Тройнин, Максим Валерьевич

Максим Тройнин вина Иркутскан областан Ангарск гӀалахь. МогӀарера кӀант санна кхиъна иза — кертахь футболан буьрка йетташ, къаьсттина деша ваха лууш вацара (Ӏилманашкахь билгалбевлла кхиамаш баьхна велахь а), шен жигараллица доьзалехь билгалваьлла хӀоттийра. Максим дуьххьара волейболан буьрканах куьг тоьхна шен 5 шо долуш — дас иза спортзале вуьгара энерги дӀайаккха. Волейболах ловза волавелира шен 10 шо долуш СДЮСШОР «Сибиряк» йукъахь. Хьалхара тренер — Сохор Марк Александрович. СДЮСШОР-ехь доьшучу хенахь масийттаза дакъалаьцна гӀалин, областан къийсамашкахь совгӀатан меттигаш даьхна.

14 шо кхаьчча, меттигерчу кегийрхойн волейболан сцена мелла а совйаьлла яра цунна. Ловза лаьара. ХӀетахь даймахкахь кхин говзанчийн тоба йацара. Хьалхарчу тренеран хьехамца а, къинхьегамца а 2009-чу шарахь Хантийн-Мансийске дехьавелира иза, цигахь Кизеева Галина Петровнин куьйгаллица олимпийн резерван Югран колледжехь-интернатехь дешна а, Ӏамийна а.

Спортехь волавелира йуккъера блокйечун позицехь ловза.

2011 шарахь Сибрехан федералан гуонан гулйина командехь (тренер Найко Андрей Николаевич) Российн чемпион хилира 1995 шарахь бинчеран тобанехь.

2012 шарахь колледж чекхйаьккхинчул тӀаьхьа Сургуте дӀавахара иза, «Газпром-Югра» Суперлигин клубе къона ловзархой кечбеш йолчу «Звезда Югра» тобанах дӀакхетта (тренер Ноздрин Андрей Сергеевич). Цо цхьаьнатоьхна Ӏамор а, Сургутерчу пачхьалкхан университетехь дешар а.

2012 шеран гурахь кхайкхира Российн жимахойн гулйина команде U-19 (ловзархой 18 шо кхачанза), тренер Александр Кариков. Цунна йукъахь 2013 шеран январехь дакъалаьцнаЕвропин чемпионатан харжаман муьрехь (Елгава), 2013 шеран апрелехь Европин чемпионатан финалан муьрехь (Белград, Лакташи(оьр.)нохч.), цигахь жимахойн Российн гулйина командо хьалхара меттиг йаьккхина. Оцу толамо жимахошна йукъара дуьненан чемпионатехь ловза бакъо йелира.

Чемпионат дӀайаьхьира 2013 шеран июнехь а, июлехь а Мексикин Тихуана а, Мехикали а гӀаланашкахь. Оьрсийчоьнан тобано дашо мидалш йаьхна, ткъа Максим турниран тоьлла блокатор аьлла цӀе а тиллина, Дуьненан массо а седарчийн тобанна йукъа а ваьккхина.

2013 шеран июлехь цо дакъалецира Утрехтехь дӀаяьхьначу XII аьхкенан Европин жимахойн Олимпийн фестивалехь къоман тобанан декъашхо санна. Оцу турниро а дашо мидалш йеара Российн тобанна^[2].

2013/14 шарахь Тройнин Максима хийцира шен ловзаран меттиг — клубан куьйгаллина хетара арахьара спайкеран меттиг баккхийчеран волейболехь алсам перспективаш ло аьлла. Цул тӀаьхьа шо даьлча, «Звезда Югра» тобанан капитан хаьржира иза, кегийрхойн лигин чемпионатехь дешин мидалшка а, кегийрхойн лигин кедехь борзанан мидалшка а кхечира уьш.

2015/16 шарахь бегонде велира волейболан клубе «Соьлжа-ГӀала».

2017 шеран аьхка иза йухавирзира «Газпром-Югра» клубе.

Зуда йалийна (11.06.2016). Зуда — Тройнина Елена Васильевна. ЙоӀ — Есения (01.03.2020).