 шарахь Нохчийн Республикан Правительствон гӀишлошйаран материалийн а, гӀишлошйаран индустрин департаментан куьйгалхо хӀоьттира иза. 2007-чу шарера январь баттера 2008 шо кхаччалц, болх бина Нохчийн Республикин автомобилийн некъийн департаментан куьйгалхочун даржехь. 2008 шо 19 январехь А. Б. Тумхаджиев хӀоттийра Нохчийн Республикин автомобилан некъийн министран дарже. 2011 шеран 24 январехь дуьйна иза хӀоттийра Нохчийн Республикин Правительствон Председателан гӀовс - Нохчийн Республикин автомобилийн некъийн министр. 2023 шеран ноябрь баттахь дуьйна Абубакар Нохчийчоьнан Куьйгалхочун Хьалхара гӀоьнчин даржехь ву, некъан гӀуллакхашна тӀехьожуш ву^[1].

Нохчийн Республика меттахӀотторехь жигара дакъалацарна а, Нохчийн Республикин некъан дакъа кхиорехь дина гӀуллакхашна а Тумхаджиев Абубакар Бухараевична делла хӀара совгӀаташ:

• Кадыровн Орден – 2006 шо;
• "Нохчийн Республикина хьалха дина гӀуллакхашна" мидал – 2009 шо;
• Российн транспортан индустрин Къоман йукъараллин совгӀат «Дашо ворда», кхоьллина Пачхьалкхан Думин транспортан комитето а, Российн Федерацин транспортан министерство — 2009 шо;
• Мидал "Даймахкана хьалха дина гӀуллакхашна", 2-гӀа дарж – 2010 шо;
• "Нохчийн Республикан хьакъволу гӀишлошйархо" сийлахь цӀе – 2012 шо;
• Нохчийн Республикехь адамийн бакъонашкахула йолчу уполномоченнин "Адамийн бакъонаш ларйарна" мидал - 2012 шо;

Некъан декъехь дуккха а шерашкахь догцӀена къахьегарна Абубакарна пачхьалкхан а, ведомствон а совгӀаташ делира, шайна йукъахь:

• "Даймахкана хьалха дина гӀуллакхашна, 2-гӀа дарж" мидал;
• Сийлаллин орден;
• Россин транспортан министерствон "За взаимодействие" мидал;
• Л.А. Яковлевн мидал.

Абубакар иштта лауреат хилира А.А. Николаевн совгӀатан а, Россин транспортан индустрин къоман йукъараллин совгӀат «Дашо ворда» а^[2].

Нохчийн Республикин Куьйгалхочун а, сийлаллин грамоташ а, баркаллин кехаташ а^[3].