Согдиана (йиш лакхархо)
Согдиана (1984 шеран 17 февраль[1], Ташкент), шен сценин псевдонимашца дика йевзаш Согдиа́на и Согдиа́на Федоринская — Узбекийн а, Российн[2], эшаран автор. Нохчийн Республикан халкъан артист (2009). ГӀалгӀайн Республикан Сийлахь артист (2018).
Биографи
Нечитайло вина 1984-чу шеран бекарг беттан 17-чу дийнахь Ташкентехь. Иза къомах украинхо йу[2]. Цуьнан да Нечитайло Владимир инженер ву, ткъа нана Федорынска Лариса Ӏамийна медицинан белхало йу. Цуьнан бабас килсан хорехь илли олура.
Музыкальни ишкола чекхъйаьккхина цо, фортепиано Ӏаморан класс йолуш. Иштта сурт дилла а, хелхарш дан а, илли ала а Ӏамийна цо.
Дуккха а дуьненайукъарчу а, къоман а конкурсашкахь дакъалаьцна цо, дукха хьолахь совгӀаташ а дохуш. 2001 шарахь цо арахийцира шен дебютни альбом Mening ko‘nglim (оьрс. Моя душа), цу йукъахь дара узбекийн а, оьрсийн а, ингалсан а меттанашкахь эшарш. 2003 шарахь Согдиана кхаьчна Узбекистанан пачхьалкхан совгӀат «Нихол».
2004-чу шарахь дуьйна Согдиана репертуарехь узбекийн маттахь йолу композицеш йу «Mening shahzodam» (оьрс. Мой принц ) а, «Ovora bo‘lma» (оьрс. Не надейся) а, «Нетай» (оьрс. Что делать") а, «Сен Келма» (оьрс. Не приходи) а, «Yurak Mahzun» (оьрс. Сердце-магнит) а, цунна видеоклипаш а йаьхна. Дукха хан йалале, альбом Mening Shahzodam… Baribir Kelar!, арайелира, шена йукъахь и композицеш а йолуш. 2006 шарахь Согдиана дакъалецира «Седарчийн фабрика» похӀманийн шоун доьалгӀачу сезонехь, продюсер вара Дробыш Виктор. И шо чекхдолуш иллиалархочо шен дуьххьарлера «Дашо граммофон» совгӀат дира «Yurak Mahzun» иллин оьрсийн маттахь вариантца — «Дог-Магнит».
2007-чу шарахь Согдиана «Сийна стигал» иллин клип йаьккхина, шен дуьххьарлера российн альбом тӀехь болх бан йолийра. Цхьа хан йаьлча, Согдиана шен шолгӀа «Дашо граммофон» совгӀат делира «Сийна стигал» цӀе йолчу фильманна, «Керла эшарш коьртачу хӀуманах лаьцна» телефестивалан лауреат хилира. Российн халкъан музыка кхиорехь дакъалацарна Москох мэрин «Пилар» совгӀат а делира цунна.
2008-чу шеран чиллин беттан 14-чу дийнахь арайелира Согдиана дуьххьарлера оьрсийн альбом «Дог-Магнит».
2009-чу шарахь Согдиана йелира Нохчийн Республикин халкъан артистан цӀе. «Со дагайаийта» а, «Эдеман малхбале» а эшаршна видеош йаьхна, арахецна. Дукха хан йалале иллиалархочунна кхаьчна «Дашо граммофонан» совгӀат «Эдеман малхбале» цӀе йолчу эшарна.
2010 шеран охьанан беттахь премьера хилира «Хьоьца йа хьоьца йоцуш» иллин а, клипан а. 2011 шеран кхолламан баттахь 30-чу дийнахь арайелира Согдиана шолгӀа оьрсийн альбом «Эдем». Керла сингл «Йист мукъан хила» дукха хан йалале арайелира, иза тӀаьхьо йукъайаьккхира «Эдем» цӀе йолчу лимитан тиражца йуха арахецарна.
2014-чу шарахь, кхаа шарахь сацам бинчул тӀаьхьа, Согдиана йуха а сцени тӀе йеара, «Ткъес» иллин клип а йаьккхина. 2015 шарахь иллиалархочо арахийцира оьрсийн маттахь «Mening Shahzodam» иллин верси, «Эпидеми» цӀе а йолуш, «ТӀемаш доцу олхазар» иллин клип йаьккхира, шен хит «Дог-магнит» дӀакхайкхийра 20-чу «Дашо граммофон» совгӀатийн мероприятешкахь.
2016 шеран чиллин беттан цо премьера йира Авраам Руссоца цхьаьна «Хила йиш йоцуш хӀумма а дац» иллин цхьаьна клипан.
