Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Тангиев, Владимир Георгиевич

Владимир Георгиевич Тангиев (1923 шеран 17 январь, Бухне, Теркан область — 1999 шеран 22 июль, Брянск) — советан Сийлахь-Боккхачу Даймехкан тӀеман ветеран а, старшина а, талламхо а. Даймехкан тӀеман шиъ шолгӀачу даржца орденаш йелла а, ЦӀен Седан орден а, Сийлаллин орден кхоалгӀачу даржан а, ши мидал «Доьналла бахьана долуш» а, мидалш «1941—1945 шерашкахь Сийлахь-Боккхачу Даймехкан тӀамехь Германина тӀехь толам баккхарна» а, «Кёнигсберг схьайаккхарна» а[1].

Биографи

Вина 1923 шеран кхолламан беттан 17-чу дийнахь ДегӀастанан АССР-н ГӀизларан кӀоштан ГӀизларехь[2]. Ишколехь 8 класс чекхъйаьккхина. Тангиевн доьзал кемсийн бошмашца боьзна бара. Цуьнан деда вара ГӀизларан кӀошт чагӀаран а, коньякан а заводан коьрта дегустатор[3].

1942-чу шарахь чекхъйаьккхина Соьлжа-ГӀалин тӀеман гӀашсалтийн училище[4]. Цигара дӀа иза кхайкхира Соьлжа-ГӀалин тӀеман комиссариатехь Сийлахь—боккхачу Даймехкан тӀамна[3].

Тангиев Владимиран вежарий Сийлахь-Боккхачу Даймехкан тӀамехь хилла. Тангиев Лев Георгиевич (1913—1943), лакхара лейтенант а, миномётан ротан командир а[5], тӀом бина Кавказера Курске кхаччалц, цигахь кхелхина 1943 шеран манглан беттан 23-чу дийнахь. ДӀавоьллина меттиг карийна 2012 шарахь — Курскин областехь, Гломаздино эвлахь. Тангиев Пётр Георгиевич (1925—1943) ГӀизларехь хьалакхайкхина. Иза кхелхина Кубанехь 1943 шеран мангалан беттан 17-чу дийнахь, дӀавоьллина меттиг карийна Коржевски йуьртахь массо а каш чохь[2].

216-гӀа герзан дивизин 656-гӀа артиллерин полкан талламхойн отрядан командир вара.

Къилбаседа Кавказан федералан а, Къилбаседа федералан а, ГӀирман фронтан а, 4-чу Украинан а, 1-чу Балтикан а, 2-чу, 3-чу Белоруссин фронтийн эскаршкахь разведчик волуш тӀом бина цо[2].

ТӀеман дакъошкахь — 656-гӀа артиллерин полкехь а, 216-гӀа герзан дивизехь а, 60-гӀа герзан корпусехь а, 50-гӀа эскарехь а тӀом бина, дакъалецира Кубанехь а, Сивашехь а, ГӀирмехь а, Украинехь а, Польшехь а, Литвахь а, Германехь. Цо дакъалецира Мелитополан тӀелетаран операцехь а, ГӀирман тӀелетаран операцехь а, Балтикан стратегин тӀелетаран операцехь а, Малхбален Пруссин операцехь а, Земландерчу операцехь а. Къаьсттина дикачу гӀуллакхех цунна йелира гвардейски сийлахь цӀе, ЦӀен Байракхан а, Суворовн а, Кутузовн орден а[3]. Сийлахь-Боккха Даймехкан тӀом чекхбаьлча дивизи йуха дӀахӀоттийра Дербентехь а, Бакох цигара демобилизаци йира.

Тангиев Владимирна 5 баркалла аьлла Сталин Иосиф: Кёнигсберг схьайаккхарна а, Малхбален Пруссин гӀаланаш Хейлингельбейл а, Дармштадт а, Вормдитт а, Мельцах схьайахарна[3]. Сийлахь-Боккхачу Даймехкан тӀамехь коьртах хала лазийна, чевнаш хилла цуьнан[2].

Тоьллачу салташна йукъахь иза командованица вахийтира 1945 шеран асаран беттан 24-чу дийнахь Москох хиллачу Толаман парадехь дакъалаца[3].

СовгӀаташ

  • «Доьналла хиларна» мидал (10.11.1943 шо);
  • «Доьналла хиларна» мидал (30.03.1945 шо);
  • ЦӀен Седанан орден (19.11.1943 шо);
  • «Кавказ ларъйарна» мидал (30.10.1944 шо);
  • Даймехкан тӀеман шолгӀачу даржан орден (2.09.1944 шо);
  • Билгало «ТӀехдтика талламхо» (24.07.1945 шо);
  • Даймехкан тӀеман шолгӀачу даржан орден (11.03.1985 шо);
  • «Кёнигсберг схьайаккхарна» мидал (2.1947 шо);
  • Сийлаллин орден кхоалгӀачу даржан (2.06.1945 шо);
  • «1941-1945 шерашкахь Сийлахь-Боккхачу Даймехкан тӀамехь Германина тӀехь толам баккхарна»(оьр.)нохч. (9.05.1945 шо).

ТӀом чекхбаьлча хилла гӀуллакхаш

Цо болх бира Соьлж-ГӀалахь, Революцин проспектехь йолчу кхачанан туьканахь (хиндолу «Берийн дуьне») а, «Родина» кинотеатрна дуьхьал йолчу кхачанан туьканахь а, Ханкалахь развилкехь йолчу металлургийн туьканахь (хозмаг) а. «Лакомка» кафе чохь металлургийн туьканан директоран болх бира цо, цигахь 1974 шарахь министран омрица «Социалистийн къовсамехь толамхо» значок йелира цунна[3].

Соьлжа-ГӀалин кхачанан йохк-эцарехь болх бира цо 1954—1956 шерашкахь № 81 туьканан куьйгалхочун даржехь[3].

90-гӀа шераш чекхдовлуш иза дӀавахара ГӀизларе, цул тӀаьхьа Нефтекумске, цигара шен йоӀарша иза (хӀинцале а хала цомгуш хилла) Брянскехь йолчу шен йишин йоӀе дӀакхачийра. ДӀавоьллина Брянскехь, Сийлаллин бахархойн аллейхь 1999 шарахь[3].

Доьзал

Зуда йалийна вара. Цуьнан цхьа кӀант а, ши йоӀ а ду[3].

Билгалдахарш

  1. ↑ Тангиев Владимир Георгиевич. Подвиг народа 1941-1945. ТӀекхочу дата: 2026 шеран 12 май.
  2. ↑ 1 2 3 4 Тангиев Владимир Георгиевич. Память народа 1941-1945. ТӀекхочу дата: 2026 шеран 12 май.
  3. ↑ 1 2 3 4 5 6 7 8 9 Тангиев Георгий. Тангиев Владимир Георгиевич. Бессмертный полк (2018 шеран 18 май). ТӀекхочу дата: 2026 шеран 12 май.
  4. ↑ Тангиев Владимир Георгиевич. www.1418museum.ru/. ТӀекхочу дата: 2026 шеран 12 май.
  5. ↑ Тангиев Лев Георгиевич. Бессмертный полк (2018 шеран 13 май). ТӀекхочу дата: 2026 шеран 12 май.

Категореш