Оьрсийн меттан версиБашха проекташ
Мотт хийца
РУВИКИ-Х ЛАЬЦНА

Сулейманов, Мовсар Мусан кӀант

Сулейма́нов Мо́всар Му́сан кӀант (оьрс. Сулейманов, Мовсар Мусаевич; 1989 шеран 27 февраль, ГихтӀа, Нохч-ГӀалгӀайн Автономин Советийн Социалистийн Республика) — герка ойъург, йалхазза дуьненан чемпион а, Европин чемпион а, Россин чемпион, Россин а, дуьненан а рекордсмен, Россин спортан дуьненайукъарчу классан говзанча. 2024-чу шеран лахьанан баттахь Китайхь дӀайаьхьначу дуьненан чемпионатехь дезчу мидал йаккхира 78 кг кхаччалц йозаллин категори, ткъа иштта хилира йалхазза дуьненан чемпион[2].

Биографи

Вина Нохчийн Республикин Урус-Мартан кӀоштарчу Гихтахь[3]. Йукъара ишкола №3 чекхъйаьккхича, Елецки медицинин колледже деша вахара, цигахь гиревой спорт Ӏамо волавелира «Спартак» спортивни ишколехь[3]. Цуьнан тренер вара Игорь Новиков, Россин сийлахь тренер[4].

Спортан карьера

2010 — Липецкан областан чемпионат а, Елецан Кубок а баьккхира Сулейманговс. 2011 шарахь Колледж чекхйаьккхина, Елецин пачхьалкхан университетан спортан факультете деша дӀахӀоьттира, цигахь бакалавриат а, магистратура а чекхйаьккхира.

Дешар чекхдаьккхича, даймахка цӀавеара. 2015-чу шарахь Соьлжа-ГӀалахь «Ахмат» спорткомплекс схьаеллича, Сулейманговс гиревой спорте а, кроссфите а тренер болх бан волавелира. Тренералла дарехь цо Спортан говзанча кандидат виъ ву кхиош[5].

2016 шарахь Лас-Вегасехь (АЦШ) дуьненан кедан муьран толамхо хилира[5].

2019 — Нови-Сад гӀалахь гиревой спортехь дуьненан чемпион хилира 73 кг кхаччалц йозаллин категори. Шиъ 32 кг йолу ги охьа а, хьала а кхийссина 152-зза охьатаӀийра, хьалхалерчу дуьненан рекорд 14 охьатаӀар совдоккхуш. Классически шудойборгехь 237 очко гулйира, иштта дуьненан рекорд а хӀоттийра[6].

2021 шарахь 28–30 майхь, Казане — Гиревой спортехь Европин чемпионат: 73 кг кхаччалц категори толам баьккхина. «Ши гир доккху цикл» дисциплин 162 охьатаӀар дина, дуьненан рекорд хӀоттийна[3]. Оцу жамӀанан регистраци Йерригроссийн гиревой спортан федерацино тӀеэцна Россин рекорд санна[7].

21–24 октябрехь, Будапешт — Дуьненан чемпионат: 73 кг кхаччалц категори дуьненан чемпион хилира, кхоъ деши мидал йаккхина. Классически толлучохь 166 охьатаӀар дина, дуьненан рекорд хӀоттийна[8].

2023-чу шеран товбецан баттахь Хива гӀалахь гиревой спортехула дуьненан чемпионатехь деши мидал а йаьккхина, дуьненан рекорд а хӀоттийна[4].

2024-чу шеран хьаьттан беттан 21-26-чу деношкахь Чолпон-Ата гӀалахь дуьненан чемпионатехь 78 кг кхаччалц категори левзира. Цо 10 минотехь 32 кг массехи ши ги охьа а, хьала а кхуссуш 145 охьатаӀар дира, индивидуальни зачётаехь деши мидал а, командин эстафетехь кхин а цхьа деши мидал а йаьккхира[9].

2025-чу шеран лахьанан беттан 13-18-чу деношкахь Китайхь дуьненан чемпионатехь Сулейманговс 78 кг кхаччалц категори къийсамехь толам баьккхина. Иза цуьнан дуьненан чемпионаташкахь ялхалгӀа толам бу[2].

Тренер волуш Сулейманговс Спортан говзанча кандидат статус йолуш виъ спортсмен кхиош ву[5].

Спортан кхиамаш

  • 2019 — Дуьненан чемпион гиревой спортехула, 73 кг кхаччалц йозаллин категори[6];
  • 2021 — Европин чемпион гиревой спортехула, 73 кг кхаччалц йозаллин категори, Дуьненан чемпион гиревой спортехула, 73 кг кхаччалц йозаллин категори[3];
  • 2023 — Дуьненан чемпион гиревой спортехула[8];
  • 2024 — Дуьненан чемпион гиревой спортехула, 78 кг кхаччалц йозаллин категори[8];
  • 2025 — Дуьненан чемпион гиревой спортехула, 78 кг кхаччалц йозаллин категори[2].

Рекордаш

  • 2019 — Дуьненан чемпионатехь (Нови-Сад) хӀоттийна дуьненан рекорд шиъ 32 кг гир охьа а, хьала а кхуссуш — 152 охьатаӀар. Классически шудойборг жамӀе диллича — 237 очко (дуьненан рекорд)[6];
  • 2021 — Казане (Европин чемпионат) «шозлагӀа ги доккху деха циклан» дисциплинин 162 охьатаӀар дина; жамӀ Россин Гиревой спортан федерацино рекордашна йукъадаьккхина[7];
  • 2021 — Октябрехь Будапештехь классически толлучохь 166 охьатаӀар дина, дуьненан рекорд хӀоттийна[8].

Билгалдахарш

  1. ↑ СПИСОК кандидатов в спортивную сборную команду Калужской области на 2023 г. // https://sport.admoblkaluga.ru/upload/oiv/min-sport/dokisport/sport-sbornie/Girevoy12102023.pdf
  2. ↑ 1 2 3 Чеченец завоевал золото на чемпионате мира по гиревому спорту в Китае. ИА «Грозный-информ» (2025 шеран 16 ноябрь). ТӀекхочу дата: 2026 шеран 27 август.
  3. ↑ 1 2 3 4 Мовсар Сулейманов стал чемпионом Европы по гирям. web.archive.org (2021 шеран 2 июнь). ТӀекхочу дата: 2026 шеран 27 август.
  4. ↑ 1 2 Чемпион мира по гиревому спорту Мовсар Сулейманов посвятил свою победу елецкому тренеру Игорю Новикову. Липецкое время (2023 шеран 12 сентябрь). ТӀекхочу дата: 2026 шеран 27 август.
  5. ↑ 1 2 3 Гиревой спорт.
  6. ↑ 1 2 3 Мовсар Сулейманов — чемпион и рекордсмен мира. Управление физической культуры и спорта Липецкой области (2019 шеран 13 ноябрь). ТӀекхочу дата: 2026 шеран 27 август.
  7. ↑ 1 2 Рекорды России: мужчины. Всероссийская федерация гиревого спорта (2025 шеран 22 апрель). ТӀекхочу дата: 2026 шеран 27 август.
  8. ↑ 1 2 3 4 Мовсар Сулейманов — чемпион мира-21. web.archive.org (2021 шеран 27 октябрь). ТӀекхочу дата: 2026 шеран 27 август.
  9. ↑ Мовсар Сулейманов победил на чемпионате мира по гиревому спорту. ИА «Грозный-информ» (2024 шеран 28 август). ТӀекхочу дата: 2026 шеран 27 август.

Хьажоргаш

Категореш