2018-чу шеран кхолламан баттахь дуьйна Согдиана куьг йаздина Goldenlook Management Company лейблца. Чиллин баттахь цо премьера йира «Соьца хила» иллин. ХӀутоссург баттахь цо премьера йира «Хьоьца» иллин.
Кхиамаш
- 1998 — Республикан къона пианистийн конкурсан лауреат.
- 1999 — Узбекистанан телевиденин иллиалархой лерина эстрадан эшарийн фестивалан «САДО-99» лауреат.
- 2002 — хьалхара Республикан эстрадан иллиалархойн «Сан мехкан мукъамаш» конкурсан лауреат.
- 2003 — Дуьненайукъара эстрадан иллиалархойн «Седарчашна тӀе некъ» конкурсан лауреат (Петарбух, Росси).
- 2003 — ПохӀма долу кегийрхойн «Нихол» пачхьалкхан совгӀатан лауреат 2003 (Ташкент, Узбекистан).
- 2005 — Дуьненайукъара эстрадан иллиалархойн «Дискавери» конкурсан лауреат (Варна, Болгари).
- 2005 — Дуьненайукъара эстрадан эшарш локхучу нехан «Canzoni Dal Mondo» конкурсан лауреат (Итали).
- 2006 — «Дог-магнит» иллин «Дашо граммофон» совгӀатан лауреат.
- 2007 — «Сийна стигал» эшарна «Дашо граммофон» совгӀатан лауреат.
- 2007 — «Пилар» совгӀатан лауреат
- 2008 — «Дашо граммофонан» совгӀат кхаьчна «Мох тӀаьхьакхиа» иллина[3].
- 2009 — Нохчийн Республикан халкъан артистан цӀе йелла.
- 2010 — «Радиофаворит-Исполнительница» номинацехь «Эфиран Дела» совгӀат кхаьчна.
- 2010 — «Эдеман малхбале» иллина «Дашо граммофон» совгӀат кхаьчна.
- 2015 — «Дог-магнит» иллина «Дашо граммофон» совгӀат кхаьчна.
- 2018 — ГӀалгӀайн Республикан хьакъволу артистан цӀе.
Дискографи
Видеографи
| Год | Клип | Режиссёр | Альбом |
|---|---|---|---|
| 2000 | «Ассоль» | неизвестно | «Mening Ko’nglim» |
| 2004 | «Mening Shahzodam» | «Mening Shahzodam… Baribir Kelar!» | |
| «Ovora Bo’lma» | |||
| 2005 | «Netay» | Скан Мульти | |
| «Sen Kelma» | неизвестно | ||
| «Yurak Mahzun» / «Дог-магнит» | Скан Мульти | «Mening Shahzodam… Baribir Kelar!» / «Дог-магнит», «Эдем» | |
| «Meni Esla» | Бахром Якубов | OST «Согдиана» | |
| 2007 | «Сийна стигал» | Георгий Тоидзе | «Дог-магнит» |
| 2008 | «Мархаш дӀасайаржийна» | Андрей Болтенко | «Эдем» |
| «Ма йита» | |||
| 2009 | «Со дага йаийта» | Баходыр Юлдашев | |
| «Эдеман малхбале» | |||
| 2010 | "Хьо волчохь а, воцуш а " | ||
| 2011 | «Йист мукъан хила» | ||
| 2014 | «Ткъес» | Ирина Миронова | «Ас хоржу хьо» |
| 2015 | «ТӀемаш доцу олхазар» | Нина Дягилева Данила Зотов Ася Фри | |
| 2016 | «Хила йиш йоцуш хӀумма а дац» (feat. Авраам Руссо) |
Жор Мелоян | |
| 2017 | «Декъалуш боцу» | Ёдгор Насыров | |
| 2018 | «Хилла соьца» | Валентин Савин Катерина Лагода | |
| «Хьоьца» | Тарас Голубков | ||
| «Ас хьо хоржу» | Александр Филатович | ||
| 2019 | «ЧӀуг» (feat. Абдулкарим) |
Рина Касюра | без альбома |
| «Лаца» | Александр Филатович | ||
| 2020 | «Уггаре дика де» | Serghey Grey |
Фильмографи
- 2005 — Ходжа Насреддин — ловзар дӀадолало — Ясмин
- 2006 — Согдиана — Согдиана Федоринская
Билгалдахарш
- ↑ 1 2 Internet Movie Database (инг.) — 1990.
- ↑ 1 2 Певица Согдиана: Я благодарна отцам моих сыновей(оьр.), Mir24 (20 февралехь 2018). Дата обращения: 25 январехь 2026.
- ↑ Золотой Граммофон 2008. web.archive.org. ТӀекхочу дата: 2026 шеран 25 январь.
Хьажоргаш
- Согдианан леррина сайт. sogdianaofficial.ru. ТӀекхочу дата: 2026 шеран 25 январь.